Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Хеҙмәт кешеһен тире кипмәҫ борон риза ит
— Ауылыбыҙҙа бер нисә йүнсел бар. Уларҙың икәүһе дин тота. Ислам ҡанундары буйынса мосолманға үҙ эшен булдырырға рөхсәт ителәме, Нурмөхәмәт хәҙрәт? Әгәр ҙә мөмкин икән, ул хеҙмәткәрҙәренә ҡарата ғәҙел булырға тейештер бит?

Р. ЗАМАНОВА.
Баймаҡ районы.

Хеҙмәт кешеһен тире кипмәҫ борон риза ит Башҡортостан мосолмандарының
Диниә назараты рәйесе мөфтөй Нурмөхәмәт хәҙрәт НИҒМӘТУЛЛИН:

— Бисмилләһир-рахмәнир-рахим!
Ислам — хеҙмәт дине. Ә иң тәүге ер һөрөүсе, иген үҫтереүсе, мал-тыуар ҡараусы, ауыл хужалығына нигеҙ һалыусы, ҡорамал эшләүсе, бураҙна ярыусы атабыҙ Әҙәм ғәләйһис-сәләм булған. Аллаһ Тәғәлә шулай уҡ һәр пәйғәмбәргә айырым һөнәр биргән.
“Эшләгеҙ, башҡарған изге ғәмәлдәрегеҙгә Хоҙай бәрәкәт бирер”, — тиелгән “Ҡөрьән”дә. Мәҫәлән, иген сәсһәң, Аллаһ Тәғәлә уны үҫтерә, бер бойҙайҙы меңләтә арттырып бирә. Тырышып мал-тыуар ҡарайһың икән, уны ла ишәйтә. Пәйғәмбәребеҙ Мөхәммәт ғәләйһис-сәләм ошо хәҡиҡәтте үҙ тормошо аша күрһәтеп, хеҙмәткә әйҙәп йәшәгән.
“Фәҡирлек динһеҙлеккә яҡын”, — тигән ул бер хәҙистә. Әҙәм балаһы үҙ тормошон да алып бара алмай, ғаиләһен ҡарарға ла көсө етмәй икән, бында ниндәй бәрәкәт булһын? Пәйғәмбәребеҙҙең Аллаһ Тәғәләнең иманлы һәм һөнәрле бәндәһен һөйөүе хаҡында һүҙҙәрен иҫебеҙҙән сығармайыҡ, хөрмәтле ҡәрҙәштәр.
Бер ваҡыт Мөхәммәт ғәләйһис-сәләмгә йәш кеше килә лә: “Йә, Рәсүлуллаһ, ярҙам ит”, — тип мөрәжәғәт итә. “Ауырыйһыңмы, әллә көсөң юҡмы?” — тип һорай Пәйғәмбәребеҙ. “Барыһы ла яҡшы, тик мөмкинлегем юҡ”, — ти егет. Яуап урынына Мөхәммәт ғәләйһис-сәләм уға балта һатып алып, һаплап биргән. “Ошоноң менән утын ҡырҡып алып кил дә халыҡҡа һат, — тигән. — Бер аҙнанан хәлеңде килеп һөйләрһең”. Егет билдәләнгән ваҡытҡа килә, усында — алтын аҡса, ти...
“Ярҙам ниәтендә кешегә балыҡ бирергә түгел, ә ҡармаҡ тотторорға кәрәк”, “Алған ҡулдан биргәне хәйерлерәк” тигән һүҙҙәр ҙә ерле юҡтан барлыҡҡа килмәгән, хөрмәтле ҡәрҙәштәр. Исламда һөнәр өйрәнеү, ныҡыш булыу, бер-береңә ярҙам итеү, хеҙмәтең емешенән мохтаждарға өлөш сығарыу талабы юғары тора. Был — мосолман өсөн иң ҙур дәрәжә. Әлеге һорауҙа әйтелгәнсә, ауылдарҙа кәсепселек үҫеш алғанлыҡтан, йүнселгә ялланып эшләгәндәр ҙә күп. Ошо йәһәттән Пәйғәмбәребеҙҙең “Хеҙмәтсенең тире киберҙән алда уның ризалығын ал, йәғни эш хаҡын бир” тигәнен дә онотоп ебәрмәһәк ине. Һәр ерҙә ғәҙеллек булырға тейеш. Икенсе кешенең өлөшөнә керһәң, уны рәнйетһәң, табылған аҡсаның бәрәкәте булмаясаҡ. “Ике кеше ғәҙел эш алып барһа, Аллаһ Тәғәлә уларҙың өсөнсөһө булыр”, — тигән Мөхәммәт ғәләйһис-сәләм бер мөбәрәк хәҙисендә. Әгәр ҙә инде тура юлдан ситкә тайпылһалар, араға шайтан инәсәк. Ошо хәҡиҡәтте хәтерҙән сығармайынса, тапҡан малды ғәҙел бүлеп эшләргә яҙһын, хөрмәтле ҡәрҙәштәр. Аллаһ Тәғәлә һәммәбеҙгә лә тырыш, ныҡышмал булырға, балаларыбыҙҙы хеҙмәт һөйөргә өйрәтеп үҫтерергә, тормош көтөргә ашҡынған ҡәрҙәшебеҙгә ярҙам күрһәтергә, уның янына тупланырға, бер-беребеҙ араһында көнсөллөккә юл асмаҫҡа, күркәм мөнәсәбәттә ғүмер итергә насип ҡылһын, иншаллаһ. Әс-сәләмү-ғәләйкүм үә рәхмәтул-лаһи үә бәрәкәтүһ! Амин.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 466

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 381

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 472

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 275

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 892

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 473

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 568

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 722

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 369

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 327

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 333

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 599