Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Үҙен танымағанды ғәфү итмәҫ
– Ауылыбыҙға күптән түгел ситтән бер ҡатын килеп йәшәй башланы. Әллә ниндәй һүрәттәргә табына, тиҙәр. Ә үҙе гел Аллаһ Тәғәлә хаҡында һөйләй, дин юлынан барыуына ышандырырға тырыша. Ҡөрьәндә Раббыбыҙҙың тәүбәгә килгәндәрҙең барлыҡ гонаһтарын да ғәфү итеүе, әммә нимәнелер үҙенә тиң тотоуҙы кисермәүе хаҡында яҙылған бит...
Ә. ҒӘФҮРОВА.

Тәтешле районы.


Башҡортостан мосолмандарының Диниә назараты рәйесе мөфтөй Нурмөхәмәт хәҙрәт НИҒМӘТУЛЛИН:
– Бисмилләһир-рахмәнир-рахим!
Иң тәүҙә ураҙа тотҡан ҡәрҙәштәребеҙгә изге теләктәр еткерәйек. Аллаһ Тәғәләнең рәхмәтенә өлгәшеү юлында сабырлыҡ, ихтыяр көсө насип итһен һеҙгә, иншаллаһ. Раббыбыҙ һәммәгеҙҙең дә изге ғибәҙәтегеҙҙе, доғаларығыҙҙы ҡабул ҡылһын!
...Аллаһ Тәғәлә, Әҙәм ғәләйһис-сәләмде яралтып, барлыҡ фәрештәләргә уға сәждә ҡылырға бойорғас, иблис тәкәбберлек күрһәткән. “Эй, Раббым, уны – ерҙән, ә мине уттан яралттың”, – тип үҙенең кешенән өҫтөнлөгөн иҫбатларға булған. Һөҙөмтәлә Аллаһ Тәғәлә уны йәннәттән, тимәк, үҙенең рәхмәтенән, мәхрүм иткән. Күңелендә асыу, кенә һаҡлаған иблис Әҙәм ғәләйһис-сәләмде лә берәй нисек ожмахтан сығарыу ниәтендә хәйлә ҡора башлаған һәм маҡсатына өлгәшкән. Ергә төшөрөлгән атабыҙ менән анабыҙ оҙаҡ йылдар бер-береһен эҙләп йөрөп, Ғәрәфәт тауында осрашҡан. Әҙәм ғәләйһис-сәләм Аллаһ Тәғәлә алдында тәүбә ҡылған.
Иблистең нәҫелдәре иһә кешеләрҙе яңылышлыҡҡа илтеүҙе дауам итә. Бындай аҙашыуҙың иң беренсеһе – бөтөн донъяны юҡтан бар итеп яралтҡан Аллаһ Тәғәләнең юлынан барыу түгел, ә икенсе яҡҡа китеү. Уны “ширк” тип атайҙар, йәғни нимәнелер Аллаһ Тәғәләгә тиң ҡуйыу. Әгәр ҙә ки әҙәм балаһы Хоҙайҙың ҡанунына табынмаһа, уның буйынса йәшәмәһә, шайтанға эйәреп китә. Ә иблистең аҙаштырыу юлдары ифрат күп: эскелек, хәрәм ризыҡ менән туҡланыу, ғаиләне тарҡатыу, отош уйындары, башҡаларҙы хөрмәт итмәү, ата-әсәңде, туғаныңды танымау, тәкәбберлек, уғрылыҡ...
Һәр кеше ғаләмде һәм үҙен юҡтан бар итеп яратҡан Раббыһын ғилеме, аҡылы, зиһене менән танырға тейеш. Әгәр ҙә шулай икән, ул ер йөҙөн матурлап, унда бәрәкәт, тыныслыҡ, татыулыҡ булдырып, булғанды ҡәҙерләп, һаҡлап йәшәй. Ә инде Раббыһы тип ниндәйҙер кеше һынын, ташты, хайуанды һәм башҡа ниҙелер таныһа, тормошо төплө нигеҙле ҡанун буйынса бармай. Эйе, “Ҡөрьән Кәрим”дә Аллаһ Тәғәләнең бөтөн нәмәне лә ғәфү итәсәге, ләкин нимәнелер үҙенә тиң тотоуҙы, йәғни ширк ҡылыуҙы кисермәйәсәге хаҡында әйтелгән.
Әл-хәмдү лил-ләһ, беҙгә иң таҙа, саф Ислам индерелгән. Артабан да ошо паклыҡҡа таянып, ғәмәл һәм ғибәҙәт менән йәшәргә насип итһен һәммәбеҙгә лә, хөрмәтле ҡәрҙәштәр. Бөгөн динебеҙҙе өйрәнеү өсөн ҙур мөмкинлектәр бар, уларҙы файҙаланайыҡ. Изге Ҡөрьәнде, пәйғәмбәребеҙ Мөхәммәт ғәләйһис-сәләмдең хәҙистәрен өйрәнәйек, өҫтәүенә хәҙер традицион дингә нигеҙләнгән китаптар ҙа байтаҡ донъя күрә. Уларҙағы аҡыл, һис шикһеҙ, ситкә тайпылыуҙан аралар. Ғилемгә ынтылайыҡ, хөрмәтле ҡәрҙәштәр, Хоҙай Тәғәлә ширк ҡылыуҙан һаҡлаһын.
“Аллаһты таныу өсөн үҙегеҙгә ҡарағыҙ”, – тиелгән Ҡөрьәндә. Хәҡиҡәттә шулай: бәләкәй генә орлоҡтан яратылғанбыҙ, аҡыл, зиһен бирелгән, устағы һыҙаттарыбыҙ тик үҙебеҙсә, башҡа һис кемдекенә оҡшамаған һ.б. – быларҙың барыһы ла Хаҡ Тәғәләнең барлығына дәлил.
“Фани донъя – ахирәттең игенлеге”, – тигән Пәйғәмбәребеҙ үҙенең мөбәрәк хәҙисендә. Яҡшылыҡ икһәк, бер-беребеҙ һәм йәмғиәт өсөн файҙалы эштәр башҡарһаҡ, күңелебеҙ гел таҙа булһа, илебеҙҙе, телебеҙҙе һаҡлаһаҡ, хаҡ динебеҙҙән ситкә китмәһәк, иншаллаһ, ахирәтебеҙ ҙә игелекле булыр. Әс-сәләмү-ғәләйкүм үә рәхмәтул-лаһи үә бәрәкәтүһ! Амин.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 466

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 381

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 472

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 275

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 892

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 473

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 568

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 722

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 369

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 327

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 333

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 599