Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Һутлы тел, утлы фекер
Һутлы тел, утлы фекерЗәйнәб Биишева исемендәге Башҡортостан «Китап» нәшриәте яҙыусы һәм журналист Рәсүл Сәғитовтың «Имен-аман тороғоҙ!» исемле сираттағы китабын баҫып сығарҙы. Был ҡыуаныслы хәбәрҙе ишетеү менән гәзитебеҙҙең дуҫын шылтыратып ҡотланыҡ һәм бер нисә һорау менән мөрәжәғәт иттек.

– Рәсүл, китабыңды уҡып өлгөрмәнек, шуға үҙеңдән һорашабыҙ инде – нимә тураһында?
– Үпкә юҡ, сөнки төп тираж һатыуға сыға ғына. Ә йөкмәткеһенә килгәндә, радиожурналистикаға ҙур урын бирелә. Минеңсә, һәр һөнәр эйәһе профессияһының үҫешенә үҙенең ниндәй ҙә булһа өлөшөн индерергә тейеш. Эш хаҡы, дәүләт дәрәжәләре алыр өсөн генә шөғөлләнмәһен, ә уны хәленсә камиллаштырһын. Профессиональ журналистикаға 17 йәшемдә район гәзите хәбәрсеһе сифатында килдем һәм бөгөн ниндәйҙер һығымталар яһап, хатта йәшерәк быуынға кәңәштәр биреү юғарылығына мендем, тигән уйҙамын. Улар һәр бүлектә тиерлек бар. Тапшырыу эшләү серҙәре лә, тел-стиль үҙенсәлектәре лә, тарихи сәхифәләр ҙә, бүтәне лә.
– Китабыңды нисек атарға тип оҙаҡ баш ватманың инде, тимәк?
– Ярты минут та уйламаным, сөнки ул күп йылдар элек әҙер ине. Ҡасандыр бер ошо хаҡта китап сығарырға насип булһа, тышлығына шулай тип яҙылыр, тип күңелемә теркәп ҡуйғайным. Сөнки радиоға ҡолаҡ һала йөрөгәндәрҙең яҡшы белеүенсә, һуңғы егермеләп йылда төп, ҙур тапшырыуҙарымды гел ошо һүҙҙәр менән тамамлайым. Тора-бара улар үҙенә күрә бер брэндҡа, тауар маркаһына әйләнде. Кешеләргә лә оҡшаны шикелле, һәр хәлдә исемем янына ошо һүҙбәйләнеште лә ҡуйып һөйләй башланылар. Был хушлашыуҙы, йәшермәйем, уйлап сығарҙым. Сөнки электрон мәғлүмәт сараларының матбуғаттан айырмаһы – хәбәрсенең һаулыҡ һораша, һаубуллаша алыуы ла бит. Ни эшләргә? Ярҙамға Бөрйәнем килде – унда «имен-аман» тип йыш әйтәләр. Ләкин был ғына әҙ, өсөнсө һүҙе лә хәжәт ине. «… булығыҙ!» йәбешеп етмәгәндәй тойолдо, артыҡ ғәҙәти ҙә яңғырай тип уйланым. Шуға күрә синонимын алдым – «… тороғоҙ!» тинем. Был һүҙҙәр хәҙер инде икенсе баҫҡысҡа күтәрелде: электрон почтам шулай атала, компьютерым, кеҫә телефоным, асылғанда, шулай сәләмләй. Йыр тиһәм, шаштырып ебәрерменме икән… Ҡыҫҡаһы, үҙенән-үҙе бер көй килеп сыҡҡас, тексын да яҙырға тура килде һәм уны “Имен-аман торайыҡ!” тип атаным.
Һутлы тел, утлы фекер– Ысынлап та, телмәргә инеп китте шул, хатта башҡалар ҙа файҙаланып ҡуйғылай…
– Быға мин тыныс мөнәсәбәттәмен, сөнки кешенеке кешегә йәбешмәй.
– Тел мәсьәләһенә бик етди ҡарағаныңды беләбеҙ…
– Ысынлап шулай. Телде беҙ, уның менән ныҡ яҡындан эш итеүселәр, дөрөҫ, тулы, таҙа килеш һаҡламаһаҡ, уның менән киләсәктә нимә булыр?! Ҡыҙғанысҡа ҡаршы, был яҡлап хилафлыҡ күп шул әле. Һаман да, мәҫәлән, өндәр менән түгел, хәрефтәр ярҙамында һөйләшәбеҙ, хәрефтәр менән йырлайбыҙ, тура тәржемәләйбеҙ һәм башҡалар – китабымда яҙылғандың бөтәһен дә һөйләп тормайым инде. Шул уҡ ваҡытта был яҡлап хәл ныҡ хөрт тә түгел, алға китеште күрә йөрөйбөҙ, ләкин йөҙ процентлыҡ камиллыҡҡа өлгәшеү иртәрәк әле.
– Китабыңды уҡыу әсбабы тип әйтергә буламы?
– Өлөшләтә – мөмкин, сөнки, әйтә биреүемсә, радиожурналистика тигән ҙур, йәнемә ғәзиз донъяның ҡапҡаһын ярайһы киң асам. Был яҡлап ҡарағанда, студенттар өсөн дә файҙалы булыр, моғайын. Ярай, бөтәһен дә һөйләп бөтмәйек, ҡалғанын китап уҡыусының үҙенә ҡалдырайыҡ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә

  1. Ғирфан
    Ғирфан от 04.12.2013, 07:26
    Рәсүл Сәғитовты был хеҙмәте сығыу менән ихлас ҡотлайым! Әлегә һатып алмағанмын, быны ошо көндәрҙә мотлаҡ эшләрмен, тип уйлайым. Һәр хәлдә шәп, бик ваҡытлы китап булғандыр, тимен. Сөнки яҙыусылар әллә ҡасанғы иҫке нәмәләре менән ялҡытты.Ижади уңыштар теләйем!

  2. Марсель
    Марсель от 12.12.2013, 07:56
    Ҡотлауға мин дә ҡушылам. Минеңсә, Рәсүл Сәғитов - ысын, ҙур хәрефтән яҙмалы журналист, эшенә йәне-тәне менән бирелгән шәхес. Был хеҙмәте журналистика өлкәһендә ҙур яңылыҡ, минеңсә.

  3. гөлназ
    гөлназ от 13.12.2013, 07:39
    Шул китап тураһында йыш ишетәм. Ҡайҙа һатыла икән?

  4. Рәшит
    Рәшит от 18.12.2013, 09:34
    Сельхоз янындағы китап магазинында бар тиҙәр






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 650

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 536

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 748

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 381

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545