Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Мөхәббәтһеҙ кеше шиғыр яҙа алмай
Мөхәббәтһеҙ кеше шиғыр яҙа алмай Дәүләкән районы мәҙәниәт йорто Мәкәш филиалының байрамса биҙәлгән, яҡты, мөһабәт рухиәт усағында йыраҡ юлдан килгән ҡунаҡтарҙы “Мәкәш биҙәктәре” башҡорт фольклор ансамбле милли ризыҡ бауырһаҡ, йыр менән ҡаршыланы. Был көндә данлыҡлы Мәкәш ауылында Башҡортостандың халыҡ шағиры Рауил Бикбаев һәм Ш. Бабич исемендәге дәүләт йәштәр премияһы лауреаты, шағирә Лариса Абдуллина менән осрашыу булды.
Байрам кисәһен Мәкәш мәктәбе уҡыу­сыларының әҙәби-музыкаль композицияһы асып ебәрҙе.
Мөғжизәләр күрҙем был донъяла,
Уларҙың кем белгән һандарын,
Хайран итә мине, таң ҡалдыра
Күпме кисем, күпме таңдарым…

Ошо матур шиғыр юлдары менән башланы үҙенең сығышын Рауил Төхвәтулла улы. Ул Дәү­ләкән ере менән 60-сы йыл­дарҙан таныш. “Байтаҡ йылдар аралашам ауылығыҙ менән, һеҙ миңә яҡын, һеҙ – минең туғандарым. Ғөмүмән, Дәүләкән ерендә йәшәгән кешеләр эш ярата, тыуған ерҙәренә тоғро, бер-береһен хөрмәт итә. Мин һеҙгә рәхмәт һүҙҙәремде еткерәм. Бө­гөнгө осрашыу ул Рәми Ғари­повтың иҫтә­легенә лә бағышлана, иртәгә ҙур шағи­рыбыҙҙың тыуған көнө. Белеүемсә, ул һеҙ­ҙең ауылығыҙҙа ла булып киткән”, – тине Рауил ағай. Ул республи­ка­ның ынйыһы Асылыкүл тура­һындағы шиғырын айырым бер тулҡынланыу менән уҡыны, Баш­ҡортостандың халыҡ яҙыусыһы Әхиәр Хәкимов тураһында йылы хәтирәләре менән уртаҡлашты.
“Шиғриәт тик мөхәббәтле кеше­лә генә ул. Мөхәббәткә ышанам. Яратҡан эшең булыу, йәшәр ерең, шул ереңә хеҙмәт итеү – оло бәхет минең өсөн. Мәктәптә уҡығанда яратмаған дәресем булманы, сөнки мин “биш” билдәһенә генә өлгәштем. Тырышып уҡығыҙ. Алған белемегеҙ тик һеҙҙең өсөн. Уҡы­тыусыларығыҙҙы хөрмәт итегеҙ”, –тип яуапланы шағир уҡыусы­ларҙың һорау­ҙарына. Сығышын: “Ниңәлер кешеләр хәҙер асыулы. Асыуығыҙҙы йүгәнләй белегеҙ, татыу йәшәгеҙ”, – тип хәҙистәр китабынан бер нисә шиғыр менән тамамланы шағир.
Яҡташыбыҙ, шағирә Лариса Абдуллина үҙенең сығышын рәхмәт һүҙҙәренән башланы. “Мин шатмын, ғорурмын билдәле, ҙур шағир менән ауылыма ҡайтып һеҙҙең алда сығыш яһауыма. Һеҙҙең арала үҫтем, үҙебеҙҙең мәктәптә белем алдым. Ауылдаштарым мине башҡаларға ҡарағанда ла яҡшыраҡ белә. Һеҙгә – төбәк­тәштәремә, уҡытыусыларыма, әсәйемә, туғандарыма – рәхмәт­лемен ошо сараны ойошторға­нығыҙ өсөн! Мәктәптә уҡығанда минең дә ярат­маған дәрес­тәрем булманы, һәр береһенә әҙерләнеп бара торғайным, уҡытыусы­ларҙың һүҙен иғтибар менән тыңлай инем. Шағирә булып китеүемә ауылым­дың тәбиғәте, ошо төбәктә йәшәгән кешеләрҙең бер-береһенә яҡты мөнәсәбәте, халыҡ ижадына тоғ­ролоғо, нәнәйем һөйләгән риүә­йәттәр, әсәйемдең йылы һүҙҙәре сәбәпсе булғандыр”, – тине әҙибә. Лариса Хашим ҡыҙы үҙенең сығышында ауылдарҙа мәк­тәптәр, мәҙәниәт усаҡтары ябылмаһын, уҡыусыларыбыҙ ситтә уҡымаһын, башҡорт телендәге китаптарҙы уҡыусылар кәмемәһен ине тигән теләктәрен белдерҙе.
Шағирҙар алдында райондың йәш яҙыусылары һынау тотто, улар үҙҙәренең яңы яҙылған шиғыр юлдарын уҡып ишеттерҙе һәм балаларҙың һәр береһенә бүләккә китап тапшырылды. Р. Ураҡсина исемендәге әҙәби премия лауреат­тарының сығышы шулай уҡ үҙен­сәлекле булды. Яратҡан яҙыусы­ларының шиғырҙарын яттан һөйләгән уҡыусылар ҙа бихисап ине залда. Улар сәхнәгә сығып шиғырҙар уҡыны, ҡыҙыҡһын­дырған һорауҙарын бирҙе.
Ҡунаҡтарҙы район хакимиәте башлығы урынбаҫары, район баш­ҡорттары ҡоролтайы башҡарма комитеты етәксеһе Зиннур Нур­ғәли улы Ғайсин, ауыл хакимиәте башлығы Миҙхәт Ғөбәйҙулла улы Маликов тәбрикләп үтте. Баш­ҡортос­тандың халыҡ яҙыусыһы Ә. Хәкимов исемендәге йорт-музей директоры, “Дим” ижади берекмәһе етәксеһе Гөлүзә Арыҫланова кисәне бик үҙенсәлекле һәм ойош­ҡан кимәлдә алып барҙы. Һәр сығыш музыкаль номерҙар менән байытылды. Үҙешмәкәр башҡа­рыу­сылар Ирек Зәйҙуллин, Рафаил Дәүләтбаев, Гөлсәсәк Сәлим­гәрәева үҙҙәренең йырҙарын бүләк итте. Ҡоръятмаҫ ауылы мәҙәниәт хеҙмәт­кәрҙәренең шаян бейеүен ҡунаҡтар һәм тамашасылар алҡыштарға күмде.
Йылы осрашыу һәр кемгә рухи байлыҡ, күңел тыныслығы бүләк итте. Рәхмәт һеҙгә, оло йөрәкле, бай рухлы шағирҙарыбыҙ! Һеҙгә киләсәктә лә яҡты уйҙар, таҙалыҡ, рухи ҡаҙаныштар, уңыштар теләп ҡалабыҙ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 651

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 537

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 749

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 383

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545