Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ауыл нурға сумды
Ауыл нурға сумды“Кем дә кем изгелек ҡыла, Аллаһ Тәғәлә үҙенә арттырып әжерен бирер”, – тигән пәйғәмбәребеҙ Мөхәммәт ғәләйһис-сәләм. Бында аҡса ғына түгел, ә тел, ҡул, фекер ярҙамы, мәсет төҙөү һәм башҡалар күҙ уңында тотола. Шөкөр, һәр аҙна тиерлек республикабыҙҙа иман йорттары ҡалҡа. Күптән түгел Яңы Яуыш ауылы иман йорто манараһынан түгелгән нурға сорналды.

Мәсет асыу тантанаһына халыҡ күп йыйылды. Байрамға ауылда Яңы Яуышта йәшәгәндәр генә түгел, күрше ауылдарҙан да килгәйнеләр. Күңелдәре дингә, иманға тартылған мосолмандар изге йорт асылырын түҙемһеҙләнеп көткән. Олоһо өсөн дә, кесеһе өсөн дә мәсет асылыу ысын мәғәнәһендә ҙур ваҡиға булды.
Яңы Яуыш ауылы мәсетен төҙөү тарихы оҙон һәм ҡатмарлы. Халыҡ элек-электән иман йорто тураһында хыялланған, ләкин төрлө сәбәптәр арҡаһында теләктәре тормошҡа ашмаған. 2014 йылда “Айыҡ ауыл” республика бәйгеһендә ҡатнашыу һөҙөмтәһендә, ул осорҙағы ауыл биләмәһе башлығы Мәрғизә Арыҫланова етәкселегендә ауыл төҙөкләндерелгән, юлдар һалынған, мәктәп ихатаһы кәртәләнгән. Иман йорто ла төҙөйөк тигән саҡырыу булғас, халыҡ дәртләнгән. Ниәт булғас, Фуат Маликов мәсет һалыуҙы ойоштороп ебәрә.
Әйткәндәй, үҙе Күмертау ҡалаһында йәшәп, эшләп, тыуған ауылында мәсет төҙөүҙе ойошторған Фуат Ғәли улы ике йыл буйы ял көндәрен Яуышта үткәрә. Төп эше – төҙөлөш буйынса етәкселек итеү һәм умартасылыҡ. Фуат Ғәли улын Яңы Яуыш ауылының почетлы гражданы итеп иғлан итәләр һәм уға иҫтәлекле бүләк тапшыралар.
2015 йылдың октябрендә оло өмә менән мәсеткә нигеҙ һалына, бер аҙҙан стенаһы күтәрелә. Берәүҙәр аҡсалата ярҙам итһә, икенселәр өмәгә сыға. Ауылдан ситтә йәшәгәндәр ҙә ярҙам ҡулы һуҙа.
Иман йортон төҙөүҙә бөтөн ауыл халҡы тиерлек ҡатнаша. Айырыуса маҡтап телгә алыр егеттәр – Фуат Маликов, Әхәт Ғәбдрәшитов, Шамил Дәүләтбаев, Рәмил Әбсәләмов, Хәлил Маликов, Радик Йомағолов, Марсель Хәйбуллин, Азат Ғәбдрәшитов, Фәнүз Хәбибуллин, Зәкәриә Юлғотлин, Рим Шәмсетдинов, Вәрис Рауилов, Ирек Хәбибуллин, Рәил, Илгиз Маликов, Күмертауҙан – Шәрифйән Кинйәбулатов һәм Азат атлы егет, Ермолаевканан – Ильяс, Исломудин Ходжаевтың туғандары Мирзо, Фәрғәт, ошо ауыл кейәүе Дәүләттең ҡабат-ҡабат килеп өмәләрҙә ҡатнашыуҙары һоҡланыу тойғоһо ла уята.
Оло байрам уңайынан ҡорбан салғандар ҙа булды: Әлмира һәм Әхәт Ғәбдрәшитовтар (улар мәсет нигеҙен һалғанда ла ҡорбан салған), Әлфиә һәм Зәкәриә Юлғотлиндар, Венера һәм Зәбир Рафиҡовтар, Рәзилә һәм Искәндәр Маликовтар, Гөлназ һәм Урал Хәбибуллиндар. Эйе, иман йортон төҙөүҙә ярҙам күрһәтеүҙән бер кеше лә ситтә ҡалмаған, бөтөн ауыл халҡын тиерлек теҙеп һанарға мөмкин.
Артабан ҡотлау өсөн һүҙҙе Бала Сытырман ауыл биләмәһе башлығы Ғәҙел Ниғмәтуллин алды.
