Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бәхет – йортоңдоң күркәмлегендә
Бәхет – йортоңдоң күркәмлегендә – Йорт төҙөй башлағанда уның нигеҙенә Ҡөрьән сүрәләре яҙып һалған кешеләр бар. Был дөрөҫмө, Нурмөхәмәт хәҙрәт?

Индира ФӘТҠУЛЛИНА.
Нефтекама ҡалаһы.

Башҡортостан мосолмандарының Диниә назараты рәйесе мөфтөй Нурмөхәмәт хәҙрәт НИҒМӘТУЛЛИН:

– Әл-хәмдү лил-ләһ, йорт төҙөү, бала­ларҙы иркен, уңайлы шарттарҙа тәрбиәләү – Исламдың бөйөк тәғлимәттәренең береһе. “Әҙәм бала­һының бәхете – өйө­нөң күркәм, яҡты бу­лыуында”, – тигән пәйғәмбәребеҙ Мөхәммәт ғәләйһис-сәләм дә үҙенең мө­бәрәк хәҙисендә.
Йортҡа нигеҙ һалған ваҡытта Ҡөрьән уҡып, доға ҡылдырыу – мосолман донъя­һында борон-борондан килгән күркәм ғәҙәт. Ошолай Аллаһ Тәғәләнең ризалығын, рәх­мәтен алып башланған тормош, иншаллаһ, нурлы, бәрәкәтле булыр, ғаилә имен, тыныс, татыу ғүмер итер.
”Йортоғоҙҙо намаҙ һәм Ҡөрьән менән нурландырып тороғоҙ”, – тигән Пәйғәмбәребеҙ үҙенең мөбәрәк хәҙисендә. Тимәк, нигеҙгә генә түгел, бәлки, әҙер өйгә лә даими аят уҡытыу – Мөхәммәт ғәләйһис-сәләмдең сөн­нәте, әҙәм балаларына күрһәткән күркәм үрнәге.
Ҡайһы ғына урында туҡталһа ла, Пәй­ғәмбәребеҙ: “Эй, Раббым, хәйерле урынға индерһәң ине”, – тип доға уҡыр булған. Бындай теләкте заманында Нух ғәләйһис-сәләм дә йыш әйткән. Бер мәл ул, кәмәлә саҡта туфан күтәрелгәс, шул доғаны уҡый. Теләк бәрәкәтендә Джуди тауы янына килеп туҡталалар. Кәмәләге йәнлектәр, иманлы әҙәм балалары төшөп, ерҙә йәнә тормош башлана.
Миңә мөрәжәғәт иткән ҡәрҙәшебеҙҙең һорауына килгәндә, ҡайһы бер кешеләрҙең йорт нигеҙенә Ҡөрьән сүрәләре яҙып һалы­уының һис тә зарары юҡ. Изге теләкте Аллаһ ҡабул ҡылып, өйҙө нурландырһын, иншал­лаһ.
Әл-хәмдү лил-ләһ, хәҙер йорттарҙы ҡуп­шы, уңайлы итеп төҙөү йәһәтенән ҙур мөмкинлектәр бар. Төрлө кәрәк-яраҡ күпләп һатыла, Ҡөрьән уҡыу өсөн муллалар ҙа, Аллаға шөкөр, байтаҡ. Иң мөһиме – өйҙәребеҙ нурлы булһын, унда бала-саға тауышы яңғырап торһон, эргәһендә, күҙҙе иркәләп, ағастар, сәскәләр, емеш-еләк үҫ­һен. Йортҡа мотлаҡ ҡояш төшөргә тейеш. Бының айырым хикмәте бар: тәбиғәт нуры йылытмаған ерҙә гөл дә йүнләп үҫмәй бит.
Ихатаһы булған үҙ йортоңда йәшәү – ҙур бәрәкәт. Унда балалар ҙа эшкә өйрәнеп, күркәм тәрбиә алып үҫә. Атанан күргән уҡ юнған тигәндәй, ошондай шарттарҙа буй еткергән уландар киләсәктә үҙҙәре лә күркәм йорттар төҙөп, ғаиләһен уңайлылыҡта йәшәтер. Шул уҡ ваҡытта, хөрмәтле ҡәр­ҙәштәр, өй һалғанда йәштәрҙең өлкәндәр менән кәңәшләшеүе, фекер алышыуы мө­һим. Ҡул, һүҙ көсө аша күмәкләп баш­ҡарылған хеҙмәт бәрәкәтле, ҡәҙерле булыр.
Аллаһ Тәғәлә һәр йортта Ҡөрьән уҡытып торорға насип әйләһен, уларҙа гелән тыныслыҡ, татыулыҡ хөкөм һөрһөн, бер-бер артлы сабыйҙар донъяға килеп, нурҙы тағы ла арттырһын, иншаллаһ. Әс-сәләмү-ғәләйкүм үә рәхмәтул-лаһи үә бәрәкәтүһ!
Амин.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 466

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 381

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 472

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 274

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 892

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 473

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 568

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 720

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 369

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 326

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 333

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 598