Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Мин бирешә торғандарҙан түгел”

Йәш эшҡыуар Айнур Ғәзизов ошондай девиз менән йәшәй.

Була бит шундай кешеләр: бер ҡараш ташлау менән уның асылы, булмышы күренеп тора. Бөгөнгө геройыбыҙ менән дә уның фиғелен белеү өсөн саҡ ҡына аралашыу ҙа етте. Яндырай холоҡло, шартлап торған күркәм егет йәш эшҡыуар икән.

Айнур Ғәзизов – Учалы егете. Ул Килмәк ауылында тыуып үҫкән, туғыҙынсы класҡа тиклем шунда уҡыған. Тулы белемде Уральск мәктәбендә алғандан һуң, тау-байыҡтырыу техникумын уңышлы тамамлай. Ил алдын­дағы бурысын үтәүҙән дә ҡасып ҡалмай ул, армия сафында булып ҡайта. Хәрби хеҙмәттән һуң белем эстәүен, камиллашыуын туҡтатмай Айнур. Өфө дәүләт авиация техник университетына инеп, юғары белем ала.

Әле Айнурға 28 йәш. Йәш кенә булыуына ҡарамаҫтан, бик күп урында эшләп, төрлө ҡалаларҙа йәшәп ҡарарға өлгөргән. Учалы тау-байыҡтырыу компанияһында башлай ул хеҙмәт юлын. Егәрле, ныҡышмал, тырыш егеттең нисек эшләүен күрәләр, тиҙ генә карьера баҫҡысы буйлап үрләтәләр. Тик күңеле нимәлер башҡаны, күберәкте талап иткәс, егет унан китеп, Өфөлә, Мәскәүҙә эшләп, үҙен һынап ҡарай. Ҡайҙа ғына йөрөһә лә, юғары уңыштарға өлгәшә, етәксе вазифаларға күтәрелә.

– Бер нисә йыл төрлө урында йөрөп ҡарағандан һуң, шуны аңланым: минең кемгәлер түгел, ә үҙ-үҙемә эшләгем килә икән. Йүнсел булыу теләге бәләкәй саҡтан бар ине, ул үҫкән һайын яйлап артты һәм нығынды ғына, – ти ул.

Егеттең эшҡыуарлыҡтағы юлы 2016 йылда велосипедтарҙан башлана. Иң тәүҙә икәүҙе һатып ала һәм балалар, үҫмерҙәр күпләп йөрөгән паркта уларҙы прокатҡа тапшыра башлай. Улының тырышлығын, юғарыраҡ һөҙөмтәләргә өлгәшергә теләүен күргән әсәһе лә уға ярҙам итмәк була һәм тағы ла ике велосипед алып бирешә.

Ең һыҙғанып, бик дәртләнеп эшләй башлай Айнур Ғәзизов был даирәлә. Ихтыяж артҡан һайын, ике тәгәрмәсле “тимер ат”тары ла күбәйә һәм егерменән ашып китә. Башта “Өфө-Арена” янындағы майҙансыҡта эшләй, аҙаҡ баш ҡаланың ҙурыраҡ парктарына күсә. Үҙенең тәүге автомобилен дә ошо бизнесынан килгән аҡсаға һатып ала Айнур.

Дәрт-дарманы, энергияһы ташып торған йәш эшҡыуар прокат менән генә сикләнмәй, әлбиттә. Тыуған яғы Учалы һәм Белорет ҡалаларында “Бөтәһе лә – 100 һумға” тигән магазиндар аса. Бында кейем-һалымы ла, көнкүреш тауарҙары ла бихисап. Был ҡалаларҙа йәшәгән кешеләр арзан хаҡҡа тауар алып бер ҡыуанһа, һатыусылар “эш урындары булды” тип шатлана. Үҙенең магазиндарында кеҫә телефондары өсөн аксессуарҙар һәм башҡа кәрәк-яраҡ менән сауҙа иткән нөктәләр ҙә асҡан Айнур. Бында иһә күберәге йәштәр өсөн кәрәкле тауар һатыла, уларҙың бөгөнгө ихтыяжын ҡәнәғәтләндерергә тырыша егет. Был йәһәттән дуҫы, рухи остазы Илдар Бикбулатовҡа рәхмәт бел­дерә.

– Бер ҡасан да, бер нәмә лә шыма ғына бармай. Был иң тәү сиратта эшҡыуарлыҡҡа ҡағылалыр. Ниндәй генә ҡаршылыҡтар, ауырлыҡтар осрамай бит бында. Ҡыҙғанысҡа ҡаршы, ҡайһы бер нәмәләр ҡулдан килмәй, аяҡ салыусылар ҙа йыш осрай, шуға күрә күптәр был юлда һына, туҡтап ҡалырға мәжбүр була. Ә мин тиҙ генә бирешә торғандарҙан түгел, үҙемдекен итмәйенсә ҡуймайым, – ти Айнур Ғәзизов.

Егеттең был өлкәлә етди ҡарашлы булыуын “Рәсәй таянысы” ойошмаһының Башҡорт­остан төбәк бүлексәһендә Йәштәр эшҡыуарлығы буйынса комитет рәйесе урынбаҫары булып йөрөүе лә дәлилләй. Бында ул үҙе кеүек йәш, саҡ башлап торған йүнселдәр менән эшләй, уларға төрлөсә ярҙам күрһәтә.

– Минеңсә, йәш саҡта айырыуса ҡурҡмаҫҡа, ҡыйыу булырға кәрәк. Иң мөһиме – бирешмәҫкә, күңелде төшөрмәҫкә. Бер урында килеп сыҡманы икән, икенсеһенә, өсөнсөһөнә тотонор кәрәк, – тип кәңәш бирә йәштәштәренә ул.

Айнур бер ҡасан да өлгә­шелгәндә туҡтап ҡалмай, һәр ваҡыт үҙ-үҙен камиллаштырыу өҫтөндә эшләй. Спорт менән әүҙем шөғөлләнеп, физик яҡтан нығынһа, яңылыҡҡа ынтылып, һөнәре буйынса өҫтәмә белем алып, рухи яҡтан үҫешә. Спорт тигәндәй, “Рәсәй таянысы”ның Башҡортостан буйынса бүлексә­һендә ул иң көслө һәм спорт яратҡан кеше булып иҫәпләнә. Бында уҙғарылған һәр ярыш-бәйгелә ҡатнашып, гел тәүге урындарға лайыҡ булып килә.

Матур, татыу ғаиләһе менән дә ғорурлана егет. Ҡатыны Зөл­фиә – һөнәре буйынса юрист, нотариус ярҙамсыһы булып эшләй. Аңлашып, ярҙам итешеп йәшәй йәштәр.

Ошондай егеттәр менән ғорурланырға, уларҙы һәр яҡлап күтәрергә, ярҙам итергә кәрәк. Илебеҙ, милләтебеҙ киләсәге улар ҡулында бит. Күптәргә өлгө булырлыҡ Айнур ише егеттәребеҙ артһын ине.


Автор: Ә. ӘЙҮПОВА


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 140

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 329

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 435

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 184

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 164

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 453

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 636

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 649

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 457

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 434