Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Беҙҙең төбәкте марал да үҙ итә
Беҙҙең төбәкте марал да үҙ итәОшондай фекергә килдек, Көйөргәҙе районындағы “Аргус” йәмғиәте эшмәкәрлеге менән танышҡас. Хужалыҡта 200-ҙән ашыу марал һәм ала-сыбар болан бар. Улар бейек ҡоймалар менән кәртәләп алынған яланда тотола.

Наталья Александровна Коновалова етәкселегендәге хужалыҡ малсылыҡ һәм үҫемлекселек менән шөғөлләнә. 1355 гектар һөрөнтө ерҙәре бар. Быйыл 800 гектарға – иген һәм ҡуҙаҡлы культуралар, 450 гектарға – көнбағыш, 150 гектарға – ҡарабойҙай, 105 гектар ба­ҫыуға мал аҙығы сәскәндәр. Бында биш кеше эш урыны тапҡан. Хужалыҡты үҫте­реү өсөн Рәсәй һәм республика бюджетынан 1,4 миллион һум субсидия алғандар.
Яңы Муса ауылы эргәһендә 19 гектар майҙанда марал һәм ала-сыбар боландар көтөү булып йөрөһә, ябыҡ бассейнда һөмбаш, бағыр балығы үрсе­тәләр. Марал тотоу бик отошло икән. Йәш маралдың ҡатып бөтмәгән мөгөҙө бик ҡиммәтле дарыу, шуға ул бик ҙур ихтыяж менән файҙалана. Итенең бер килограмы баҙарҙа 700 һум самаһы тора. Ун йылда бер миллион һум самаһы файҙа алырға мөмкин, тип иҫәпләй белгестәр. Хужалыҡҡа ала-сыбар боландарҙы Алтай өлкәһенән алып килгәндәр.
Беҙҙең төбәкте марал да үҙ итәӘлбиттә, ситтән ҡарап торғанда ғына барыһы ла ал да гөл кеүек күренә. Эш уңышлы барһын өсөн күпме көс, тырыш­лыҡ талап ителгәнен хужалар үҙҙәре генә белә.
– Һөмбаш балығы ағын һыуҙа ғына йәшәй, шуға ла уны насос ярҙамында көйләп торабыҙ. Сит илдән килтерелгән махсус аҙыҡ менән туҡлана. Көнөнә 8-9 килограмм китә. Температураны ла контролдә тотоу мөһим, – ти Наталья Александровнаның тормош иптәше Партев Абрамян.
Премьер-министр урынбаҫары, ауыл хужалығы министры Илшат Фазрахманов хужалыҡ эше менән танышҡанда предприятиены артабан үҫтереү өсөн агротуризмды ойоштороуҙың мөһим­леген, туристарҙы фермаға экскурсияға йөрөтөү, һирәк булған ашамлыҡ менән һыйлау отошло булыуын билдәләне.
Маралдар Башҡортостанда элек тә булған, әммә иректә йәшәгәндәренә юғалыу янағас, популяцияны тергеҙеү өсөн 1941 йылда Алтайҙан 39 баш алып килеп, төбәккә ебәргәндәр. Хай­ундар беҙҙең тәбиғәт шарттарына берегеп, үрсеп китә. Әле лә Башҡортостан дәүләт ҡурсаулығы, ваҡыты-ваҡыты менән ситтән маралдар килтереп, үҙ биләмәһенә ебәреп тора.
Маралдарҙы махсус хужалыҡтарҙа күпләп үрсетеү урманда, йәғни иректә, йәшәгәндәрен аулауҙы сикләр ине.

Көйөргәҙе районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 207

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 399

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 505

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 219

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 199

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 506

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 698

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 740

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 485

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 519