Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Диндең Еңеүҙәге өлөшө
– Бөйөк Ватан һуғышы йылдарында дингә иғтибар артҡаны хаҡында ишет­кә­нем бар. Был дөрөҫмө, Нурмөхәмәт хәҙ­рәт?
Әнисә ЙОСОПОВА.
Шишмә ҡасабаһы.
– Бисмилләһир-рах­мә­нир-рахим!
Әс-сәләмү-ғә­ләй­күм үә рәхмәтул-лаһи үә бәрәкәтүһ, хөрмәт­ле ту­ған­дар! Һеҙҙе Бөйөк Еңеүҙең 70 йыллығы алдынан сә­ләмләүемә ифрат шатмын. 9 Май – иле­беҙҙең һәр ке­шеһе өсөн ғәйәт әһә­миәтле көн. Әле еребеҙҙә ныҡ­лы баҫып тороуыбыҙ, балалар үҫтереүебеҙ, киләсәккә ҙур маҡсаттар ҡороп йәшәүебеҙ өсөн Аллаһ Тәғәләгә шөкөрана ҡылырға, Бөйөк Еңеү­ҙе яулауға үҙ өлөшөн индергән ата-бабабыҙға, тыл хеҙмәтсәндәренә сикһеҙ рәхмәтле булырға бурыслыбыҙ, хөрмәтле йәмәғәт.
Ысынлап та, Икенсе донъя һуғышы башланыу менән социалистик ҡоролошло илдә дингә ҙур иғтибар бүленә башлаған. Ниндәйҙер ауырлыҡ, хәүеф, ҡурҡыныс тыуһа, әҙәм балаһы шунда уҡ Аллаһ Тәғәләне иҫкә төшөрә бит. Раббыбыҙҙан юғарыраҡ көс юҡлығы тап шундай ваҡыттарҙа беленә лә. Мәғлүм булыуынса, герман һуғышы башланғас, илебеҙ башлығы бар­лыҡ дин етәкселәрен саҡырып алып кә­ңәш­ләшкән, ерҙе һаҡлап ҡалыу өсөн барса мөмкинлекте файҙаланыу кәрәклеген әйткән. Маҡсатҡа ярашлы “Ҡөрьән Кәрим”де, башҡа ди­ни китаптарҙы баҫып сығарырға рөхсәт ителгән. Был, әлбиттә, еңеүгә ынтылған кешелеккә рухи аҙыҡ булған.
Һуғыш йылдарында донъя күргән матбуғат баҫмаларында ла дингә ҙур урын бүленгән. Совет власының тыйыуына ҡарамаҫтан, мосол­мандарҙың күбеһе Аллаһ Тәғәләнән именлек һорап Ҡөрьән уҡыған, хәйер биргән, ғибәҙәт ҡылған. Башҡа диндәр вәкилдәре лә юғары көскә ышанысын юғалтмаған.
Бөйөк Еңеү – һәр кемебеҙ өсөн ҙур шатлыҡ, уртаҡ ҡыуаныс. Уның емештәрен ҡәҙерләп һаҡлаһаҡсы, хөрмәтле ҡәрҙәштәр. Бер-бере­беҙгә иғтибарлы, ихтирамлы булһаҡ, янъялға сәбәп эҙләп йөрөмәйенсә, татыу йәшәргә ты­рышһаҡ, изгелек итһәк, иншаллаһ, именлектең тамыры нығыныр, тармаҡланыуын дауам итер. Шул уҡ ваҡытта Бөйөк Ватан һуғышы яугирҙә­ренең, тыл хеҙмәтсәндәренең ҡаһарманлығын онотмайыҡ. Уларҙың фиҙакәрлеге – илһөйәр­лектең иң ҙур өлгөһө. Ә Тыуған илде һөйөү – халҡыңдың, төйәгеңдең бөгөнгөһө һәм киләсәге өсөн үҙ өлөшөңдө индереү ул. Һуғыш йылдарын үткән быуын вәкилдәре, ошо бурысын юғары кимәлдә үтәп, илебеҙ именлегенә нигеҙ һалды.
Ҡыҙғанысҡа ҡаршы, Еңеү яулаған вете­рандарыбыҙ йылдан-йыл кәмей. Улар йәмғиәт тарафынан да, власть яғынан тейешле ҡәҙер-хөрмәт күреп йәшәргә хаҡлы. “Кем дә кем балаларға, йәштәргә мәрхәмәтле түгел, шулай уҡ өлкән йәштәгеләргә иғтибар бүлмәй икән, минең өммәтемдән булмаҫ”, – тигән Мөхәммәт ғәләйһис-сәләм. Пәйғәмбәребеҙҙең “Мосол­ман­дың ҡулынан да, теленән дә һис кем зыян күр­мәҫ” тигән хәҙисен дә күңелдән сығар­майынса, Аллаһ Тәғәлә тарафынан бер тапҡыр ғына бирелгән ғүмерен илгә именлек яулауға бағыш­лаған өлкән быуын вәкилдәрен онот­майыҡ, иҫәндәренең ҡәҙерен беләйек, хөрмәтле ҡәр­ҙәштәр. Әйткәндәй, Башҡортостан мосол­ман­дарының Диниә назаратында бөгөн йома намаҙынан һуң уҡылып Ҡөрьән, Бөйөк Ватан һуғышында ҡатнашҡан барлыҡ ҡаһар­ман­дарыбыҙҙың рухына бағышлап, иҫәндәренә – һаулыҡ, илгә именлек теләп доға ҡыла. Мөфтиәттең фарманы буйынса бындай ғибәҙәт республиканың барлыҡ мәхәлләләрендә лә ҡылы­на. Баҡыйлыҡҡа күскән ҡаһар­ман­дарыбыҙ­ҙың рухы яҡты, әле арабыҙҙа йәшәгән вете­рандарыбыҙҙың сәләмәтлеге ныҡлы, күңеле бөтөн булһын, иншаллаһ. Әс-сәләмү-ғәләйкүм үә рәхмәтул-лаһи үә бәрәкәтүһ! Амин.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 162

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 153

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 276

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 273

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 758

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 370

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 362

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 444

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 310

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 299

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 265

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 516