Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Һирәгәйә бара сафтарыбыҙ
Һирәгәйә бара сафтарыбыҙҠорҙашым Ирек Кинйәбулатов көслө рухлы шәхес булып бик күптәрҙең күңелендә оҙаҡ һаҡланыр. Ғүмеренең һуңғы йылдарында бик ҡаты ауырыуға дусар булһа ла, ул барыбер сафта ҡалды. Уның бик күп көндәре юлда үтте. Өфөлә генә түгел, республика райондарында һәм сит өлкәләрҙә әҙәби кисәләрҙә. Ижади осрашыуҙарҙа иң йыш ҡатнашҡан ҡәләмдәштә­ребеҙҙең береһе, һис шикһеҙ, Ирек Кинйәбулатов булғандыр.
Олоғая барған һайын уның күберәк ваҡыты сәфәрҙә уҙа торғайны. Ижад эштәре менән көндәлек тормоштан айырылып торғанда ла, ул ижади мөхи­те­беҙҙәге һәр яңылыҡты белеп йәшәне. Ҡулында – яңы гәзит һәм китап, кү­ңе­лендә һәр саҡ шиғри моң булды. Уның өсөн иң мөһиме әҙәби хәлдәр, миллә­те­беҙҙең рухи яҙмышын ҡайғыртып йәшәү ине.
Ирек бик күп ҡәләмдәштәребеҙ менән яҡындан аралашты, баш­ҡа­ларҙың уңышына ихлас ҡыуана белде. Әҙәбиәтебеҙҙең киләсәге тураһында хәстәрлек уны бик күп­тәрҙең ижадына иғтибарлы итте. Бигерәк тә йәштәр менән ижади бәйләнештә йәшәне, һәр һәләтле яңы исемдең уңыш­тарына ысын күңелдән ҡыуана белде.
Замандаштарыбыҙ аҙая, сафта­ры­быҙ һирәгәйә. Бигерәк тә Ирек Кин­йәбулатов һымаҡ тоғро юлдаш­тарҙы юғалтыу нығыраҡ юҡһын­дырасаҡ әле. Иңен төрлө ауыр­лыҡтар баҫҡанда ла, ул тормош юлдарынан ғорур атлап үтте. Матур кеше, яҡты йөҙлө, тапҡыр һүҙле ҡәләмдәш ине Ирек Кинйә­булатов. Уның ирониялы ҡарашы, кинәйәле теле һағындыра.
Был шиғыр Ирек Кинйәбу­ла­тов­тың вафатын ишетеүҙән бөтә булмышым тетрәнеп ҡалғанда яҙылды, дуҫым менән бәхилләшкән саҡта уҡылды.

Өстаған
Ҡорҙаштарым Тимер Йосопов менән Ирек Кинйәбулатовтың яҡты иҫтәлегенә

Ниндәй йыл был?!
Донъя емерелгәндәй
Һүрелгәндәй яҡты ҡояшы.
Ашыҡтылар ҡайҙа?
Бер-бер артлы
Китеп барҙы ике ҡорҙашым.

Беҙҙе – өс тиҫтерҙе Өфөләргә
Алып килде юлдар йыраҡтан.
Бер яғымда Тимер дуҫым булды,
Ирек дуҫым булды бер яҡта.

Өсөбөҙ ҙә һуғыш балалары,
Дәһшәт менән килде, эй, заман.
Бер-беребеҙгә беҙ таяныс булдыҡ,
Был тормошта булдыҡ өстаған.

Ҡорҙаштарым – халҡым ғорурлығы,
Әйтте шағир һүҙен, ир һүҙен.
Өстағандан ҡалдым бер яңғыҙым,
Өстағандан ҡалдым бер үҙем.

Ғәзиз ҡорҙаштарым!
Һеҙ киткәндә
Зиһендәрем китте таралып.
Күңелебеҙ һыҙлай,
Һыҙыла һағыш,
Башҡорт иле бөгөн яралы.

Рауил БИКБАЕВ,
Башҡортостандың халыҡ шағиры.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 651

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 537

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 749

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 383

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545