Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Рөстәм ХӘМИТОВ: “Ер-һыуыбыҙҙы һаҡлау өсөн вәкәләттәр кәрәк”
Майҙаны ил биләмәһенең ни бары 6 процентын тәшкил итеүгә ҡарамаҫтан, Волга буйы федераль округына атмосфераны бысратыуҙың дөйөм Рәсәй күләменән 20 процент самаһы тура килә. Был беҙҙә сәнәғәт объекттарының күпләп урынлашыуына бәйле.

Хәбәр итеүебеҙсә, Рәсәй Президентының Волга буйы федераль округындағы тулы хоҡуҡлы вәкиле ҡарамағындағы Совет ултырышында Башҡортостан Президенты Рөстәм Хәмитов тирә-яҡ мөхитте һаҡлау һәм урман хужалығын үҫтереү мәсьәләләренә арналған доклад тәҡдим итте.
— Беҙҙең округ илдә нефть эшкәртеү, калийлы ашламалар етештереү буйынса беренсе урында бара, — тине Рөстәм Хәмитов. — Нефть һәм тәбиғи газ сығарыу йәһәтенән — икенсе урындабыҙ. Округ минераль ашламалар, синтетик ыҫмалалар, пластмасса, шина, каустик сода сығарыу буйынса ла алдынғылар иҫәбендә. Быларҙың барыһы ла экологик хәлде ҡатмарлаштыра.
Башҡортостан башлығы округта тәбиғәтте һаҡлау йәһәтенән төп дүрт проблеманы — атмосфера һауаһын һәм һыу объекттарын бысратыуҙың юғары кимәлен, экологик зыянлы объекттарҙың күплеген, етештереү, ҡулланыу ҡалдыҡтарын йыйыуҙы, һаҡлауҙы һәм утилләштереүҙе ойоштороуға бәйле ҡыйынлыҡтарҙы, шулай уҡ урман ресурстарының һөҙөмтәһеҙ файҙаланылыуын билдәләне.
Рөстәм Хәмитов әйтеүенсә, Волга буйы федераль округы төбәктәрендә атмосфера һауаһына бысраҡ матдәләр сығарыу күләме былтыр 5 миллион тоннанан артып киткән. Уларҙың төп сығанаҡтары — сәнәғәт предприятиелары һәм транспорт. Транспорттың кире йоғонтоһон кәметеү өсөн уны газ яғыулығына әүҙемерәк күсереү мөһим тигән фекерҙә Рөстәм Хәмитов. Был турала күптән һүҙ алып барылһа ла, әлегә ысын, йылдам ойоштороу эше башҡарылмай, автомобиль транспортының аҙ ғына өлөшө газға күсерелгән.
Икенсе проблема — бысраҡ һыуҙы таҙартмайынса ағыҙыу. Волга буйы федераль округында уның йыллыҡ күләме 3 миллион кубометрҙан ашыу тәшкил итә. Рөстәм Хәмитов әйтеүенсә, яңы таҙартыу ҡорамалдарын, һыу ағыҙыу канализацияларын төҙөү, ғәмәлдәгеләрен яңыртыу кәрәк, ә иң мөһиме — бысраҡ һыуҙы йылғаларға төшөрмәү.
Етештереү һәм ҡулланыу ҡалдыҡтарын йыйыу, эшкәртеү бурысын дәүләт-шәхси партнерлыҡ ярҙамында тормошҡа ашырырға кәрәк тигән фекерҙә Рөстәм Хәмитов.
— Беҙ ҡалдыҡтарҙы эшкәртеү буйынса бизнес ойошторорға, уға һалым ташламалары бирергә, административ ҡаршылыҡтарҙы бөтөрөргә тейешбеҙ. Иң мөһиме — ул беҙ йәшәгән биләмәне тәртиптә тотһон, — тине Башҡортостан Президенты.
Волга буйы федераль округында экологик зыянлы 65 объект бар. Нигеҙҙә, милексеһеҙ ҡалған элекке сәнәғәт производстволары улар. Республика Президенты билдәләүенсә, бындай территорияларҙы санакциялау күп сығым талап итә, ә төбәктәрҙең аҡсаһы артып бармай, тейешле федераль программаны ҡабул итеү иһә ресурстар етмәү арҡаһында кисектерелә килә.
— Айырым маҡсатлы федераль программаны ҡабул итеүҙе тиҙләтеү шарт, — тине төбәк етәксеһе. — Тупланған экологик зыян төшөнсәһен закондар менән нығытырға кәрәк. Бынан тыш, төбәктәргә экологик контроль йәһәтенән өҫтәмә вәкәләттәр бирелергә тейеш. Йәшәйешебеҙҙе тәьмин итеү мәсьәләләрен Мәскәүҙә, федераль структурала ҡарарға ярамай. Беҙгә вәкәләттәр бирегеҙ, беҙ уларҙы тейешенсә файҙаланасаҡбыҙ.


