Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Лилиә яулаған уңыштар
Лилиә яулаған уңыштар Сәхнәлә берсә аҡҡоштай талпынып, берсә ойоҫҡота баҫып бейегән Лилиә Мөхөтдинованы күргән тамашасы уның эшҡыуар икәнлегенә һис тә ышанмаҫ. 2016 йылда “Әбйәлил биҙәктәре” фольклор ансамблендә сығыш яһап, нәзәкәтле ханым “Байыҡ” телевизион бейеү конкурсының Гран-прийына лайыҡ була. Оҙаҡ йылдар Әбйәлил районының “Йәшлек” халыҡ бейеү ансамблендә сығыш яһай, республика данын Германияла күрһәтеү өсөн коллектив менән сит илгә сыға. Бөгөн Лилиә Зәбир ҡыҙы – районда малсылыҡ тармағы буйынса киң үҫеш алған эшҡыуарҙарҙың береһе, крәҫтиән (фермер) хужалығы етәксеһе.


Тормош иптәше Әбүзәр Ғаяр улы менән бергә 2006 йылда үҙ эштәрен асалар. Ғаилә башлығының оҙаҡ йылдар малсылыҡта эшләүе, һөт-тауар фермаһы мөдире булараҡ тәжрибәһе лә ярап ҡала. Шәхси ихатаһындағы биш һыйыр, ун ике йылҡы, биш һарыҡтан башланған ғаилә бизнесы тиҙ арала киң үҫешә. Бер йылдан Мөхөтдиновтар буш торған ферманы, аҙаҡ орлоҡ һаҡлау складын һатып ала, мал һанын арттырыуға өлгәшә.
Әле хужалыҡта 112 баш һыйыр малы, 170 һарыҡ, 125 йылҡы, 50 бейә иҫәпләнә. Йыл һайын 15 тоннанан ашыу ҡымыҙ етештерелә, 85 центнер ит һатыла, 450 килограмм һарыҡ йөнө тапшырыла.
2015 йылда “Крәҫтиән (фермер) хужалығы базаһында ғаилә малсылыҡ фермаһын үҫтереү” программаһы нигеҙендә Мөхөтдиновтар 3,6 миллион һум грант ала. Был аҡсаға трактор, симменталь тоҡомло таналар, ике тоҡомло үгеҙ һатып алына, ферма ремонтлана.
– Йылҡысылыҡ тармағы яйға һалынды, – ти хужалыҡ етәксеһе. – Ҡымыҙға һорау ҙур булғанлыҡтан, етештереп өлгөртә лә алмайбыҙ. Ферманың “Яҡтыкүл” курорт зонаһында урынлашыуы отошло, клиенттар үҙҙәре килеп ала. Һарыҡсылыҡ тармағы ла аҡрынлап үҫешә, йәй шашлыҡҡа, дини байрамдарҙа ҡорбан өсөн һарыҡтар үтеп тора. Айырым клиенттар һарыҡ итенә өҫтөнлөк итә, ундайҙар өсөн һуйып тапшырабыҙ. Әле малсылыҡта проблемалар бар, һөттө ҡайҙа илтеп һатырға тигән һорау борсой. Әлбиттә, күрше Магнитогорск йәки Мәләүезгә тапшырырға мөмкин, әммә уның хаҡы, ваҡытында иҫәпләшмәүе бер аҙ күңелде ҡыра. Ошо тәңгәлдә эште яйға һалғанда, ең һыҙғанып эшләргә генә ҡала, – тип йылмая Лилиә Зәбир ҡыҙы.
Уңған кеше бар яҡлап та уң килгән тигәндәй, малсылыҡ тармағында ғына туҡтап ҡала торғандарҙан түгел геройым. Киләсәктә туризм йүнәлешендә лә үҙен һынап ҡарамаҡсы. Ҡымыҙ фермаһы янында ағастан йорттар һалып, этноауыл төҙөргә хыяллана. Туристар өсөн тирмәләр ҡороп, уны башҡорт ғөрөф-ғәҙәттәренә, көнкүрешенә, милли йолаларына хас йыһазландырыу, башҡорт милли аш-һыуын (бишбармаҡ, ҡорот, ҡымыҙ) әҙерләү, атта һыбай йөрөү кеүек төрлө ҡыҙыҡлы һәм мауыҡтырғыс сәйәхәттәр ҡарала. Йыл һайын Яҡтыкүлгә төрлө тарафтарҙан меңдәрсә кешенең ял итергә килеүен иҫәпкә алғанда, этноауылдың ҙур һорау менән файҙаланылыуы бөгөндән үк билдәле.
Мөхөтдиновтар үҙҙәре йәшәгән Һамар ауылында ғына түгел, ауыл биләмәһендә, районда үткәрелгән бик күп сараларға бағыусылыҡ ярҙамы күрһәтә, Ололар көнөндә, Яңы йыл байрамдарында ауылдаштарына бүләк тарата. Тормош иптәше менән өс бала тәрбиәләй. Өлкән ҡыҙҙары табип һөнәрен һайлаған, улдары – буласаҡ юрист, ә кескәйҙәре Асҡарҙағы Таһир Кусимов исемендәге гимназияла белем ала. Әсәһенән күргән тун бескән, тигәндәй, бәләкәй ҡыҙҙары Әлиә дүрт кенә йәшендә “Иң йәш бейеүсе” номинацияһына лайыҡ була, ә һигеҙ йәшендә балалар араһында үткән “Байыҡ” телевизион конкурсында Гран-при яулай. Бейеүгә ғашиҡ Лилиә Зәбир ҡыҙы ауылда үҙенең инициативаһы менән бейеү түңәрәге алып бара. Түңәрәктә төрлө йәштәге 50-нән ашыу кеше шөғөлләнә. Бейеүсе, эшҡыуар, бәхетле әсә, һөйөклө ир ҡатыны Лилиә ханым тормоштан да, ғаиләһенән дә уңған. Ә уңған булыуҙың төп сифаты – бер эштән дә ҡурҡмаҫҡа, ҡояш менән бергә торорға, эшләргә лә эшләргә, ти мәҡәлә геройы.

Әбйәлил районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 237

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 619

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 304

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 381

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 233

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 266

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 238

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 239

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 335

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 255

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 424