Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Дуҫлыҡ ҡәҙерен беләбеҙ
Дуҫлыҡ ҡәҙерен беләбеҙРеспублика йортонда Башҡортостан Башлығы Рөстәм Хәмитов йыл башында тәғәйенләнгән Вьетнам Социалистик Республикаһының Рәсәй Федерацияһындағы Ғәҙәттән тыш һәм тулы хоҡуҡлы илсеһе Нго Дык Мань менән осрашты. Яҡтар сәнәғәт, сауҙа-иҡтисади, фән һәм мәҙәниәт өлкәләрендә хеҙмәттәшлек мәсьәләләрен тикшерҙе.


— Илдәребеҙ халыҡтары араһындағы дуҫлыҡтың ҡәҙерен беләбеҙ, Советтар Союзы менән Вьетнам араһындағы мөнәсәбәттәр тарихын ихтирам итәбеҙ, — тине Рөстәм Хәмитов. — Бөгөн Рәсәй — Вьетнам хеҙмәттәшлегенә стратегик партнерлыҡ үҙенсәлектәре хас. 2019 йыл Вьетнамда — Рәсәй, ә Рәсәйҙә Вьетнам йылы тип иғлан ителде.
Төбәк етәксеһе әйтеүенсә, һуңғы йылдарҙа Башҡортостан менән Вьетнам араһындағы мөнәсәбәттәр нығый, үҫә. Бариа-Вунгтау провинцияһы менән хеҙмәттәшлек тураһындағы килешеүгә ҡул ҡуйылды. Былтыр йыл башында Башҡортостан делегацияһы Вьетнамға сәфәр ҡылды.
— Ҙур TH Group корпорацияһы менән мәнфәғәттәребеҙ уртаҡ. Ул республикабыҙҙа һөтсөлөк комплекстары төҙөргә ниәтләй, — тине Рөстәм Зәки улы. — Беҙгә Евразия иҡтисади союзы менән Вьетнам араһындағы ирекле сауҙа тураһындағы килешеү мөмкинлектәрен файҙаланырға кәрәк. Әлбиттә, үҙ-ара сауҙала ҡатнашыусылар өсөн ул асҡан өҫтөнлөктәрҙе киңерәк ҡулланыу шарт.
Республика Башлығы яҡын киләсәктә Башҡортостанда үтәсәк ҙур халыҡ-ара саралар тураһында һөйләне һәм Вьетнам делегацияһын унда ҡатнашырға саҡырҙы.
— Башҡортостан — мин илсе сифатында килгән Рәсәйҙең тәүге төбәге, — тине Нго Дык Мань. — Вьетнам менән Рәсәй — мөнәсәбәттәрендә ҙур үҫеш ҡеүәте тупланыуы тураһындағы фекерегеҙ менән тулыһынса килешәм. Шуға күрә барлыҡҡа килгән яҡшы бәйләнештәрҙе яңы кимәлгә күтәреү йәһәтенән бергәләп эшләргә тейешбеҙ. Хеҙмәттәшлекте нығытыу өсөн мөмкинлектәр бар. Вьетнамдың TH Group корпорацияһының бында күләмле инвестиция проекттарын тормошҡа ашыра башлауы үҙе үк республикала беҙҙең эшҡыуарҙар өсөн яҡшы шарттар булдырылыуы хаҡында һөйләй.
Илсе билдәләүенсә, әле Башҡортостан менән Бариа-Вунгтау провинцияһы араһында аныҡ хеҙмәттәшлек планы төҙөлә. Провинция делегацияһының быйыл республикаға килеүе лә ихтимал.
— Һеҙ бында йәшәгән Вьетнам граждандарына булышлыҡ итәһегеҙ. Белеүегеҙсә, улар ҡасандыр студент, эшсе сифатында килгән. Советтар Союзы тарҡалғас, ошонда төпләнгән, — тине Нго Дык Мань. — Уларҙың күптәре Рәсәй гражданына әүерелеп, урындағы иҡтисадты үҫтереүҙә әүҙем ҡатнаша. Ошоноң өсөн шәхсән Һеҙгә һәм республика Хөкүмәтенә ҙур рәхмәт. Минеңсә, был дәүләттәребеҙ араһындағы мөнәсәбәттәрҙе нығытыу өсөн үҙенсәлекле күпер буласаҡ.
Әйткәндәй, Башҡортостан менән Вьетнам араһындағы тышҡы сауҙа тауар әйләнешенең иң ҙур күләменә 2015 йылда өлгәшелгән. Ул 15,1 миллион доллар тәшкил итә. Шул уҡ ваҡытта был күләмдең төп өлөшө экспортҡа тура килә.
Башҡортостан биләмәһендә Вьетнам капиталы ҡатнашлығында ойошторолған һәм туризм, йәмәғәт туҡланыуы, аҙыҡ-түлек етештереү, сауҙа өлкәһендә эшләгән биш предприятие бар.