Автор: А. ХӘЛИЛОВ.


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Баймаҡта – "Таҙа кесаҙна"

Баймаҡта – "Таҙа кесаҙна" 29.03.2019 // Экология

Тирә-яҡ ҡарҙан әрселеп тә өлгөрмәне, ҡыш буйы йыйылған сүп-сар ҡалдыҡтары, ташланған шешә һауыттары...

Тотош уҡырға 1 456

Стаканһыҙ ҙа йәшәрбеҙ әле

Стаканһыҙ ҙа йәшәрбеҙ әле 28.03.2019 // Экология

Европа парламенты, 2021 йылға пластмассанан етештерелгән тиҫтәләгән предмет төрҙәренән баш тартыуҙы...

Тотош уҡырға 1 158

"Аныҡ, дөрөҫ мәғлүмәт бирелеренә ышанам"

"Аныҡ, дөрөҫ мәғлүмәт бирелеренә ышанам" 26.03.2019 // Экология

Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса совет...

Тотош уҡырға 1 097

Эш теүәл бара

Эш теүәл бара 14.03.2019 // Экология

Сибайҙа үткән көндәлек брифингта ҡалалағы экологик хәлгә ентекле баһа бирелде....

Тотош уҡырға 1 036

Урман яҙмышы Ҡариҙелдә хәл ителә

Урман яҙмышы Ҡариҙелдә хәл ителә 27.02.2019 // Экология

1 мартта Ҡариҙел районында Башҡортостан Башлығы вазифаһын ваҡытлыса башҡарыусы Радий Хәбиров...

Тотош уҡырға 1 092

Матурлығынан зыяны күберәк

Матурлығынан зыяны күберәк 26.02.2019 // Экология

Күршеләрҙә көҙөн сағыу һары төҫлө сәскә күреп ҡалдым. – Резеда апай, ҡайһылай матур сәскә, күсереп...

Тотош уҡырға 1 436

Урман “ашханалары”

Урман “ашханалары” 26.02.2019 // Экология

Республикалағы барлыҡ тәбиғәт ҡурсаулыҡтарында һәм заказниктарында ҡырағай йәнлектәрҙе ашатыу өсөн...

Тотош уҡырға 1 184

“Таҙа Танып”тың башында  кем тора?

“Таҙа Танып”тың башында кем тора? 26.02.2019 // Экология

Республикала гөрләп үткән “Таҙа Танып” акцияһы йомғаҡтарын Пермь крайының Чернушки ҡалаһында...

Тотош уҡырға 1 274

Һаҙлыҡтар һаҡҡа алынды

Һаҙлыҡтар һаҡҡа алынды 26.02.2019 // Экология

Улар тәбиғәт ҡомартҡыһы тип иғлан ителде....

Тотош уҡырға 1 292

Брифингта – һуңғы яңылыҡтар

Брифингта – һуңғы яңылыҡтар 25.02.2019 // Экология

Сибайҙа экологик хәлде яйға һалыу, һауаның торошо, ниҙәр башҡарылғаны хаҡында ҡала халҡына еткереп...

Тотош уҡырға 1 113

Таусылар именлеген хәстәрләп

Таусылар именлеген хәстәрләп 22.02.2019 // Экология

Сибай ҡалаһындағы экологик хәл “Ростехнадзор” хеҙмәткәрҙәрен дә борсомай ҡалманы. Бөгөн улар Учалы...

Тотош уҡырға 1 127

Экологик хәл тотороҡлана

Экологик хәл тотороҡлана 21.02.2019 // Экология

Был хаҡта бөгөн үткән брифингта хәбәр ителде: Сибайҙа көкөрт диоксидының миҡдары артыуы күҙәтелмәне....

Тотош уҡырға 1 211