Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Исламдың тупһаһы – таҙалыҡ
Исламдың тупһаһы – таҙалыҡ Йәй ҡала мәсетендә булған бер ваҡиға йыш иҫемә төшә. Август айы, көн эҫе. Йома намаҙына шорты һәм майка кейгән яланбаш егет килеп инде. Был әйберҙәре әллә йыуылмаған, әллә модаһы шулаймы... Вахтала ултырған ағай, шунда уҡ ризаһыҙлыҡ белдереп, тегене индермәйәсәген әйтте. “Иман кейемдә түгел, күңелдә!” – егеттең ошо һүҙҙәре намаҙға килгәндәрҙә төрлө фекер уятҡандыр.
Һис кемгә сер түгел: кешене тәү күргәндә төҫ-башына ҡарап баһа­лайһың. Уның үҙ-үҙенә иғтибар­һыҙлығы күренеп тора, кейеме бысраҡ йә үтекләнмәгән, сәсе таралмаған икән, шунда уҡ кире фекер тыуа. Күңел менән бергә тышҡы ҡиәфәттең дә күркәм, таҙа булыуы мөһим шул. Дин өйрәткәнсә, эске матурлығың бөтөн торошоңда сағылыш табырға тейеш.
Эйе, үрҙә телгә алынғанға оҡшаш күренештәр аҙ осрамайҙыр хәҙер. Ә борон мәсеткә баш кейемһеҙ, оҙон еңле күлдәкһеҙ бөтөнләй ин­дер­мәгәндәр. Мосолмандың өлгөлө ҡиәфәтен күҙ алдына килтереү өсөн дин әһелдәре Ябраил фәрештәнең Пәйғәмбәребеҙ янына ир сүрәтендә килеүе хаҡындағы хәҙисте уҡырға тәҡдим итә. “Эргәбеҙҙә көтмәгәндә күҙҙе сағылдырырҙай аҡ кейемдәге кеше пәйҙә булды. Төҫ-ҡиәфәтенә ҡарап, уны юлсы тип әйтеү ҙә мөмкин түгел ине...” – тигән һүҙҙәр бар был хәҙистә. Ғөмүмән, Исламда аҡ төҫкә ҙур өҫтөнлөк бирелә. Ул кешегә үҙенсәлекле сафлыҡ өҫтәй, тән һәм йән таҙалығы, юғары рухлылығы, аҡылы, мәрхәмәтлелеге хаҡында һөйләй. Пәйғәмбәребеҙ Мөхәммәт ғәләйһис-сәләм үҙе лә аҡ кейемдә йөрөргә яратҡан, баш­ҡаларҙы ла шуға әйҙәгән. “Аллаһ сафлыҡты, матурлыҡты ярата”, – тигән ул. Тимәк, үрҙә телгә алынған егеттең: “Иман кейемдә түгел, кү­ңелдә!” – тип фекерләүе дөрөҫлөккә тап килмәй. Динле кешенең эске әҙәбе тышында сағыла.
Исламдағы аят-кәримәләргә, хә­ҙистәргә күҙ һалайыҡ: “Таҙалыҡ – имандың яртыһы”, “Аллаһ паклан­ған­дарҙы ярата”, “Йомала йыуыныу бәлиғ булған һәр кем өсөн мотлаҡ”, “Аллаһ Тәғәләм! Аҡ кейемде бысраҡ­тан таҙартҡан кеүек, мине лә, го­наһтарымды ярлыҡап, пакла­һаңсы”, “Эй һин, кейемеңә бөркән­гән! Тор ҙа өгөтлә! Раббыңды олола! Ке­йе­меңде сафла!”, “Мәсеткә барған һайын таҙа әйберҙәрегеҙҙе кейегеҙ”, “Эш кейеменән тыш, йома өсөн ике күлдәк алыу берәүгә лә зыян кил­термәҫ” һ.б. Мәғлүм ки, Исламда әҙәм балаһын мәңгелеккә лә аҡҡа төрөп оҙаталар.
Мәсеткә йыйынған кеше Аллаһ йортона юлланыуын, унда үҙенән башҡа ла кешеләр, фәрештәләр ғибәҙәт ҡыласағын аңларға тейеш. Байрамдарға, туйҙарға ла килде-китте ҡиәфәттә бармайҙар бит. Ә иман йорто – иң юғары урын, уға пакланмайынса, таҙарынмайынса инеү – гонаһ. Шуның өсөн түбәндәге талаптарҙы үтәү зарур:
1. Мәсеткә барыр алдынан мосолман тәненең, кейеменең бөхтә булыуына, үҙенән насар еҫ кил­мәүенә ышанған булырға тейеш.
2. Аяҡ кейеме ныҡлап таҙартыла, йылы миҙгелдәрҙә тышта ҡалды­рыла.
3. Кемдер мәсеткә бысраҡ алып кергән икән, тиҙ генә йыйыштырырға тейеш. Иман йортон таҙа итеп һәм тәртиптә тотоу – унда эшләгән­дәрҙең генә түгел, ә ингән, ғибәҙәт ҡылған, етешһеҙлекте беренсе булып күргән һәр кемдең бурысы.
4. Мәсеттә тәмле еҫ таралһын өсөн еҫле май бөркөргә кәрәк.
Ғөмүмән, Исламда таҙалыҡтың әһәмиәте баһалап бөткөһөҙ. Әҙәм балаһы йән сафлығына, тән сәләмәтлегенә, матурлыҡҡа, үҙ-ара мөнәсәбәттәрҙең күркәмлегенә ынтылып йәшәргә тейеш. Һаулыҡтың, күңел бөтөнлөгөнөң нигеҙе был.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 466

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 381

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 472

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 275

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 892

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 473

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 568

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 721

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 369

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 327

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 333

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 598