Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Әҙәбиәт Мәккәһеләй Күгәрсен ере
Әҙәбиәт Мәккәһеләй Күгәрсен ере Был төбәккә әҙәбиәт Мәккәһенә барғандай юлланаһың. Бер түгел, ике халыҡ яҙыусыһын биргән Күгәрсен ере халҡының ихласлығы, йәштәренең ижади ҡомары менән арбаны. Башҡорт халҡының яҙмышын яҙған Башҡортостандың халыҡ яҙыусыһы Зәйнәб Биишеваның бишеге – ошонда. Урыҫ телендә ижад итһә лә, башҡорт ерен данлаған Александр Филиппов та был яҡта тыуған.

Башҡортостандың халыҡ шағиры Рауил Бикбаев етәкләгән әҙәби төр­көмдө Хоҙайбирҙин ауылы эргә­һен­дә үк район хакимиәте башлығы Фәрит Мусин, төбәктең йыр-моң оҫ­талары икмәк-тоҙ, яҡты йөҙ, башҡорт ҡымыҙы менән ҡаршы алды.
Ҡунаҡтарҙы – Рауил Бикбаевты, Рәмил Йәнбәкте, Сәрүәр Суринаны, Зөфәр Вәлитте, З. Вәлиди исемен­дәге Милли китапхананың комплектлау һәм документ­тарҙы ғилми яҡтан эшкәртеү бүлеге мөдире Гүзәл Көн­сыуаҡованы, Милли әҙәбиәт музе­йы­ның баш һаҡсыһы Альмира Шә­ри­пованы, “Әҙәби нағыш” марафоны эстафетаһын тапшырырға килгән Күмертау ҡалаһы вәкилдәрен Ш. Хоҙайбирҙин музейы директоры Вәсилә Әмирова дәүләт эшмәкәре, әҙип, тел белгесенең тормошо һәм ижад юлы менән таныштырҙы. Ә ин­де мәктәп уҡыусыларының шиғри сығышы, һәр әҙипкә бағышлап әй­тел­гән таҡмаҡтары сараны тағы ла йәнләндереп ебәрҙе. Рауил Төхвәт улы музейға, йәйге ял ваҡытында сығыш яһаған бәләкәс ҡыҙҙарға иҫ­тәлеккә китаптар тапшырҙы. Уҡыу йылы башынан был уҡыусыларҙың һәр береһенә башҡорт теле һәм әҙә­биәте дәресенән тик “бишле” бил­дә­һе ҡуйырҙар, моғайын. Музей алдын­да ойошторолған ҡул эштәре күргәҙмәһе лә төбәк халҡының ижади ҡомары хаҡында һөйләй ине.
Әҙәбиәт Мәккәһеләй Күгәрсен ереМораҡтағы тыуған яҡты өйрәнеү музейына килеп инеү менән СССР дәүеренә эләккәндәй хис итәһең үҙеңде. Совет осоро тарихын ғына түгел, боронғолоҡтан бөгөнгөгә тиклемде сағылдырған был йортта элекке эш ҡоралдары ла, пионер галстугы ла, тәбиғәт байлыҡтары ла бар. Музей директоры Ғәфүрә Әбделмәнова ҡунаҡтарға экспонаттарҙың ҡайҙа, кемдән алыныуы хаҡында ла бәйән итте. Төбәктән сыҡҡан әҙиптәр хаҡында ла бай мәғлүмәт тупланған бында.
Мораҡ башҡорт гимназияһында әҙәбиәт­селәрҙе уҡыу-уҡытыу эштәре буйынса директор урынбаҫары Ғәлимә Сәйетбатталова ҡаршы алды. Күргәҙмәләр залын уҙып, ҡунаҡтар төбәк йәштәренең ҡулъяҙмалары буйынса фекер алышыуға йыйылды. Сараны асып, район хакимиәте башлығының социаль мәсьәләләр буйынса урынбаҫары Харис Әбдрәхимов төбәктә ойошторолған “Ғүмер юлын – китап менән” акцияһы хаҡында һөй­ләп үтте, яҡташ яҙыусылар ижадына арнал­ған саралар тураһында һөйләне. Милли әҙәбиәт музейы хеҙмәткәре Альмира Шәри­пова мәҙәниәт министры Әминә Шафиҡо­ваның ҡотлауын уҡып ишеттерҙе. Ошонда уҡ Күмертау ҡалаһы хакимиәте башлығы урынбаҫары Наталья Лапшина Йылъяҙма-китапты Харис Зәбих улына тапшырҙы.
