Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Рух ҡалҡаны ныҡ булһын!
Рух ҡалҡаны ныҡ булһын!
Район мәҙәниәт һарайында Мәҙәниәт йылын асыу тантанаһы ысын-ысындан таланттар балҡышы тамашаһына әйләнде. Хакимиәт башлығы Динир Әхмәтйәнов төбәктәге мәҙәни тормошҡа ҡыҫҡаса байҡау яһап, йыйылған халыҡҡа изге теләктәрен еткерҙе.

Республика халыҡ ижады үҙәге директоры Байрас Ишбирҙин иһә тамашасыларға ҡотлау һүҙҙәрен ишеттерҙе. Мәҙәниәт бүлеге начальнигы Клара Теләүбаева ауыл биләмәләре араһында башланасаҡ “Тыуған төйәгебеҙҙе данлап” фестиваль-эстафетаһының төп атрибутын – махсус булдырылған штандартты эстафетаны башлаясаҡ Иҫке Монасип ауыл биләмәһе башлығы Ришат Абдуллинға тапшырҙы.
Районда Мәҙәниәт йылы айҡанлы ауыл биләмәләре араһында үтеүсе халыҡ ижады фестиваль-эстафетаһы тураһында бер нисә һүҙ. Беренсе этап февралдән апрелгә тиклем бара. Тәүгеһендә ҡабул итеүсе яҡ 20 минутлыҡ осрашыу программаһы төҙөй, ә эстафетаны тапшырыусы ауыл биләмәһе 1 сәғәт 20 минутлыҡ концерт күрһәтә.
Кисәнән һуң ауыл биләмәләре башлыҡтары һәм коллективтар етәкселәре менән берлектә “түңәрәк өҫтәл” ойошторола. Бынан тыш, альбом төҙөлөп, унда фестивалдә ҡатнашыусылар тураһында мәғлүмәттәр, фотолар урынлаштырыласаҡ.
Фестиваль-эстафетаның икенсе этабы — майҙан октябргә тиклем. Һәр ауыл биләмәһе шишмәләрҙе таҙартыу һәм уларҙы тәртипкә килтереү буйынса “Саф шишмәләр төйәге” һәм сәләмәт йәшәү рәүешен пропагандалау буйынса “Беҙ сәләмәт тормош яҡлы” тигән акциялар үткәрә. Шулай уҡ “Иң яҡшы ғаилә”, “Иң күп китап уҡыусы ауыл биләмәһе”, “Ауыл – уртаҡ йортобоҙ” конкурстарында ҡатнашыу мотлаҡ. Фестивалгә йомғаҡ ноябрь айында яһала.
Намыҫлы хеҙмәт кешеләрен сәхнәгә саҡырып, уларға хөрмәт күрһәтеү бөгөнгө тантанаға бәҫ һәм мәртәбә өҫтәне. Уларҙың һәр ҡайһыһы яҡшы һөҙөмтәләр күрһәткән. Алдынғыларға еңеүсе таҫмалары тағылды, бүләктәр тапшырылды. Ә йылдың-йылы малсылыҡ, игенселек өлкәләрендә юғары уңыштарға өлгәшеүсе, үҙен аҙыҡ етештереүҙә алдынғы технологиялар ҡулланыу буйынса төплө белгес, оҫта ойоштороусы итеп танытҡан Рәфҡәт Ырыҫбаев аҡһаҡал тип иғлан ителде, һәм уға ҡамсат бүрек менән елән кейҙерҙеләр.
Артабан сәхнә түрен береһенән-береһе һәләтле яҡташтар алыштырып торҙо. Олоһо-кесеһе, ҡарты-йәше – барыһы сыҡты сәхнәгә. “Ялҡын” бейеү ансамбле “Бөрйәндә байрам” тигән сығышы менән һоҡландырҙы. “Мәсемташ” ҡурайсылар ансамбле оҙон көйҙәре менән хисләндерһә, “Моңдаръя” баянсылар ансамбле дәртле бейеү көйҙәре уйнап йөрәкте елкетте. “Бөрйәнем”, “Гөлдәр”, “Инсебикә”, “Сударушка” вокал ансамблдәренең, республика, ил конкурстарында призлы урындар алған Ҡолғана ҡыҙы Гөлнара Вәлиеваның сығыштары бер кемде лә битараф ҡалдырманы. Байназарҙан “Азамат”, Иҫке Собханғолдан “Осҡон” өлгөлө бейеү ансамблдәре халыҡтың күңелен күтәрҙе. “Элгеләү”, “Тамъян гәүһәрҙәре”, “Умырзая” халыҡ фольклор ансамблдәренең Мәҙәниәт йылына арнаған таҡмаҡтары ла күңелдә ҡалды. “Мираҫ” халыҡ фольклор ансамбленең “Түрләк-тирәк”, “Атайсал” төркөмөнөң “Суҡан батыр” ҡобайырҙарын да тамашасылар дәррәү алҡыштарға күмде.
Өс быуын вәкилдәренең халҡыбыҙҙың йыр-моңон тетрәндерерлек итеп башҡарыуы концерттың иң юғары нөктәһе булғандыр ҙа. Шөкөр, халыҡ йырын башҡарыусылар сылбыры өҙөлмәй икән әле. Сәхнә ветерандары Дәүләтбай Рәхмәтуллин менән Муса Нурдәүләтовтың илаһи моңон иҫ киткес аһәңле тауышҡа эйә Айбулат Ишморатов дауам итте. Афарин, Айбулат! Артур Нәжметдиновтың сығышы ла, сәхнә ветераны Фатима Ғәйнуллинаның “Еңгәкәй” бейеүе лә концертҡа матур биҙәк булды. Фойелағы ҡул эштәре күргәҙмәһен ҡарап, урамда йылды асыу уңайынан аттырылған фейерверкка ла тамаша ҡылып, бик ҡыуанып таралды халыҡ байрамдан.
Ошондай тамашалар беҙҙең күңелдәрҙе нурландыра, байыта, донъяға ҡарашыбыҙҙы яҡшы яҡҡа үҙгәртә, изгелеклерәк итә. Был йылдың Мәҙәниәт йылы тип нарыҡланыуы тап ошо ҡиммәттәрҙе күҙаллай ҙа инде. Төклө аяғың менән, Мәҙәниәт йылы!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 651

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 537

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 749

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 383

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545