Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Заря”ла таңдар иртә ата...
“Заря”ла таңдар иртә ата...Башҡортостандың атҡаҙанған ауыл хужалығы хеҙмәткәре Зәбир Ғилемханов етәкселегендәге “Заря” ауыл хужалығы кооперативы эшсәндәре бөгөн яуаплы ла, мәшәҡәтле лә мал ҡышлатыу миҙгелен ойошҡан алып бара. Шөкөр, мал аҙығы етерлек әҙерләнгән: бесән-һалам мул бирелә, силос-сенаж соҡорҙары тулы, мал фураждан өҙөлмәй.
Йәмғиәттең ҡара-сыбар тоҡомло 1474 баш һыйыр малы заманса механизацияланған биналарҙа тотола, бында күптән ҡул көсө ҡулланмайҙар. Йәй яҡшы ғына ремонт та яһалған, ялан кәртәләр уратып алынған, яңы тыуған быҙауҙарға айырым йылы бүлмәләр булдырылған. Бында эшкә килеүселәрҙең күбеһе оҙаҡҡа ҡала, китеүселәр юҡ, сөнки хеҙмәт хаҡы ваҡытында түләнә, шәхси ихатаһында мал аҫраусыларға бушлай аҙыҡ бирелә.
Әле хужалыҡтың 300 һауын һыйыры бар. Йәмғиәттә йыл әйләнәһенә үрсем алалар, ғинуарҙа ғына 70-кә яҡын һыйыр быҙаулаған. Хужалыҡта мал һанын кәметеүгә юл ҡуйылмай, тоҡомдо яңыртыу маҡсатында тана һатып алалар. Йыл әйләнәһенә йәмғиәт 50 башҡа яҡын һыйыр малы һата. Дәүләткә көнөнә биш тоннанан ашыу һөт ебәрелә, продукция Саҡмағош май заводына оҙатыла. Малдарҙың алдынан аҙыҡ өҙөлмәгәс, төрләндереп тә бирелгәс, көндәлек тулайым һауым арта.
“Заря”ла таңдар иртә ата...– Малсыларҙың күңеле күтәренке. Тәртип боҙоуҙар юҡ, һүлпәнлек күҙәтелмәй, – ти хужалыҡ рәйесе Зәбир Фәнил улы Ғилемханов. – Беҙҙә ололар менән бер рәттән егет һәм ҡыҙҙар ҙа тырышып, хатта ярышып эшләй. Һуңғы йылдарҙа эш һорап килеүселәр араһында йәштәрҙе күреүе үтә лә ҡыуаныслы.
Ысынлап та, йәмғиәттә яҙмышын малсылыҡ менән бәйләүселәр бихисап, оло малсыларға алмаш үҫә, киләсәктә эшселәргә ҡытлыҡ булмаясаҡ. Башҡортостан дәүләт аграр университетын 2010 йылда тамамлаған Ильяс Йосопов әле баш зоотехник вазифаһын башҡара. Һауынсылар, быҙау ҡараусылар һәм көтөүселәр араһында ла йәштәр етерлек. “Ауылға эшкә ҡайтыуыма үкенмәйем, хеҙмәт хаҡы юғары – 20 мең һум тирәһе. Йәш белгестәргә иғтибар бар, шарттар булдырылған, тырышырға ғына кәрәк”, – ти Ильяс Йосопов.
Йәйен-көҙөн комбайнда, ә ҡышын малсы булып эшләгән 25 йәшлек Руслан Латипов – хужалыҡтың алдынғыһы. Ул ғаиләһе менән Саҡмағош ауылында йәшәй, ике ҡатлы йорт һалып ингән, сит ил машинаһында елдерә. “Бөтмөр, тырыш егеттәрҙе ихтирам итәбеҙ, ябай көтөүсенең етеш йәшәүенә һоҡланабыҙ”, – ти йәмғиәт рәйесе Зәбир Фәнил улы.
Йылҡысылыҡ тармағы ла бар хужалыҡтың, башҡорт атын үрсетәләр. Бөгөн 98 баш йылҡы аҫрала. Киләсәктә тоҡомло йылҡысылыҡ заводы булдырыу хыялы менән йәшәйҙәр. Үрсем алыу эше лә яҡшы ҡуйылған.
Бында үҙ эшенең оҫталары йыйылған, һәр кем фиҙаҡәр хеҙмәт күрһәтә. Һауынсылар Тәслимә Ғарифуллина, Люциә Хәйруллина, Рәмилә Ғәзизова былтыр һәр һыйырҙан 7 мең килограмм һөт һауып алған. Малсылар Фәһим Ғилемханов, Мөнир Латипов һәм Бәхтийәр Яҡуповтың хеҙмәте лә маҡтауға лайыҡ.
Самат ҒӘЛИН
Саҡмағош районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Информация о принятом Законе Республики Башкортостан от 5 июня 2019 года № 107-з «Об исполнении бюджета Республики Башкортостан за 2018 год»
Орлоҡ эшкәртергә, ашлама етештерергә...

