Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Изге уйҙа йәшәү емеше
Изге уйҙа йәшәү емешеИзге Ҡорбан ғәйетендә өммәтебеҙҙең ҡеүәт йыя, милләттәр араһындағы татыулыҡтың нығына барғанына йәнә бер ҡат инандым. Бында, һис һүҙһеҙ, дин юлындағы ҡәрҙәштәребеҙҙең, остаздарҙың өлөшө ҙур. Шундай әйҙәүселәр араһында хөрмәтле, изге күңелле ауылдашыбыҙ Фәниә Ғәлләмова ла бар.

Ул 1936 йылда донъяға килә, бала сағы ауыр осорға тура килә. Бөйөк Ватан һуғы­шы башланғас, атаһы Абдулланы фронтҡа алалар. Ҡа­тынын, биш балаһын ҡалдырып яуға киткән ғаилә башлығының, күп тә үтмәй, “ҡара ҡағыҙ”ы килә. Ғәзизә апайға балаларын яңғыҙ аяҡҡа баҫтырырға тура килә. “Сибәр, уңған килен” тип хөрмәт итә уны Йәшергән ауылы халҡы. Апай ҡәйнәһе менән 32 йыл бергә татыу­лыҡта йәшәп, һуңғы юлға ҡәҙерләп оҙата. Балалар һөйөклө өләсәйҙәренең йы­лы ҡосағында тәрбиәле, хәстәрлекле, итәғәтле булып үҫә.
Кинйә ҡыҙ Фәниә лә тырышлығы, отҡорлоғо, һәләт­лелеге менән һөйөндөрә. Үкенескә күрә, мәктәпте тамам­лағас, белем алыуын артабан дауам итеү мөмкинлеге булмай – бик йәшләй колхоз эшенә егелә, йорт, хужалыҡ мәшәҡәттәренә күмелә. Һәләтле ҡыҙға өләсәһе Мәшрүфә дини белем бирә, доғалар ятлата, намаҙ уҡырға өйрәтә. Зирәк Фәниә барыһын да тиҙ отоп ала. Йәшләй кейәүгә сыға ул. Ауылдашы Ырғыҙ менән ҡауышып, матур ғаилә ҡоралар, дүрт ҡыҙ һәм бер улға ғүмер бирәләр. Ата-әсә балаларын эшкә өйрәтеп үҫтерә, уларға белем алырға, оло тормош юлына аяҡ баҫырға ярҙам итә. Улар 46 йыл бергә бәхетле ғүмер кисерә. Үкенескә күрә, ғаилә башлығы баҡыйлыҡҡа иртәрәк күсә.
Фәниә һәр ҡайҙа – шәкәр сөгөлдөрө үҫтереүҙә, колхоздың башҡа эштәрендә – гелән алдынғылар рәтендә була. Һауынсы сағында һәр һыйырҙан йылына өс мең литрҙан ашыу һөт һауып, өлгөлө хеҙмәт күрһәтә. Мәғлүм ки, бындай һөҙөмтәгә һәр кем өлгәшә алмаған.
Хаҡлы ялға сыҡҡас, Фәниә ханым ихлас күңелдән дин юлына баҫа. Мәсеткә йөрөп, ғәрәп хәрефтәрен өйрәнә, доғалар ятлай, намаҙ уҡый, ураҙа тота башлай. Ауылдағы оло инәйҙәр, ихласлығын күреп, уға әҙәм балаһын һуңғы юлға оҙатыу ҡағиҙәләрен өйрәтә. Бына 25 йыл инде ханым ошо ҡанундарҙы үтәй, үҙенән йәшерәктәргә лә күрһәтә бара.
Фәниә апай улы Илфаҡ һәм килене Лилиә менән 22 йыл бергә татыу ғүмер итә. Уларға йорт эштәрендә ярҙамлаша, ейәндәрен үҫтерешә. Сабыр, тыныс, саф күңелле Лилиә ҡәйнәһен үҙ әсәһе кеүек ярата, хөрмәт итә, ярҙамына сикһеҙ рәхмәтле. Балалары – беренсе класҡа барасаҡ Ғәлиә, студент Әлфиә һәм армиянан ҡайтҡан Илмир – өләсәйҙәрен ныҡ ярата, инәй ҙә ейән-ейәнсәрҙәре өсөн өҙөлөп тора уларҙың тәртипле, изгелекле булып үҫеүҙәренә һөйөнөп бөтә алмай.
Лилиә балалар баҡсаһында тәрбиәсе булып эшләһә, Илфаҡ – мәктәп автобусы водителе. Бик тырыш, донъяны, матурлыҡты яратҡан кешеләр улар. Күпләп мал-тыуар, ҡош-ҡорт аҫрайҙар, йорттары гөл-сәскәгә күмелгән. Фәниә апай ҡәҙерлеләренең ауылда иң татыу, хөрмәтле ғаиләләрҙең береһе булыуына һөйөнөп йәшәй, бындай бәрәкәт өсөн Аллаһ Тәғәләгә көн дә рәхмәт уҡый.
– Улым менән киленемә тормош йөгөн артабан да тигеҙ тартып, балаларының шатлыҡтарын күрергә, ҡыуаныстарҙы ла, ҡайғыларҙы ла уртаҡлашып, ырыҫлы ғүмер кисерергә яҙһын, – тип теләй ул.
Ауылдаштарының оло хөрмәтен яулаған Фәниә апай – һәр йортта ҡәҙерле ҡунаҡ. Халыҡты дингә, ғилемгә, яҡшылыҡҡа өндәүҙән туҡтамай ул, һәр ғәмәле – изгелек. Һикһән ике йәштә булыуына ҡарамаҫтан, бер ҡасан да буш ултырмай, гелән хәрәкәттә. Етеҙлегенә, йәштәрҙәй еңел атлап йөрөүенә һоҡланмаған кеше юҡтыр. Ун ете ейән-ейәнсәренә, бүләләренә һөйөклө өләсәй булған Фәниә ханым тәбиғәткә сығырға ярата, гөл үҫтереүгә әүәҫ, ҡул эштәренә оҫта. “Нисек шулай шәпһегеҙ, дәртлеһегеҙ?” тигән һорауға ул шулай яуап бирҙе:
– Дин юлында булыуым, көн дә биш тапҡыр намаҙ уҡыуым, гелән яҡшы уйҙа йәшәүемдең бәрәкәтелер был. Шул уҡ ваҡытта өйҙәге тыныслыҡ, бер-береңде хөрмәт итеү, балаларҙың шатлығын күреү – үҙе ҙур бәхет.

Стәрлебаш районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 294

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 255

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 374

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 356

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 893

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 488

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 491

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 575

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 440

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 420

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 351

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 622