– Яңы Яуыш – уңғандар һәм тырыш халыҡ төбәк иткән ауыл. Мәсеттең күмәк көс менән ҡалҡып сығыуы ошо хаҡта һөйләй. Иман йортонда киләсәктә никах уҡылыр, яңы тыуған сабыйҙарға исем ҡушылыр, ғибәҙәт ҡылыныр, дин ҡәрҙәштәребеҙ күңелендәге изгелеген башҡаларға өләшер. Ауыл биләмәһе исеменән, мәсет төҙөлөшө өсөн аҡсалата һәм ҡул ярҙамы күрһәткән бар халыҡҡа рәхмәт белдерәм, барығыҙға ла иҫәнлек-һаулыҡ теләйем, – тине ул сығышында.
Артабанғы бүләк Фуат Ғәли улының ауылдағы фекерҙәше, терәге, таянысы булған Әлмира апай һәм Гөлдәриә, Әхәт Ғәбдрәшитовтарҙың уңған, тырыш, иманлы ғаиләһенә тәғәйенләнде.
Мәсет асыу тантанаһында Башҡортостан мосолмандары диниә назараты рәйесе Нурмөхәмәт хәҙрәт ҡатнашты. Ул ауылдаштарҙы изге байрам менән ҡотлап, изге теләктәрен еткерҙе. Бөгөнгө йәшәйешебеҙгә ҡағылышлы вәғәздәр һөйләне. Ауыл имам-хатибы Рим Шәмсетдинов та байрам уңайынан ҡотлау һүҙҙәрен еткерҙе.
Тормошҡа бәрәкәт өҫтәп мәсет асылды. Ауыл халҡы, иман йорто төҙөлөп бөтөүгә, Башҡортостан Республикаһының “Урындағы башланғыстарға булышлыҡ итеү” программаһы буйынса зыяратты яңы ҡойма менән уратып алырға ҡарар итте.
Байрам уңайынан ауылдаштар ҙур табын ойошторҙо. Ниәттәре ҡабул булған Яңы Яуыш ауылы халҡы ҡорбан ашы менән һыйланды.
Изге ниәттә төҙөлөп, Ҡорбан байрамы алдынан асылған мәсеттең ғүмере оҙон һәм бәрәкәтле булһын, Яңы Яуышҡа һәм тирә-яҡ ауылдарға иман нуры таратып торһон.

Т. ҒӘЛИНА:
– Был көндө яңы ғына асылған мәсеткә бүләк, саҙаҡа тапшырыусылар күп булды. Бала Сытырман ауыл биләмәһенән, Көйөргәҙе районының Ермолаевка мәсетенән тапшырылған бүләктәргә, саҙаҡа һалған Динес, Балыҡлы һәм Батыр мәсеттәренә, саҙаҡаға ҡушып, имам-хатипҡа сапан да кейҙергән Федоровка мәсетенә, шулай уҡ барлыҡ ауылдаштарға һәм ҡунаҡтарға рәхмәт һүҙҙәрен әйтер инем. Бөтәһе 68 мең һум аҡса йыйылды. Изге йортобоҙға һыу үткәрергә, өҫтәл-ултырғыстар алырға тигән ниәттә торабыҙ. Аллаһ Тәғәлә сауабын насип итһен барығыҙға ла!

Федоровка районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 281

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 241

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 366

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 345

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 877

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 476

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 465

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 560

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 430

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 405

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 337

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 614