Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Театр йылы “Ҡәнифә юлы”нан башланды
Тамашаның тәрбиәүи әһәмиәте көслө.

“Сулпан” Театр йылын “Ҡәнифә юлы” (билдәле драматург Сәрүәр Сурина пьесаһы) спектакле менән башлап ебәрҙе. Режиссер Зиннур Сөләймәнов сәхнәләштергән был тамаша үҙенең етдилеге, тәрбиәүи әһәмиәте, халыҡсанлығы менән иғтибарҙы йәлеп итә.

...Спектакль башындағы рекурсия – режиссерҙың табышы, тип әйтергә мөмкин, сөнки ул тамашасыны көтөлмәгәнлеккә, ҡырҡыу хәлдәргә әҙерләй, унда үҙ ереңдең патриоты булыу, илһөйәрлек, төрлө хәл-ваҡиғалар алдында ебеп ҡалмау тойғолары уята. Ғөмүмән, пьеса авторының әйтергә теләгән һәр детален төптән аңлап, халыҡсан, аңлайышлы алымдар менән эш иткән режиссер.

Төп ролдә уйнаған йәш актриса Яҙгөл Ниғмәтуллина үҙ персонажын бөтә тулылы­ғында һәм ышандырырлыҡ итеп асып бирә алды. Тамашасы ҡыҙ менән бергә янып-көйөп, уның шатлыҡтарына ҡыуанып, батыр­лығына һоҡланып туйманы. Ҡәнифәнең һеңлеһе Әлимә ролендә уйнаған Айгөл Юлмөхәмәтова ла тамашасыларҙың ихлас һөйөүен ҡаҙанды.

Әйтергә кәрәк, “Ҡәнифә юлы” спектакле Яҙгөл менән Айгөл һәм Әбеш ролен башҡарған Илфаҡ Исҡужин өсөн тәүге етди һынау булды. Улар өсөһө лә “бишлегә” сығыш яһаны! Был Сибай концерт-театр берекмәһе етәксеһе Башҡортостандың атҡаҙанған артисы Айбулат Ҡотошов менән “Сулпан” балалар театрының художество етәксеһе Башҡортостандың халыҡ артисы Вәкил Йосоповтарҙың ижади кадрҙарҙы һайлағанда теүәл һәм аныҡ интуицияға эйә булыуҙарын тағы бер тапҡыр иҫбатлай.

Сәхнә ветерандары Фәһим Сөнәғәтов (Йомаҡай), Альбина Байназарова (Аҡһылыу), Юлдаш Юлдыбаев (Әбеш), Борис Мәхмүтов (Ғимран), ижад юлында әҙме-күпме тәжрибәгә эйә булған актерҙар Фидан Шәйәхмәтов (Юлтый ҡасҡын), Динис Нурғәлин һәм күмәк сәхнәлә уйнаған башҡа актерҙар тураһында ла йылы һүҙҙәр генә әйтергә мөмкин.

Ғөмүмән, “Ҡәнифә юлы” – асылыбыҙ байлыҡ һәм дан артынан ҡыуыу, кешелеклелек төшөнсәләрен юғалтыу, кешеләрҙең үҙҙәрен генә ҡайғыртыуы, башҡалар хаҡында уйлауҙы һуңғы планға ҡуйыу өҫтөнлөк ала барған бөгөнгө заманда көнүҙәк һәм үҙенсәлекле сәхнә әҫәре. Уны йөрәгендә башҡорт рухы булған, милләтем, телем, ерем-һыуым тип янған һәр кем ҡарарға тейеш.

Спектакль аҙағында тамашасылар менән фекер алышыу ойошторолдо. Педагогия ветерандары Миңъямал Әхмәтова, Дилә Әҙеһәмова, драматург Әминә Яхина һәм башҡалар, ошондай тамашалар йышыраҡ ҡуйылһын һәм уларға бөтә башҡорт балалары ла йәлеп ителһен ине, тип теләк белдерҙе. Әйткәндәй, һуңғы йылдарҙа күпселек мәктәптәрҙә уҡытыусыларҙың спектакл­дәрҙе рус телендә генә ҡуйыуҙы һорау­ҙары, шул сәбәптән балаларҙың милли сығанаҡтарҙан ситләштерелеүе тура­һында әсенеп һөйләүселәр ҙә булды.

Хәйбулла районының Йәнтеш ауылынан тарих уҡытыусыһы, һәүәҫкәр эҙәрмән – Ҡәнифә юлын махсус өйрәнгән шәхес Рәсих Әхмәтов та үҙ фекерҙәре менән уртаҡлашты һәм спектаклгә юғары баһа бирҙе.

– Ҡәнифә юлын Ҡуңырбуға юлы, Таңдыса юлы, Ебәк юлы менән бутауҙарына асыҡлыҡ индереү өсөн миңә, үҙ сиратымда, нәҡ шул юлдан байтаҡ саҡрым үтергә тура килде, уларҙың бер-береһенән айырылыуын аңланым, – тине “Сулпан” театры ҡунағы. – Ҡәнифә юлының тарихы ла бер нисә вариантта бәйән ителә. Уларҙың һәр береһе үҙенсә бик ҡыҙыҡлы һәм ышандырғыс...




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 183

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 413

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 259

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 253

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 143

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 231

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 194

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 201

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 259

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 191

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 380