Райондың мәҙәниәт хеҙмәткәрҙәре, уҡытыу­сылар, китапханасылар Хәким Алсынбаев, Айгөл Айытҡолова, Альбина Григорьева, Фәнүзә Әпсәләмованың ҡулъяҙмалары буйынса фекер алышыуҙа ҡатнашырға йыйылғайны. Әммә ошо уҡ көндә “Байыҡ” балалар бейеү фестиваленең гала-концерты үтеү сәбәпле, Альбина “түңәрәк өҫтәл”дә ҡатнашманы. Фәнүзә Әпсәләмова ла килеп етә алманы, шулай ҙа ҡалған ике авторҙың яҙмалары йәнле һөйләшеү ойоштороуға сәбәп булды. Айгөл Айытҡолованың шиғырҙары Башҡортостан матбуғатында күренгәне бар, ул – бер китап авторы ла. Әйткәндәй, китаптарҙың исеме хаҡында һүҙ сыҡҡас, “Ҡымыҙ еҫе” (Айгөлдөкө), “Күңел дәфтәре” (Хәкимдеке) кеүек атамаларҙы әҙиптәр хушһынып бөтмәне. Йыйынтыҡты атауға ҙур иғтибар бүлергә кәңәш иттеләр, бигерәк тә беренсе китапты сығарғанда. “Ҡара икмәк”, “Кипкән ҡорот”, “Ҡуян күстәнәсе” шиғырҙары менән Айгөл әҙәбиәткә милли рухтағы шағирә килеүе хаҡында хәбәр иткәйне инде. Әммә яҙғандарына ҡабат әйләнеп ҡайтмау ғәҙәтеме, әллә башҡа сәбәп арҡаһындамы, ул шиғырҙарын ентекле эшләп еткермәй. Шәхсән Айгөлдө лирик шағирә тип күрәм. Уның көҙгө этюдтары, миҙгел күренештәре күңелгә үтеп инә һәм уны ысын рәссам итеп таныта:
...Һағыш түгел тотош нағыш ҡына,
Алтын төҫтә донъя, иҫ киткес!
Моңһоу ғына ошо ут миҙгелдәр
Шарап эсмәйенсә иҫерткес, –
тип яҙа шағирә. Ул ҡәләмдәштәренә икенсе китабына иғтибарлыраҡ булырға вәғәҙә итте.
Хәким Алсынбаев – йөрәктәге ихтилалдарын шиғриәткә алып сыҡҡан, ниндәй генә сүрәттә лә өмөт аттарын йүгәнләгән шағир. Бына ышанмаһағыҙ, үҙегеҙ уҡып ҡарағыҙ:

... Тик барыбер харабаларҙа ла
Киләсәгем гөлө ярала...
...Ҡанаттарҙа яңы һөйөү
Алып ҡайтыр аҡҡоштар...

...Бындай таңда тыуыуы бит бәхет,
Бындай таңда бәхет үлеүе...

...Беҙ эйәрҙә әле!
Иҫсе, тормош еле!
Эй, аттарым, әйҙә, тик алға.
Тәгәрәһәк бары тәгәрәрбеҙ,
Бәхет тигән етеп финалға.
Ә әлегә алға, тик алға!
Шәп бит! Бер шиғырында Хәким: “Их, табаһы ине үҙ юлымды…” тип яҙа. Әгәр шиғриәтте һайлаған юлың итеп бар йөрәгең менән таныһаң, ижад асмандары һиңә әллә ниндәй серҙәрен асыр әле, Хәким! Яңы балҡыштар һиңә! Яҙыусылар йәштәргә ҡулъяҙмаларға талапсан булырға кәңәш итте.
Бәрәкәтле Күгәрсен еренән күңелебеҙ ҡанатланып ҡайттыҡ.







Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 651

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 537

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 749

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 383

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545