Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ниғмәткә шөкөрһөҙлөк – көфөр
– Ҡорбан салып, итен таратҡайныҡ, ҡәй­нәмә ҡойроҡ өлөшө эләккән. Бының өсөн ул беҙгә ҙур асыу, ризаһыҙлыҡ белдерҙе. Ғәфү үтенеү ниәтендә икенсе ҡорбанды ҡәйнәм­дең һаулығы өсөн салдыҡ. Изге маҡсатыбыҙ йәнә барып сыҡманы: итебеҙ ҡабул ител­мәне... Ошо хәлде нисек аңлатырһығыҙ, Нурмөхәмәт хәҙрәт?

М. ҒӘЙЕТҠОЛОВА.
Өфө районы.

– Бисмилләһир-рахмәнир-рахим!
Исламда фарыз ғибәҙәттәр бар. Улар динебеҙҙең нигеҙен тәшкил итә. Әйтәйек, мосолман үтәргә тейешле төп ғәмәлдәр – иман килтереү, көн һайын биш тапҡыр намаҙ уҡыу, ураҙа то­тоу, зәҡәт биреү (байҙарға ҡағыла) һәм, мөмкинлегеңдән сығып, хаж ҡылыу. Аллаһ Тәғәлә тарафынан бойоролған был фарыз ғибәҙәттәрҙе үҙгәртеү мөмкин түгел. Донъя ни тиклем генә алға китмәһен, ғилем, фән буйынса юғары ҡаҙаныштарға өлгәшелмәһен, динебеҙҙең әлеге төп нигеҙҙәре шул килеш ҡаласаҡ.
Был ҡорбан салыуға ла ҡағыла. Ибраһим ғәләйһис-сәләм заманынан килгән ғәмәл Аллаһҡа яҡын булыуҙы күрһәтә. “Раббыбыҙҙың рәхмәтен өмөт итеп намаҙ уҡы һәм ҡорбан сал”, – тиелгән изге “Ҡөрьән Кәрим”дә. Тимәк, мосолман өсөн был эш тә – фарыз. Мәғлүм булыуынса, вәжиб ҡорбан зөлхизә айының 10 – 12 көндәрендә салына. Башҡа төрлөләренең айырым билдәләнгән ваҡыты юҡ.
Ит түгел, ә ғибәҙәт өсөн башҡарыла был эш. Ҡорбанлыҡты өс өлөшкә бүлеп, береһен – ғаиләң менән туҡланыуға, икенсеһен мәжлес үткәреүгә тәғәйенләү, өсөнсөһөн етемдәргә, мохтаждарға биреү хәйерле. Иттең ҡайһы ғына ере эләкһә лә, бер генә ҡабымы насип булған хәлдә лә, ҙур шөкөр итергә тейешбеҙ, хөрмәтле ҡәрҙәштәр. Олуғ Аҡмулла ла бит “Нәсихәттәр”ендә:
“Дүртенсе ҡиммәт нәмә – шөкөр, тигән,
Ниғмәткә шөкөрһөҙлөк – көфөр, тигән”, –
тип белдергән. Аллаһ Тәғәлә тарафынан бирелгән һәр ниғмәтте риза булып ҡабул итеү зарур. Ә уларҙы һанап китһәк, осона сығыу мөмкин түгел. Ҡорбан итенән ауыҙ итеү ҙә – ошо иҫәптә. Әгәр ҙә ки был йәһәттән шөкөр итмәй башлаһаҡ, өлөштәрҙе бүлешһәк, Аллаһҡа ризаһыҙлыҡ белдереү тигән һүҙ була.
Иҫләүемсә, беҙ бәләкәй саҡта ҡорбанлыҡтың бөтөн өлөштәре лә эшкәртелә ине. Бөгөн иһә әрәм-шәрәм итеү осраҡтары бар: малдың башын, тиреһен, эс-ҡарынын ташлайҙар. Исраф ҡылыу бит был! Булғанды әрәм итеү – хилафлыҡ.
Алда әйткәнемсә, һәр нәмәгә шөкөр итергә өйрәнергә тейешбеҙ. Әгәр ҙә ки кемдер ваҡ ҡына мәсьәләне ҙурға күтәреп, ғауғаға юл аса икән, үҙенә лә, башҡаға ла файҙа килтермәй. Үпкә бар ергә шайтан эйәләргә әҙер тора. Шуның өсөн Исламда үпкәләшеүгә урын юҡ. Әйтәйек, йәмәғәт намаҙына беренсе булып килгән кеше тәүге рәткә баҫа, һуңғараҡ ҡалғандар – артҡараҡ. Ҡөрьән мәжлесендә лә шулай уҡ: алдан йөрөгән түргә уҙа, сираттағылар – уртанан, аҙаҡ ингәндәр ситтәнерәк урын ала. Шуның шикелле “Миңә ҡорбанлыҡтың ҡойроғо эләкте”, тип үпкәләүгә урын юҡ. Үҙеңә ҡәҙер күрһәткәндәрҙең күңелен төшөрөү – ҙур гонаһ.
Аллаһ Тәғәлә һәммәбеҙгә лә эстәге нәфсене тыйып тоторға насип ҡылһа ине. Был – үҙе ҙур көрәш. Күңелгә инеп килгән үпкәне лә тиҙ генә бороп сығарырға тейешбеҙ. “Асыуланған мәлдә үҙен тыя белгән кеше – арағыҙҙа иң көслөһө”, – тигән бит пәйғәмбәребеҙ Мөхәммәт ғәләйһис-сәләм. Ошо аҡыл нигеҙендә барыһына шөкөр итеп йәшәйбеҙ икән, иншаллаһ, Аллаһ Тәғәлә тормошобоҙға ҡеүәт бирер.
Һис шикһеҙ, ҡорбанлыҡтың бәләкәй генә өлөшө лә рух, туғанлыҡ, ғаилә сәләмәтлегенә ҙур бәрәкәт килтерәлер. Шуны аңламаҫтан, юҡ-барға үпкәләшмәйек. Аллаһ Тәғәлә һәммәбеҙгә лә сабырлыҡты, күркәм мөнәсәбәттәрҙе алға ҡуйып, бирелгән һәр ниғмәткә шөкөр ҡылып йәшәргә насип итһен. Әс-сәләмү-ғәләйкүм үә рәхмәтул-лаһи үә бәрәкәтүһ! Амин.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 466

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 381

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 472

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 275

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 892

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 473

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 568

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 722

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 369

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 327

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 333

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 599