Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Оҡша, күңелем, тауҙарға
Оҡша, күңелем, тауҙарға

Күкһел тауҙар уйсанланып,
Сумған киске монарға.
Улар уралып ята һымаҡ
Әллә ниндәй моңдарға...

Урал тынын-моңон бирә
Күпме шишмә-йылғаға!
Йырлы-хисле шул тауҙарҙан
Өйрән, күңелем, йырларға.

Тыштан тыныс, күкрәгендә
Вулкан ҡайнай уларҙың.
Сабырлыҡҡа өйрән, күңелем,
Өлгөһөнән тауҙарҙың.

Уралым бай хазинаһын
Йәшерә белә тәрән.
Әй, күңелем, тыйнаҡлыҡҡа
Ошо тауҙарҙан өйрән.

Бында дауыл, йәшен ҡайсаҡ
Ҡаяларҙы ауҙара,
Ләкин тауҙар "ыһ" та итмәй,
...Оҡша, күңелем, тауҙарға.


Йөрәк йәше

Үткәндәрҙе үҙенә йомғаҡ һымаҡ
Йома бара йөрәк-йомарлам.
Күпме яныу, ҡайғы-шатлыҡ ҡала
Уҙған юлдарҙан һәм йылдарҙан.

Тик йәшәүҙе, йәште билдәләмәй
Бары йылдар, һырҙар, сал сәстәр.
Бәғзе азаматтар — Ил ирҙәре
Йәшәйҙәр бит хатта үлгәс тә.

Ағас йәшен генә билдәләйҙәр
Һанап ҡарап божра һандарын.
Кеше йәшен әммә белеп булмай
Һанап ҡына маңлай һырҙарын.

Юл еле лә, йылдар шаңдауы ла
Йөрәккә бит тәүҙә һуғыла.
Тик һуңынан ғына йөҙгә сыға,
Йә әйләнә маңлай һырына.

Моң-һағыштар, һөйөнөс-көйөнөстәр –
Бына ысын йәше йөрәктең. Йәш биргәндә кешегә шуларҙың да
Ғүмерен иҫәпләргә кәрәктер.

Ғүмер оҙонлоғон үлсәгәндә
Йыйырсыҡтар ни ҙә, сәс нимә?!
Кеше ғүмере йөрәк йәше менән –
Янып йәшәү менән үлсәнә!



Тартыу көсө

Ошо һорау сыҡҡас имтиханда,
Хәтеремдә әле, хәтеремдә,
Яуап биргән инем: "Тартыу көсө
Һәр нәмәлә була һәм һәр кемдә..."

Уҡытыусы булып ул саҡ минән
Тормош һорау алған, һынау алған.
Оҙон юлдар үткәс тартыу көсөн
Үҙем аша бөгөн һынап барам.

Тартылыуым арта бара һаман
Төпкилдемә, тыуған яҡтарыма.
Тартылыуым арта кешеләргә,
Йәшнәп йәшәр йәшлек саҡтарыма...

Күктәрҙең дә тартыу көсө барҙыр –
Ғүмер буйы шунда талпынам.
Ғаләм киңлегенә тартылам да
Хыялдарға таба артылам!

Ғашиҡтарҙың тартыу көсө хәтәр –
Ана берәү үҙенә саҡырғандай.
Төн пәрҙәһен йыртып барам, барам!
Күҙ алдарым булды яҡтырғандай...

Һөйгәнемдең тартыу көсөн тойһам,
Йыр тула бит йәнгә, нур тула бит.
Мин тормошҡа яҡынайған һайын
Тормош миңә нығыраҡ тартыла бит.

Тартыу көсө — тәбиғәттең көсө,
Шул ҡөҙрәт хәҙер хистәремдә.
Тартыу көсө әүерелде миндә
Бар донъяны һөйөү көстәренә...



Берәүгә

Был донъяла һин эйәһең
Сифатһыҙ сифаттарға.
Уларҙы, тим, бәйнә-бәйнә
Кәрәкме иҫбатларға?

Мәҫәлән, түрәң алдында
Һин ҡурҡаҡ ҡуян төҫлө.
Ә үҙеңдә эшләүсегә
Арыҫландай һин көслө.

Бәлә килһә һин боландай,
Ҡарайһың алан-йолан.
Кәрәкһә төлкө булаһың,
Кәрәкһә — йылғыр йылан.

Ниҙер бар һиндә айыуҙан,
Бүренән һәм дә эттән.
Кеше тигән сифат ҡына
Юҡ булды һинән күптән.

Һәр нәмәне өҙөп-йолҡоп
Һин алаһың тормоштан.
Сөнки һиңә бының өсөн
Күпме хайуан булышҡан!


Автор: Муса СИРАЖИ


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 259

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 660

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 317

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 393

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 252

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 281

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 260

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 262

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 358

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 278

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 441