Экологик именлек – һау киләсәк нигеҙе10.03.2017
Зәки Вәлиди исемендәге Милли китапхана “Ер. Тәбиғәт. Киләсәк” исемле күргәҙмәгә саҡыра. Ул Рәсәйҙә һәм Башҡортостанда иғлан ителгән Экология йылы сиктәрендә ойошторолған.
Күргәҙмәлә ҡурсаулыҡ­тарҙы һаҡлау, климаттың үҙгәреүе, кеше битарафлығы тураһында рус һәм башҡорт телдәрендә ғилми һәм фән­ни-популяр баҫма әсбаптар урын алған.
– Экологик хәүефһеҙлек – XXI быуаттың иң сетерекле мәсьәләләренең береһе. Тотороҡло үҫеште тәьмин иткән биләмәләрҙең экологик именлеге – киләсәк өсөн мөһим тәүшарттарҙың бере­һе. Ваҡытында тормошҡа ашырылған тәбиғәтте һаҡлау саралары илдең тәбиғи байлығын һәм бөтөнлөгөн һаҡларға ярҙам итәсәк, – ти китапхананың ваҡытлы матбуғат бүлеге мөдире Илвера Мөслимова.
Экология йылына бағышланған йыл дауамында эшләйәсәк күргәҙмәләр циклы өфөләрҙе һәм баш ҡала ҡунаҡтарын көтә.



Вернуться назад