Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ағинәйҙәрҙең изге доғалары
Тыуған еремә ябалаҡлап ап-аҡ ҡарҙар яуа. Оҙаҡ ҡына яуым-төшөм булмағас, күңелдә ниндәйҙер шик-шөбһә уянғайны. Ә бөгөн иртән аҡ ҡар, әйтерһең дә, күңелде сафлағандай итте.

Учалы районындағы Көсөк-Маяҡ ауылы ағинәйҙәренең яҡын-тирәләге ауыл ҡатын-ҡыҙҙары өсөн бөгөн ҙур әһәмиәткә эйә булған “Әсәйҙәрҙең доғалары бәхетле һәм көслө итә!” исемле сараға юл тотоуыбыҙ.

Ауылдың “Өмөт” ағинәйҙәр клубы етәксеһе Гөлсирә Ғаҡил ҡыҙы Ғарипова – ветеран-уҡытыусы, данлы Әхмәтйәновтарҙың уҡытыусылар династияһы вәкиле, гүзәл ҡатын, әсә, өләсәй һәм ағинәй. Ошо гүзәл ханым иптәше Рәсүл Аллабирҙе улы менән бөгөн дә булмышына хыянат итмәй – йәш быуынды, йәмғиәтте тәрбиәләүгә ҙур көс һалалар. Сарала һәр әсәй өсөн үҙ балаларынан ҡәҙерлерәк бер кем дә юҡ икәнлеген күрһәтеп, доғаларҙың көсө тураһында һүҙ барҙы. Бындай өгөт-нәсихәт, доғаларҙың, Аллаһ хозурында булғанлыҡтан, һис иҫкергәне юҡ! Эйе, әсәйҙәрҙең балалары өсөн ҡылған доғалары бик тиҙ ҡабул була, сөнки әсә менән Аллаһ араһында пәрҙәләр юҡ.

Балаларыбыҙ өсөн бик файҙалы һәм изге доғалар ишетергә насип булды беҙгә. Әсәйҙәр һәр ваҡыт балаларына тәрбиә һәм әхлаҡ ҡына биреп ҡалмай, ә үҙенең тылсымлы, көслө доғаларын теләп йәшәй.

Бына, мәҫәлән: “Йә, Аллаһ! Беҙгә балаларыбыҙҙы юғары әхлаҡлы һәм ныҡлы иманлы итеп үҫтерергә ярҙам ит”, “Йә, Аллаһ! Балаларыбыҙға зирәк зиһен, үткер фекер, камил аҡыл, күркәм холоҡ, йомшаҡ фиғел, тулы иман бир!” — тип теләнеләр.

Көсөк ауылы клубы әллә ни ҙур булмаһа ла, илаһи йылылыҡ, мәҙәнилек тантана итә ине залда. Ҡунаҡтар — Миндәк, Килмәк, Зәйнәкәй, Уральск ауылы ағинәйҙәре — барыһы ла милли кейемдә, яулыҡта. Был — үҙе бер тәрбиә мәктәбе.

Әлегә тиклем минең ағинәйҙәрҙең күберәк сәхнәлә йыр-моң, фольклор тергеҙеү эшендә ҡатнашҡанын күрә инем. Ә Көсөк ағинәйҙәренең ысын мәғәнәһендә “ағинәй” статусына эйә булыуына шаһит булдым.

Миндәк ауылынан Миңзифа апай Сәхәүетдинова, Бөйөк Ватан һуғышында нисек хәбәрһеҙ юғалған атаһының туғандар ҡәберлеген табып, доғаларын уҡып ҡайтып, ҡорбан салғанын һөйләгәндә, быуындар сылбырының ныҡлығын күрҙек. Таңһылыу Байморатова апай үҙенең шиғырҙарын уҡып, халҡына һөйөүен еткерҙе.

Йәмғиәтебеҙҙә ағинәйҙәр хәрәкәте үҙ эшен ныҡлап башланы. Киләсәктә уның һөҙөмтәһе баһалап бөткөһөҙ ҙур буласаҡ, сөнки борон-борондан халҡыбыҙҙа ололар кәңәш биреп, йәш быуынды тәрбиәләгән. Көсөк-Маяҡ ағинәйҙәренең дә төп маҡсаты – иманға өндәү, ныҡлы ғаиләләр тәрбиәләү. Үкенескә ҡаршы, бөгөн районыбыҙҙа аҡһаҡалдар ҡоро юҡ. Ә бик кәрәк ине. Ир-егет, атай, олатай – ғаилә тотҡаһы, ил терәге, арҡаһы ул. Арҡа ныҡ икән – ил дә ныҡ. Шуның өсөн иман, ил ныҡ булһын тиһәк, аҡһаҡалдар ҡоро ла кәрәк!

Бик күп ағинәйҙәрҙе күргәнем бар, ә бөгөнгө сараны ойошторған, Көсөк ағинәйҙәре ҡоро етәксеһе Гөлсирә Ғаҡил ҡыҙын оло һоҡланыу, ғорурлыҡ менән тыңлап ултырҙым, сөнки уларҙың эше маҡтауға ғына лайыҡ: урындағы ҡәберҙәрҙе кәртәләү, шишмәләрҙе таҙартыу, йома сәйҙәре, ауылда аяттарҙа мөнәжәттәр әйтеү, хатта республика кимәлендә ауылдашы Муса Лут улы Мортазин иҫтәлегенә ҡорбан аяттары үткәреүҙе башҡар­ғандар.
“Өмөт” ағинәйҙәре йәмғиәттәге кире күренештәргә лә битараф түгеллеген, күңелдәрендә “ауыр таш” булып йөрөткәндәрен белдереп, ипле, сабыр ғына изге, аҡ доғаларын әйттеләр. Доға – ул дауа.

Был күркәм саранан һәр әсә, ҡатын-ҡыҙ күңелендә иман нуры, изгелек орлоҡтары алып, ҙур өмөттәр менән ҡайтты. Көсөк ауылы ағинәйҙәренең изге маҡсаты – киләсәктә мәсетле булыу. Иманым камил, Инша Аллаһ, бындай изге күңелле, зирәк, аңлы, тәрбиәле, өлгөлө ағинәйҙәр булған ерҙә иман йорто булыр.


Автор: Гөлшат ХУЖИӘХМӘТОВА
Фото: istockphoto.com
Район: Учалы районы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 135

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 127

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 253

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 260

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 737

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 346

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 336

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 411

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 284

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 269

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 256

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 496