Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Театрҙың Беренсе Пингвины
Театрҙың Беренсе Пингвины Рәмзил Сәлмәнов Мостай Кәрим исемендәге Милли йәштәр театрында ун өсөнсө йыл эшләй. Ошо арала ул төрлө пландағы иллеләгән ролде сәхнәгә сығарған. Уның актер тормошо бәхетле тип әйтергә була: театрға килеү менән уға бер юлы ике төп ролде – ике Йәмилде — ышанып тапшыралар. Бер Йәмил Т. Миңнуллиндың “Диләфрүзгә дүрт кейәү”енән булһа, икенсеһе — М. Кәримдең “Беҙҙең өйҙөң йәме”нән.
Хәҙерге ваҡытта Рәмзил театрҙың иң әүҙем эшләгән актерҙары иҫәбендә. Тыныс, уйсан холоҡло был актер сәхнәлә драматик һәм комик ролдәрҙе оҫта башҡара. Урыҫ труппаһы спектаклдәрендә лә ҡатнаша, хатта киноға ла төшөп өлгөрә. Миҙгел асылғас та, ҡайнап торған ижади тормошта йәшәүсе актерыбыҙ менән әңгәмә ҡорҙоҡ.

– Рәмзил, һине театрҙың яңы ижади миҙгеле менән ихлас ҡотлайбыҙ. Башҡорт труппаһы өсөн ул “Ғә­лә­үет­дин” әкиәтенән, Бәлә­кәй сәхнәлә Сыңғыҙ Айыт­матовтың “Диңгеҙ ярын иңләй ала эт” нә­ҫеренән старт алды. Ике­һен­дә лә һин төп ролдәрҙе башҡараһың...
– Ҡотлауығыҙ өсөн рәх­мәт. Ысынлап та, артист өсөн миҙгел асылыу тор­мош­тоң яңы бүлеген яҙа башлау менән бер. Быйылғыһы башланып та өлгөрмәне, алыҫ сә­фәрҙә йөрөп ҡайттыҡ. Ҡа­зан ҡалаһында Туфан Миң­нул­линдың тыуыуына 80 йыл тулыуға арналған театр дека­даһы булды. Беҙҙең театр унда ошо дра­ма­тург­тың “Йәнкиҫәккәйем” спектакле менән ҡатнашты. Мин Исфат ролен башҡарҙым. Баш­ҡорт труппаһын Учалы ҡалаһында ла ихлас ҡабул иттеләр. Филармония cәхнә­һендә Гөлшат Зәйнә­ше­ва­ның “Ғәйфи ағай, өйлән давай!” исемле комедияһын ҡуйҙыҡ, балалар өсөн Ульрих Хубаның әҫәре буйынса “У ковчега в восемь” тигән бик ҡыҙыҡлы һәм балалар өсөн дә, атай-әсәйҙәргә лә фәһемле тамаша тәҡдим иттек. Унда мин Беренсе Пингвин ролен дә уйнаным.
– Театрҙың тағы бер актеры, йәштәр араһында киң билдәле Шәһит Хамматов һәм һинең өсөн йәнә бер мөһим ваҡиға булды...
– Эйе. Әйткәндәй, Шәһит ме­нән мин – Әбйәлил райо­ны­ның Боранғол ауы­лынан­быҙ. Яҡташтарыбыҙ ал­­дында оло ижади һынау тот­тоҡ. Атай-әсәйҙәребеҙ, ту­ған­дарыбыҙ, уҡытыу­сы­ла­рыбыҙ, күрше-күләнебеҙ ал­дын­да... Икебеҙ ҙә ныҡ тул­ҡынландыҡ. Шәһиттең әсәһе, мәҫәлән, бер ҡасан да улын сәхнәлә артист рәүешендә күрмәгән икән. Минең дә бай­таҡ туғандарым театр­ҙағы ижадым менән таныш түгел.
– Спектаклдең дә нин­дә­йе бит әле – “Диңгеҙ ярын иңләй ала эт”... Ул һеҙҙән бик юғары актерлыҡ оҫта­лығы талап итә. Ишетеп-белеүемсә, ул бер тама­шасыны ла тыныс ҡалдырмай, һәр кем бик көслө тойғолар кисерә...
– Эйе, Сыңғыҙ Айыт­м­тов­тың фәлсәфәүи, бик күп мә­ғә­нә һалынған бөйөк әҫәре ул. Режиссер Мөсәлим Күл­баев мине атай роленә са­ҡыр­ғас, үҙем алдында нин­­дәй ҡатмарлы бурыс торғанын аңлап ҡыуандым да, оло яуаплылыҡ та той­ҙом. Рәхәтләнеп уйнай тор­ған, драматик һәләтеңде асыр­лыҡ роль булғанға ҡыуанһам, тамашасыға Эмра­йиндың алсаҡлығын да, улы өсөн хафаланыуын да, йәш, матур кәләшенә булған наҙын да һәм башҡа төрлө кисерештәрҙе тейешенсә ет­керә алырмынмы, тип борсолдом. Тап ошо спектаклде ауылдаштарым хөкөмөнә сығарыу, әлбиттә, тулҡын­ландырҙы. Бәхеткә күрә, улар сығышыбыҙҙы дәррәү алҡышлап ҡабул итте.
– Актер нисек кенә тә­жрибәле булмаһын, тамашасы алдына сығыу һәр саҡ һынау ул. Ә һин бит әле­ге ваҡытта театрҙа ниндәй генә ролдәр баш­ҡармайһың – төп ро­лдәрҙе генә һанаһаң да, ундан ашыу... Һәләтеңдең кино сәнғәтендә лә асылыуы ҡыуандыра.
– Эйе, кинола уйнау оҡ­шай миңә. Унда бөтөнләй баш­ҡаса талаптар. Ҡайһы саҡ­та, эй, килештереп уйна­ған булаһың, ә ул дөйөм план менән төшөрөлгән икән – йөҙөң бөтөнләй күренмәй. Ҡайһы саҡ ҙур планда күҙ­ҙә­рең, беленер-беленмәҫ иша­ра менән генә эмо­цияң­ды еткерергә кәрәк. Эҙлә­нәһең, режиссер кәңәштәрен тың­лайһың. Минең тәүге һәм ҙур ролем — Булат Йо­соповтың “Визит” ҡыҫҡа метражлы фильмында тәрже­мәсе Муса Шәрипов. Быйыл иһә Ренад Еникеев һәм Булат Йосопов төшөргән “Наган” ко­медияһында милиция капитаны ролен башҡарҙым.
– Тимәк, быйыл һине туған театрың сәхнәһендә лә, ҙур экрандарҙа ла кү­рәсәкбеҙ. Әле иң уңышлы, ҡанат йәйеп ижад итә торған ваҡытың, Рәмзил. Яңы миҙгелдә яңы-яңы ролдәр теләйбеҙ!

Зөһрә БУРАҠАЕВА,
М. Кәрим исемендәге Милли йәштәр театрының әҙәби-нәшриәт бүлеге мөдире.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 650

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 536

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 748

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 381

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545