Өфөлә барған Рәсәй сәнәғәт форумында Башҡортостан Башлығы вазифаһын ваҡытлыса башҡарыусы Радий Хәбиров республиканың ҙур сәнәғәт предприятиелары етәкселәре менән осрашты. – Республика етәкселегенең ҙур сәнәғәт предприятиелары мөнәсәбәтендәге яңы ысул барлыҡҡа киләсәк – ул “Сәнәғәт сәғәте” тип аталыр йәки бығаса булған “Инвестсәғәт” киңәйтелер, – тине Радий Фәрит улы. – Бөтә был саралар республикала эшҡыуарлыҡты үҫтереү өсөн уңай мөхит тыуҙырырға мөмкинлек бирәсәк. Шуға күрә ҡатмарлы мәсьәләләрҙе тиҙерәк хәл итеү өсөн предприятиелар етәкселәренә минең кеҫә телефонын яҙып алырға тәҡдим итәм.