Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Тормош та бит хас та яҙ шикелле”
“Тормош та бит  хас та яҙ шикелле” Һине көттөм, яҙым

Тағы яҙҙар килә: ерҙең еҫен
Һулайым мин тәмләп, һемереп.
Һине көттөм, яҙым, ҡыш буйына
Мең ҡат туңып, мең ҡат тилмереп.
Яландарға сығам иртә яҙҙы
Күреп ҡалайым, тип тырышып.
Яҙ килер ҙә китер елеп кенә,
Ваҡыт ҡанатына йәбешеп.
Май сәскәһе булып яҙҙар килә.
Ғүмер яҙым килә ярһытып.
Дөлдөл атҡа менеп осоп китәм,
Яҙғы елдәр менән ярышып.
Тормош та бит хас та яҙ шикелле,
Ҡаршы ала һине йырлатып.
Һәм ҡыш булып һине зәңгетер ҙә
Үҙәктәргә үтер, илатып.


Сталинград
Атайым иҫтәлегенә

Сталинград! Һиңә тағы килдем,
Килдем һиңә тыуған яғымдан.
Исемеңде ишетһәм, тойола миңә
Һуғыш сыҡҡан кеүек яңынан.
Күңел һиңә һис өйрәнә алмай…
Гелән шомло булып ятаһың.
Эңер төшкәс, ҡара шәүлә булып,
Һин Волгаға төшөп батаһың.
Төндәрендә, мең-мең утҡа төрөнөп,
Һыу өҫтөнә тағы ҡалҡаһың.
Әйтерһең, һин Волга ҡолағына
Тағып ҡуйған шәмдәл — алҡаһың…
Волга яна… Юҡ, юҡ, һуғыш бармай,
Нефть янмай йылға өҫтөндә.
Тыныс уттар яна, ә шулай ҙа
Шомло уйҙар һаман күңелдә.
Һине күреп күңелем болоҡһона,
Ил хәтерен иҫләп көңгөрҙәй,
Был ерҙәрҙә тау-тау мәйет ятҡан,
Ҡан даръяһы аҡҡан диңгеҙҙәй.
Шул даръяны кисеп һуғышҡанда
Атайым да түккән ҡандарын.
Сталинград, һине һаҡлайым тип,
Күпме ирҙәр һалған баштарын.
Далаларың ҡыҙыл төҫтә хатта,
Ҡылыс йөҙөндәге тут кеүек.
Ерең һаман ярһып ҡыҙып ята
Көбәктәрҙән сыҡҡан ут кеүек.

Өтөр инем

Һөйөү, нәфрәт, тыныслыҡ һәм һуғыш —
Мәңге тулай аңда шул һүҙҙәр.
Нисә мең йыл “һуғыш” тигән һүҙҙән
Ҡара янып китә аҡ йөҙҙәр.
“Һөйөү, тыныслыҡ!” — тип яҙыр инем
Ҡанлы йәрәхәттәр өҫтөнән.
“Һуғыш” тигән һүҙҙе өтөр инем
Мәйеттәрҙән сыҡҡан ут менән.

Эҙҙәреңдән ысыҡ эсәмен

Аҡ яулығың кейеп болондағы
Аҡ томанға инеп киткәнһең.
Аҡ итектәр кейеп ысыҡ төшкән
Үләндәргә баҫып үткәнһең.
Туғай ярып үткән эҙҙәреңдән
Ергә эйелеп ысыҡ эсәмен.
Гәүһәр күҙҙәреңдән һибелеп ҡалған
Нурҙарыңды йотоп сәсәнем.
Тороп саптыңмы әллә аҡ томанда
Аҡ боландай алыҫ илдәргә.
Аҡ Уралда ҡалған һөйгәнеңде
Алмаштырҙың, бәғерем, кемдәргә?
Аҡ томанда йөрөп аҙаштың да
Йыраҡтарға китеп юғалдың.
Ҡайһы сәхрәләрҙә ысыҡ эсеп,
Янған йөрәгеңә дауа алдың?

Моң шишмәһе

Кешелек йәшәгәндә тарих йәшәр,
Телең булһа — хәтерең юйылмаҫ.
Тел бөтһә, яттар ҡыҫымына
Бер халыҡ та ҡаршы тора алмаҫ.
Тормош — китап, уны бөтә халыҡ
Ижад итә туған телендә.
Күҙ терәп тә торған шул ижадҡа
Нөктә ҡуйылмаһын еремдә.
Әсәм теле миңә — моң шишмәһе,
Күпме эсһәм дә, ҡанмаҫ һыуһыным.
Әгәр уға бер саҡ хыянат итһәм,
Йөрөмәһен атлап буй-һыным.

Ике йыһан мине иркәләй

Ҡояш батты. Ә мин шул ваҡытта
Ҡарап торҙом күккә — бейеккә.
Төрлө төҫтәр менән биҙәкләнгән
Күк көмбәҙе төштө Эйеккә.
Ике күктең уртаһында торам,
Ике йыһан мине иркәләй.
Ике йыһан аша ҡарап торам,
Тыуған ауылым, һиңә, Илкәнәй.
Ағастарҙы һыйпап елдәр иҫә,
Һин йоҡлайһың матур төш күреп.
Йәш тайҙарың туғай буйҙарында
Уйнап йөрөй кешнәп, бышҡырып.
Беҙ ҡасандыр йөрөгән урамдарҙан
Яңы йәштәр үтә уйынға.
Мин дә егет, имеш, ялҡын бәреп,
Бер сибәр ҡыҙ керҙе ҡуйынға.
Күреп ҡалдым: ауыл ситендәрәк
Төн осрашты яҡты көн менән.
Алмашынды төҫтәр күк йөҙөндә,
Ҡояш сыҡты яңы көс менән.
Алмашына көндәр, айҙар, йылдар,
Алмашынды күпме яҙҙарым.
Ләкин алмашынмаҫ, һис үҙгәрмәҫ
Тыуған ергә һөйөү-наҙҙарым.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 259

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 660

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 317

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 393

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 252

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 281

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 260

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 262

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 358

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 278

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 441