Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Яр Саллынан “Хыялый” килде
Яр Саллынан “Хыялый” килдеӘүәл-әүәлдән башҡорт менән татар яҡындан аралашып, туғанлашып йәшәгән. Ике милләт араһында бүлешер нәмәбеҙ ҙә юҡ. Йыр-моңдарыбыҙ ҙа, башҡа рухи ҡиммәттәребеҙ ҙә уртаҡ. Ниндәй генә ҡатмарлы замандар булмаһын, улар бер-береһенә хәленән килгәнсә ярҙам итергә, һуңғы телем икмәген дә бүлергә әҙер торған. Хәйер, был дуҫлыҡ ептәре йылдан-йыл нығый ғына.

Ошо көндәрҙә республикабыҙҙа Татарстандың Яр Саллы татар дәүләт драма театрының тамашалары үтеүе лә – быға асыҡ дәлил. Ут күршеләребеҙ дүрт көн дауамында Өфөнөң “Нур” татар дәүләт театрында баш ҡала халҡының күңелен асты.
Яр Саллы театрының был гастроле билдәле башҡорт шағиры, драматург Салауат Әбүзәрҙең “Хыялый” лирик комедияһы менән асылды. Авторҙың тәрән йөкмәткеле тәүге пьесаһы үтә лә бәхетле булып сыҡты. Хәҙер “Хыялый” Мәжит Ғафури исемендәге Башҡорт академия драма театрының, шулай уҡ Ырымбур, Яр Саллы, Сибай театрҙарының репертуарын байытып тора.
Башҡортостан һәм Татарстан театрҙарының алмаш гастролдәре күптән инде күркәм йолаға әүерелде. Яр Саллы театрының Өфөлә сығышы ла тәүгегә түгел. Баш ҡалабыҙ тамашасылары күптән уларҙың уйнау оҫталығын баһалап өлгөргән. Был юлы ла улар яратҡан ижади коллективына тоғро ҡалды – тамаша залы тулы ине.
Яр Саллынан “Хыялый” килде
– Беҙ гастролебеҙҙе юҡҡа ғына Салауат Әбүзәрҙең “Хыялый” пьесаһы менән асманыҡ, – тине театрҙың баш режиссеры, Татарстандың атҡаҙанған сәнғәт эшмәкәре, Муса Йәлил исемендәге дәүләт премияһы лауреаты Фаил Ибраһимов. – Был әҫәрҙе тамашасыларыбыҙ күптән яратып өлгөрҙө, уны ҡарарға халыҡ эркелеп йөрөй. Салауат Әбүзәр – саф күңелле, ихлас ижадсы. Шуға уның әҫәрҙәре лә шәп килеп сыға. Талантлы драматургтың яңы пьесалары киләсәктә лә беҙҙең репертуарҙы биҙәр тип ышанам.
Театр артистары күңелен биреп, еренә еткереп уйнаны “Хыялый”ҙы. Тамашасылар берсә рәхәтләнеп көлдө, ҡайһы бер урынында күҙ йәшен дә йәшерә алманы. Бында танылыу яулаған татар артистарының да оҫталығын билдәләп үтергә кәрәктер. Инсаф Фәхретдинов – Ғиззәт, Гөлүсә Ғәйнетдинова – Шәрифә, Булат Сәләхов – Зәкир (улар өсөһө лә “Татарстандың халыҡ артисы” тигән маҡтаулы исемгә лайыҡ), Индира Ғиләзетдинова – Йондоҙ, Динар Әминов Сәлим образы аша халыҡ һөйөүен яулап өлгөрҙө.
Тамашанан һуң ошо әҫәр буйынса фекер алышыу ҙа булды. Сәхнә оҫталары, фән әһелдәре авторға үҙ теләк-тәҡдимдәрен еткерҙе.
– Ысын шағир ҡасан да булһа драма әҫәре яҙасаҡ, тигән Белинский, – тип һүҙен бшланы БДУ-ның татар филологияһы кафедраһы доценты, ғалим Рәүф Иҙрисов, – Әбүзәрҙе беҙ тәү сиратта ялҡынлы шағир булараҡ беләбеҙ. Уның һәр әҫәре еренә еткерелеп ижад ителә. Мин Салауат Әбүзәрҙе башҡорт йә иһә татар халҡының ғына түгел, тотош төрки донъяһының хазинаһы тип атар инем.
Бына шундай юғары баһа бирҙеләр авторға.
Гастролдең икенсе көнөндә Яр Саллы театры яҡташыбыҙ, Татарстандың халыҡ шағиры Илдар Юзеевтың “Ғашиҡтар тауы” мелодрамаһын ҡуйҙы. Рәбит Батулланың “Йәш аралаш көлөү” драмаһын да халыҡ йылы ҡабул итте. Ә инде театрҙың Өфөләге гастроле Надежда Пушнинаның “Ҡыҙым кейәүгә сыға” комедияһы менән тамамланды.
Дәртләнеп, яңы ижади пландар менән ҡайтты Яр Саллы татар дәүләт театрының труппаһы. Ҡунаҡ ашы – ҡара ҡаршы, тиҙәр бит. Ҡайтыуҙарына улар ҙа шатлыҡлы хәбәр алды. Сибайҙың Арыҫлан Мөбәрәков исемендәге Башҡорт дәүләт драма театры Салауат Әбүзәрҙең “Ғүмерлек ғазап” мелодрамаһы менән Татарстанға гастролгә килгәйне.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 651

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 537

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 749

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 383

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545