Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йәнем урап ҡайтыр әле Тәпәй атлап сыҡҡан тупһаға...
Йәнем урап ҡайтыр әле Тәпәй атлап сыҡҡан тупһаға...Телем

“Эй, Туған тел!..” — тип Туҡайса
Йән атҡандар кем әле?!
Әйләнәме ихтыяжға
Туған телемдең хәле?!

Һис юғында миндә йәшәр
Һөйөклө Туған телем.
Йән үҙ телендә һөйләшер,
Йыҡҡас та мине үлем.

Миндә бары үҙ телемдә —
Һөйөнөү, көйөнөү ҙә,
Хыялдарым, өмөттәрем,
Һөйөлөү... һүгелеү ҙә.

Хаҡтар

Хаҡтар саба беҙҙең алдан,
Ҡыуып тоторлоҡ түгел.
Ерләү хеҙмәттәренә лә
Хаҡ артҡан, тиҙәр бөгөн.

Йәшәгеләр килә лә ул,
Әжәлдәргә төкөрөп,
Дарыуҙарға хаҡтар арта,
Нервыларҙы бөтөрөп.

Ауырыуҙар нервынан, тип
Күпме сирҙәр атала.
Сырхауҙарға бар бер дарыу —
Ул әжәл тип атала.

Ер йөҙөндә бар нәмә лә
Хаҡҡа барып бәйләнә.
Ер генә ҡояш тирәләй
Хаҡ һорамай әйләнә.

Тупһалар

Ирек ағайға.

Беҙ йылынған мейестәр ҙә юҡ инде,
Тәпәй атлап киткән иҙәндәр...
Тупһа ла юҡ, атай-әсәйҙәр ҙә
Шул тупһанан сығып киткәндәр.

Күп тупһалар булды ғүмеремдә –
Абынғаным, атлап үткәнем,
Булды мине ергә төшөргәне,
Булды унан күккә менгәнем.

Ваҡыт еткәс, яҙмыш мәңгелеккә
Ҡайһы тупһанан алып сыҡһа ла,
Бәлки, йәнем урап ҡайтыр әле
Тәпәй атлап сыҡҡан тупһаға...

Ҡайтыр инем

Йылдарҙың буранынан,
Юлдарҙың урауынан
Ҡайтыр инем йәшлегемә.
Етәкләшеп һинең менән,
Бер генә кис уҙыр өсөн
Ауылым урамынан.

Йылдарҙа буран ғына,
Юлдар ҙа урау ғына...
Ҡултыҡлашып уҙғанда ла
Урамдар беҙҙе танымаҫ —

Маңлайҙарҙа йыйырсыҡтар,
Сәстәрҙә ҡырау ғына.

***
“Шағир йөрөй урам буйлап,
Йылынып йыры менән”.

Салауат Әбүзәров.

Урам буйлап берәү килә —
Асыҡ пальто иҙеүе.
Был һыуыҡта тирләп-бешкән
Әбүзәров үҙеме?!

Ул йылына йыры менән
Гиҙгәндә урамдарҙы...
Йәлләп ҡуйҙым шул минутта
Йыры булмағандарҙы.

Асфальт һалалар

Тырышып асфальт һалалар
Ауылым урамында.
Күршеләр менән шул хәлде
Күҙәтеп торам бында.

Таҡыр юлдар кәрәк уныһы...
Прогресс белә нишләрен.
Тик асфальт аҫтында ҡала
Тәпәй баҫҡан эҙҙәрем.

...Ҡыҙышып асфальт йәйәләр —
Бәғерҙе өшөтөрлөк.
Күҙҙәремдә ҡайнар йәшем —
Асфальтты иретерлек.

***
Ситән буйындағы әрәмәлә
Сабый саҡтан бирле шул иҫтә:
Әбейемдән ҡасып һоро тауыҡ
Себеш сығарғаны бер тиҫтә.

...Аҙбар урынында таш өйөмө,
Ситән ауған инде бик күптән.
Әрәмәлә һыҙғырышҡан елдән
Себеш тауыштары ишетәм.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 651

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 537

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 749

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 383

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545