Баҡалылар торлаҡ-коммуналь хужалыҡ өлкәһендә һәр кемде борсоған мәсьәләләрҙе хәл итеү өсөн яңы форматтағы фекер алышыу майҙансығын булдырҙы.

“Управдом” форумында власть вәкилдәре һәм профилле ойошмалар халыҡтан килгән киҫкен һорауҙарҙы хәл итәсәк, сәбәптәрен асыҡлаясаҡ, тәжрибә уртаҡлашасаҡ. Һәр ерҙәге кеүек, Баҡалы районында йорттарҙы тәртиптә тотоу, ихаталарҙы төҙөкләндереү, ресурстар өсөн түләү, сүп-сар йыйыу буйынса хәл итәһе мәсьәләләр етерлек.

“Управдом”дың тәүге форумына баҡалылар ҙур өмөт һәм ышаныс бағлай.