Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Хәрәкәттән бигерәк бәрәкәте
Хәрәкәттән бигерәк бәрәкәтеСтәрлетамаҡта инде биш йылдан ашыу балаларҙы милли бейеү серҙәренә төшөндөргән берҙән-бер ансамбль эшләп килә. Исеме ниндәй бит әле уның — “Торатау”! Кескәй генә артистары менән ошо коллектив ҙур тамашаларҙа ҡатнаша, республика бәйгеләрендә урындар яулай. Рухи мөхитте һәм милли сәнғәтте үҫтереүгә ҙур өлөш индергән ансамбль етәксеһе, Башҡортостандың атҡаҙанған артисы Рәил ЛОҠМАНОВ менән коллективтың тарихы, көндәлеге хаҡында әңгәмә ҡорҙоҡ.

— Рәил Рәйес улы, бындай шәп идея нисек тормошҡа ашты?
— Инде егерме йыл ҡаланың 3-сө башҡорт лицей-интернатында бейеү түңәрәге алып барам. Ошондай уҡ эште элегерәк Ж. Кейекбаев исемендәге 3-сө гимназияла ла башҡарҙым. Ҡалала башҡорт бейеүҙәрен өйрәнергә теләүселәр, балаларын рухлы итеп үҫтерергә тырышҡан ата-әсәләр ишәйә. Ошо теләктәрҙе иҫәпкә алып, ҡатыным Гөлгөнә менән ансамбль асырға булдыҡ. Тормош иптәшем мәрхүмә булып ҡалғас, уның эшен ҡыҙым Лиана дауам итә. Ул кем ҡайҙа сығыш яһай, ниндәй сарала ҡатнаша, репетициялар нисек үтә – барыһын да хәл итә.

— Лоҡмановтарҙы ҡалала бейеүселәр ғаиләһе тип беләләр шул...
— Ысынлап та, Гөлгөнә менән беҙ ҙә – бейеүселәр, ҡыҙыбыҙ Әҙилә лә “Торатау”ҙа шөғөлләнә, Лиана инде үҙе бейергә өйрәтә. Әммә бейеү сәнғәтен, халҡыбыҙҙың милли хазинаһын күберәк ғаиләләр һәм нәҫелдәр һаҡлаһын ине тигән теләк ҙур.

— Бейергә теләүселәр күпме?
— Бөгөнгө көндә ете тиҫтәнән ашыу бала шөғөлләнә. Шул иҫәптән әле телгә алған гимназия, ҡаланың 62-се балалар баҡсаһы тәрбиәләнеүселәре лә ансамблгә күпләп йөрөй. Шулай уҡ күрше райондарҙан килеүселәр ҙә бар. Балалар өс төркөмдә шөғөлләнә – кемдер саҡ бейергә өйрәнә, кемдер ике-өс йыл йөрөй, биш йыл буйы ансамблдә бейеүселәр ҙә бар. Иң өлкән бейеүсебеҙгә 15 йәш булһа, иң кесеһенә 3 кенә йәш әле. Хәҙер инде репертуарыбыҙ ҙа байып китте – тиҫтәнән ашыу бейеү ҡуйҙыҡ. Барыһы ла милли бейеүҙәр.

— Өс кенә йәшлектәр шөғөлләнә, тинегеҙ. Уларҙың хәрәкәт итеп йөрөүе үҫеш өсөн бик һәйбәт, минеңсә.
— Әлбиттә, бейеү сәнғәте, бигерәк тә милли бейеүҙәр баланың физик һәм психологик үҫешенә ыңғай йоғонто яһай. Бөтә күҙәнәктәре, ағзалары хәрәкәткә килеп, ҡан тиҙерәк йүгерә, мейе тиҙерәк эшләй, етеҙлек, һиҙгерлек һәм башҡа мөмкинлектәр арта. Әммә ансамбль бының өсөн генә булдырылманы бит. Бөгөн бихисап малай-ҡыҙҙарыбыҙ – конкурстарҙа еңеүселәр. “Байыҡ” конкурсынан Гран-при яулап ҡайттылар. Мәҫәлән, Илһам Ғималов, Әлиә Хөснөтдинова, Алина Хәйретдинова, Эльза Ғәлина һәм башҡалар — киләсәктә Бейеү театры коллективына алмаш булырҙай быуын. Әммә был да тәү маҡсат түгел әле. Бөтә хыялым – ошо етмеш кенә баланы булһа ла милли бейеүҙәребеҙ нигеҙендә рухлы итеп тәрбиәләү. Шуға күрә хәрәкәттән бигерәк рух бәрәкәте бар. Иң мөһиме, бәхеткә күрә, яйлап ҡына хыял тормошҡа аша бара. Балалар ихласлап башҡортса бейей, “Һаумыһығыҙ!” тип күрешә, милли кейемдә ғорур баҫып йөрөй. Милли бейеүҙәребеҙҙе, йырҙарыбыҙҙы, әкиәттәребеҙҙе мираҫ итеп ҡалдырырлыҡ быуын үҫеп килә икән, тимәк, ул дөрөҫ юлдан барыр.

Стәрлетамаҡ ҡалаһы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 238

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 621

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 304

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 381

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 236

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 267

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 240

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 242

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 336

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 255

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 424