Уҙған аҙнала “Әҙәби нағыш” марафоны республикабыҙҙың Ҡалтасы һәм Балтас райондарын да урап сыҡты. Башҡортостандың Яҙыусылар союзы делегацияһына “Шоңҡар” журналының баш мөхәррире, шағир, прозаик Мөнир Ҡунафин етәкселек итте.

Ҡалтасы районының үҙәк­­ләштерелгән китапха­наһында Өфө­нән килгән әҙиптәр Рә­йеф Әмиров, Сергей Янаки, Марсель Сәлимов, шулай уҡ Милли әҙәбиәт музейының баш һаҡлаусыһы Әлмира Шә­рипова ижад юлын баш­лау­сыларҙың ҡулъяҙмаларын тикшерҙе, уларға кәңәштәрен бир­ҙе. Венера Глухова, Марина Карамова, Дарья Коновалова, Вилена Ҡадырова һәм Рима Рә­химова­лар­ҙың был ара­лашыуҙан күңел­дәре үҫеп ҡалғандыр тип өмөт итәйек.
Артабан яҙыусылар Дан мемориалына сәскә һалды, Ҡал­тасы тарих һәм тыуған яҡты өйрәнеү музейын ҡараны. Ра­йон мәҙәниәт һарайында йыл символы булған Йылъяҙма-китапты балтастарға тапшыр­ҙылар. Ошонда уҡ урын­дағы үҙешмәкәр сәнғәт оҫталары ҙур концерт ҡуйҙы. Яҙыусылар сығыш яһағанда зал диҡҡәт менән тыңланы, бигерәк тә йәштәрҙең күп булыуы был са­раны ойошто­роуҙың маҡ­сатын аҡлай төҫлө. Ҡалтасы районы хакимиәте баш­лығы Юрий Садыровтың әҙип­тәр менән аралашып, осрашыуҙан сит­тә ҡалмауы төбәктә ижад кешеләренә булған мөнәсә­бәтте күрһәтә.
Балтас районы буйлап сәйә­хәтте яҙыусылар XVIII быуат мәғрифәтсеһе Батыр­шаның музейын ҡарауҙан баш­ланы. Уны ойоштороусы Рәфис Шәйхәйҙәров ҡунаҡ­тарға һәр экспонат хаҡында ентекле һөйләне. Ул үҙе Батырша Алиев нәҫеленән, бында туплан­­ға­н йыһаздар ҙа – быуындан быуынға күсеп килгән ҡомарт­ҡылар. Музейҙа 300 йыл элекке китаптар ҙа һаҡлана! Һоҡланғыс күренеш. Музей етәксеһенең тағы ла бер теләге бар. Ул да булһа – Батыршаның Шлиссельбург ҡәл­ғәһе эргәһендәге ҡәбер ташын яңыртыу. Бәлки, был мәсьәләне республика кимә­ленә күтәреү кәрәктер?
Артабан әҙиптәр үҙәк китапханала урындағы ҡәләм тир­бә­теүселәрҙең ҡулъяҙ­мала­рын тик­шерҙе. Илнур Вәлиев, Бу­лат Мостафин кеүек йәштәр­ҙең яҙғандары ҙур ҡы­ҙыҡ­­һыныу уятты. Һуңғы­һына ҡулъяҙмаһын Баш­ҡорт­­остан Яҙыусылар союзына тәҡдим итергә кәңәш бирелде. Ҡәләм оҫталары фекер алышҡан “түңәрәк өҫтәл”дә яҙыу­сы, китап, үҙнәшер темалары күтәрелде.
Ә инде “Тыуған яғым – илһам шишмәһе” тигән әҙәби-музыкаль кисәлә райондағы барлыҡ әҙәбиәт һөйөүселәр ҡатнашты. Йыл символы Йылъяҙма-китапты Балтас ра­йоны хакимиәте башлығы Марсель Закиров Благовещен районы хакимиәтенең мәҙә­ниәт бүлеге етәксеһе Николай Осинскийға тап­шырҙы.
Әҙәбиәт йылы аҙағына яҡын­лаша, әммә әҙиптәр ҡат­наш­лы­ғын­дағы сараларҙағы, ос­­рашыу­­ҙарҙағы әүҙемлек, ҡы­ҙыу­­лыҡ һис тә һүрелмәй әле.