Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йырлағанда таштар сәскә ата
Йырлағанда  таштар  сәскә ата Урын

Эҙләйем мин шиғриәттә,
Кәрәкмәй артыҡ ҙуры,
Тирә-яғы дүрт-биш аҙым —
Үҙемә аулаҡ урын.

Ел-дауылдар ҙа иҫмәгән,
Теймәгән кеше ҡулы.
Тапһаң ине шиғриәттә
Үҙеңә шәхси урын.

Тормош юлдарын айҡатып,
Гөрләтеп баҫыу-ҡырын.
Булған барлыҡ көсөң менән
Йырларға тормош йырын.

Ышанысҡа ни кәрәк

Ҡояш сыға ла баталыр…
Ниңә мин янам икән?
Йылмайыуҙар шартлы бит ул,
Шартлы алданам микән?

Ҡар-бурандар аҡлыҡ бөркә,
Килә яҙҙар беҙ көткән.
Хыялыңда моң йәшәһә,
Һулыш өрөр өмөткә.

Мин кем һиңә, ышанысһыҙ
Иҙәндә ятҡан сепрәк.
Ышаныслы булам тиһәң,
Ер һөрә белеү кәрәк.

Бына шулай, дуҫ-иштәрем,
Булмаҫ өсөн бер сепрәк
Ер һөрә белеү кәрәк.

Йөк вазифа

Иҫә елдәр, иҫә тирбәлдереп,
Күңелдәге хистәр даръяһын.
Беләм, тыныр улар ваҡыт еткәс,
Сыҡмаһам да елгә мин ясин.

Япраҡ яра йәшәү әңгәмәһе,
Домналарҙа суйын ҡойола,
Мәсет асыҡ, зиндан кәштәһендә
Осор биге ватыҡ, иншалла.

Мин дә ҡундым ағас ботағына,
Оҡшармын тип йырсы бер ҡошҡа.
Нишләргә һуң, мин бурыслы,
дуҫтар,
Ғашиҡ булғас серле тормошҡа.

Йәшәү әллә ағас ботағымы?
Һайрауҙарым икән ни өсөн?
Бәлки, тыуғанмындыр үтергә тип,
Ил алдында атам бурысын.
Ғүмер ағасының ботағы бар,
Бар бит унда япраҡ һанайһы.
Атам тартҡан, ата- бабам тартҡан
Шыуһын өсөн ғәмәл санаһы.

***

Ҡара, ҡара…
Нәфсеңде тыйып ҡара…
Йәшләй нисек яйға һалһаң,
Тормошоң шулай бара.

Хәләл ризыҡ

Йә, Хоҙайым, биләгәнһең
Инсанға йәшәү йырын.
Йәшлек нисек тә тәүәккәл,
Булмаһын ҡартлыҡ ҡырын.

Күтәрәм әле, күтәрәм,
Тойолмаҫ көсөм әрәм.
Аҡылың юйһаң ахмаҡлыҡта,
Үткен елгә эйәрһәң...

Йәшәһен тәүге мөхәббәт,
Юймаһын ғәмен мулла…
Миҙхәткә лә етмеш йәш бит —
Әстәғәфирулла!

Фиҙа ҡылған йән тирҙәре
Китмәһә әрәм-шәрәм,
Ун өс йәштән көтөү көткән
Булмаҫтыр ризыҡ хәрәм.

***
Рөстәм Асаевҡа

Ул йырлаһа, хайран ҡала
Үҙе остаз һандуғас.
Маҡтанмай ул мин йырсы тип,
Тыумыштан тыйнаҡ булғас.

Вәғәҙәһенә тоғро ул —
Егет һүҙе бер була.
Сәхнәләрҙә бер йырлаһа,
Тирә-йүн моңға тула.

Үҙ өлөшөн тапҡан заттар —
Күктә шоңҡар кеүектәр,
Типһә — тимер,
Һыуҙан ҡоро
Сығыр беҙҙә егеттәр.

Тирле һуҡмағым

Йырлағанда таштар сәскә ата,
Йәш балалай керһеҙ ҡыуанам.
Йырлап туйғас ҡына тын, яманһыу,
Тәнҡит уттарында мин янам.

Йырҙарымда минең көс һәм һөйөү,
Тәүәккәллек юҡтыр шикелле.
Ник кешегә аҡыл таратырға,
Үҙеңдә лә аҡыл бер иле.

Юҡ, юҡ тимен, йырҙан
башҡа ла мин
Табыр инем
Тапҡан кеүек туҡран туҡмағын.
Йә заводта, иген ҡырҙарында
Уйға манған
Тирле һуҡмағым.
Илгә матур яҙҙар килһен тиһәң,
Атһын тиһәң алһыу таңдарың —
Беҙ йырларға тейеш саф
күңелдән,
Айҡап сығып бәндә йәндәрен!





Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 650

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 536

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 748

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 381

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545