Орлоҡ эшкәртергә, ашлама етештерергә... 29.03.2019 // Иҡтисад

Шишмә районы хакимиәтендә “Инвестиция сәғәте” тәртибендә эшҡыуарҙар менән осрашыу булды. Унда ике...

Тотош уҡырға 305

Һабантуйға килегеҙ!

Һабантуйға килегеҙ! 29.03.2019 // Иҡтисад

Башҡортостан Башлығы вазифаһын ваҡытлыса башҡарыусы Радий Хәбиров 14 – 15 июндә “Урал аръяғы-2019”...

Тотош уҡырға 253

"Файҙаһы ҙур буласаҡ"

"Файҙаһы ҙур буласаҡ" 28.03.2019 // Иҡтисад

Был сараның файҙаһы, һис шикһеҙ, ҙур буласаҡ. Шундай фекергә килде тәүге “Инвестиция сәғәте”ндә үк...

Тотош уҡырға 288

Баҡалылар ниндәй маҡсат менән яна?

Баҡалылар ниндәй маҡсат менән яна? 28.03.2019 // Иҡтисад

Баҡалы районында үткән “Инвестиция сәғәте”ндә ауыл хужалығына бәйле проекттар ҡаралды....

Тотош уҡырға 270

Тәү сиратта – урман мәсьәләһе

Тәү сиратта – урман мәсьәләһе 28.03.2019 // Иҡтисад

Йылайырҙа ла “Инвестиция сәғәте” үтте. Унда район хакимиәте башлығы Илгиз Фәтҡуллин, Эшҡыуарлыҡ һәм...

Тотош уҡырға 294

Кәңәшле эш тарҡалмаҫ

Кәңәшле эш тарҡалмаҫ 28.03.2019 // Иҡтисад

Бәләкәй һәм урта эшҡыуарлыҡ менән шөғөлләнгәндәр, үҙ кәсебенә яңы тотонғандар, ситтән килгән...

Тотош уҡырға 307

Һәр яҡлап ярҙам күрһәтеләсәк

Һәр яҡлап ярҙам күрһәтеләсәк 28.03.2019 // Иҡтисад

Бөгөн Учалы районы хакимиәтендә муниципаль "Инвестиция сәғәте" үтте....

Тотош уҡырға 342

Сибайҙа - “Инвестиция сәғәте”

Сибайҙа - “Инвестиция сәғәте” 28.03.2019 // Иҡтисад

Билдәле булыуынса, республика Башлығы вазифаһын ваҡытлыса башҡарыусы Радий Хәбиров ҡала һәм район...

Тотош уҡырға 279

Аныҡ һөҙөмтә күренә башланы

Аныҡ һөҙөмтә күренә башланы 28.03.2019 // Иҡтисад

Бөгөн Кушнаренкола өсөнсө тапҡыр “Инвестиция сәғәте” ултырышы үтте....

Тотош уҡырға 279

Яҡшы шарттар тыуҙырылған

Яҡшы шарттар тыуҙырылған 27.03.2019 // Иҡтисад

“Башҡортостанда уңайлы инвестиция шарттары тыуҙырылған. Республикағыҙ Австрия компаниялары һәм...

Тотош уҡырға 228

Черниковка кварталдары яңырырмы?

Черниковка кварталдары яңырырмы? 25.03.2019 // Иҡтисад

Бөгөн Башҡортостан Башлығы вазифаһын ваҡытлыса башҡарыусы Радий Хәбиров етәкселегендә үткән...

Тотош уҡырға 337