Автор: А. ХӘЛИЛОВ.


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Орлоҡ эшкәртергә, ашлама етештерергә...

Орлоҡ эшкәртергә, ашлама етештерергә... 29.03.2019 // Иҡтисад

Шишмә районы хакимиәтендә “Инвестиция сәғәте” тәртибендә эшҡыуарҙар менән осрашыу булды. Унда ике...

Тотош уҡырға 1 361

Һабантуйға килегеҙ!

Һабантуйға килегеҙ! 29.03.2019 // Иҡтисад

Башҡортостан Башлығы вазифаһын ваҡытлыса башҡарыусы Радий Хәбиров 14 – 15 июндә “Урал аръяғы-2019”...

Тотош уҡырға 1 246

"Файҙаһы ҙур буласаҡ"

"Файҙаһы ҙур буласаҡ" 28.03.2019 // Иҡтисад

Был сараның файҙаһы, һис шикһеҙ, ҙур буласаҡ. Шундай фекергә килде тәүге “Инвестиция сәғәте”ндә үк...

Тотош уҡырға 1 315

Баҡалылар ниндәй маҡсат менән яна?

Баҡалылар ниндәй маҡсат менән яна? 28.03.2019 // Иҡтисад

Баҡалы районында үткән “Инвестиция сәғәте”ндә ауыл хужалығына бәйле проекттар ҡаралды....

Тотош уҡырға 1 268

Тәү сиратта – урман мәсьәләһе

Тәү сиратта – урман мәсьәләһе 28.03.2019 // Иҡтисад

Йылайырҙа ла “Инвестиция сәғәте” үтте. Унда район хакимиәте башлығы Илгиз Фәтҡуллин, Эшҡыуарлыҡ һәм...

Тотош уҡырға 1 339

Кәңәшле эш тарҡалмаҫ

Кәңәшле эш тарҡалмаҫ 28.03.2019 // Иҡтисад

Бәләкәй һәм урта эшҡыуарлыҡ менән шөғөлләнгәндәр, үҙ кәсебенә яңы тотонғандар, ситтән килгән...

Тотош уҡырға 1 341

Һәр яҡлап ярҙам күрһәтеләсәк

Һәр яҡлап ярҙам күрһәтеләсәк 28.03.2019 // Иҡтисад

Бөгөн Учалы районы хакимиәтендә муниципаль "Инвестиция сәғәте" үтте....

Тотош уҡырға 1 321

Сибайҙа - “Инвестиция сәғәте”

Сибайҙа - “Инвестиция сәғәте” 28.03.2019 // Иҡтисад

Билдәле булыуынса, республика Башлығы вазифаһын ваҡытлыса башҡарыусы Радий Хәбиров ҡала һәм район...

Тотош уҡырға 1 302

Аныҡ һөҙөмтә күренә башланы

Аныҡ һөҙөмтә күренә башланы 28.03.2019 // Иҡтисад

Бөгөн Кушнаренкола өсөнсө тапҡыр “Инвестиция сәғәте” ултырышы үтте....

Тотош уҡырға 1 240

Яҡшы шарттар тыуҙырылған

Яҡшы шарттар тыуҙырылған 27.03.2019 // Иҡтисад

“Башҡортостанда уңайлы инвестиция шарттары тыуҙырылған. Республикағыҙ Австрия компаниялары һәм...

Тотош уҡырға 1 196

Черниковка кварталдары яңырырмы?

Черниковка кварталдары яңырырмы? 25.03.2019 // Иҡтисад

Бөгөн Башҡортостан Башлығы вазифаһын ваҡытлыса башҡарыусы Радий Хәбиров етәкселегендә үткән...

Тотош уҡырға 1 252

Башлыҡтан башҡа бер кем дә түгел...

Башлыҡтан башҡа бер кем дә түгел... 25.03.2019 // Иҡтисад

— 28 марттан республиканың барлыҡ муниципалитеттары ла “Инвестиция сәғәт”тәре үткәрә башлаясаҡ....

Тотош уҡырға 1 090