Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Шаулап торҙо Кама ярҙары
Шаулап торҙо Кама ярҙары
Башҡортостандағы Славян яҙмаһы һәм мәҙәниәте көндәре барышында Николо-Березовка ауылында “Яҙғы Никола” республика халыҡ ижады байрамы уҙғарылды. Был сара 1994 йылдан Краснокама район хакимиәте, республиканың Мәҙәниәт министрлығы, Халыҡтар дуҫлығы йорто, Урыҫтар соборы тарафынан ойошторола. Башҡортостандан ситтә лә киң танылыу алып, ул “Рәсәй мәҙәниәте” маҡсатлы федераль программаһына индерелгән.


Яҙғы сәсеү эштәрен теүәлләгән район хеҙмәтсәндәре, эҫенән сарсай башлаған ерҙе туйындырып бер көн алда ғына яуып киткән ямғырға шатланып, көр күңел менән йыйылды байрамға. Һабантуйға тиклем үткән был йыйынға төрлө милләт вәкилдәре йылдың-йылы бик теләп килә. Сәхнәгә сыҡҡан фольклор коллективтарының географияһы ла киңәйә бара: быйыл, мәҫәлән, Башҡортостандың ҡала һәм райондарынан тыш, күрше Татарстан, Удмурт республикалары, Пермь крайынан килгән артистар һәм халыҡ таланттары сығыш яһаны. Кама буйында урынлашҡан “Никола ғибәҙәтханаһы” тарихи-мәҙәни үҙәге майҙанында йыр-бейеү спорт уйындары менән аралашып барҙы, күп яҡлы һөнәр эйәләре, бай йәрминкә ойоштороп, үҙҙәре эшләгән әйберҙәрҙе тәҡдим итте. Рәсәйҙең төрлө тарафынан оҫталар йыйылғандарҙы үҙенсәлекле ҡыңғырау музыкаһы менән шатландырҙы.
Шаулап торҙо Кама ярҙары...Сәхнәле майҙанға илткән юл ситендә төрлө ауыл Советы вәкилдәре, тирмәләр һәм йорттар ҡороп, районда йәшәгән халыҡтарҙың тормош-көнкүрешен, тарихын һәм йолаларын күрһәтте. Яңы Ҡайынлыҡтыҡылар барыһын да оло ихласлыҡ менән башҡорт тирмәһенә саҡырҙы, ҡымыҙ һәм башҡа милли ашамлыҡтар тәҡдим итте. “Бәпәй туйы” йолаһын сәхнәләштерҙеләр.
Иҫке Йәнйегет һәм Яңы Ҡабандыҡыларҙың татар ихатаһында “Шүрәле” әҫәренән театрлаштырылған тамаша ҡуйыуы бик күңелле килеп сыҡты.
Арлан ауыл клубынан мари фольклор ансамбленең сығышы, шулай уҡ байрамға килгәндәр ҡатнашлығындағы “Веревочка” халыҡ бейеүе бик үҙенсәлекле килеп сыҡты.
Шаулап торҙо Кама ярҙарыРаздолье һәүәҫкәрҙәре үҙҙәре ҡорған ихатала урыҫ халыҡ йолаларын күрһәтте, бында эшләгән “Он лавкаһы” күптәрҙең иғтибарын йәлеп итте.
Ҡуян ауылының балалар сәнғәт мәктәбе уҡыусылары үҙҙәренең ижад емештәренән күргәҙмә асҡайны, асыҡ һауала һүрәт тә төшөрҙөләр.
Юлдың икенсе ситендә халыҡ оҫталары күргәҙмә ойошторҙо. Улар араһынан Яңы Мошто ауылынан Фирҙәүес Ғәниевтең панноларын һәм сувенирҙарын, төрлө ҙурлыҡтағы гармундарын барыһы ла һоҡланып ҡараны. Николо-Березовка ауылынан Леонид Базилев йәрминкәгә үҙенең ағастан юнып эшләгән әйберҙәрен ҡуйғайны. Әйткәндәй, был ике оҫта “Башҡортостан” гәзите былтыр уҙғарған "Һөнәрмән" конкурсында ла ҡатнашҡайны. Түбәнге Таҡыя ауылынан 83 йәшлек Алексей Шуматбаев — үҙе эшләгән сабаталарҙы, уның ауылдашы Зоя Сайтиева һуҡҡан балаҫтарын алып килгән.
Үҙ тауарын халыҡҡа тәҡдим иткән йәрминкәселәр араһында ситтән килгәндәр ҙә байтаҡ булды. Мәҫәлән, Суздаль ҡалаһынан Александр Шерышов балсыҡтан эшләнгән көршәктәр һәм күп төрлө һауыт-һаба, Владимир ҡалаһыныҡылар урыҫ һәм башҡа халыҡтарҙың сувенирҙарын тәҡдим итте. Сығышы менән Ҡуян ауылынан булып, бөгөн Мәскәүҙә йәшәгән Лариса Әптриева әлегә әллә ни киң танылыу алмаған һөнәрселек ысулы — күҙгәнәсле (пористая) резинанан сәскә яһау менән таныштырҙы.
...Кама буйындағы майҙан көнө буйы йыр-моңдан гөрләп торҙо. Байрам аҙағында йыйылыусыларҙы ҡыңғырау сыңы алдағы эштәргә оло дәрт биреп оҙатты.







Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 183

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 414

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 259

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 253

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 144

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 233

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 194

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 201

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 259

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 192

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 380