Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Кемдең ашы тәмле? Мөслимәнеке!
Кемдең ашы тәмле? Мөслимәнеке!Ауыл хужалығы һәм эшҡыуарлыҡ. Бөгөн теләһә ҡайһы төбәктең үҫешен, иҡтисади тотороҡлолоғон башлыса ошо ике тармаҡ билдәләй. 90-сы йылдарҙа илдә колхоз һәм совхоздарҙы “килемһеҙ” мөһөрө һуғып юҡҡа сығарыу башланғас, беҙҙә, киреһенсә, нисек тә һаҡлап ҡалыу яйын күрҙеләр. Һөҙөмтәлә бөгөн ауыл хужалығы, эшҡыуарлыҡ төбәк үҫешенә тос өлөш индергән тармаҡтарҙың береһе һанала. Әлбиттә, республика кимәлендәге ярҙамды ла билдәләмәй ярамай. Хөкүмәттең тотош системаны нығытыуға көйләнгән сәйәси аҙымы иғтибарға лайыҡ.


Ҡыйғы районы ла был йәһәттән иҫкәрмә түгел. Төбәктә эшҡыуарҙарға ла, ауыл хужалығы предприятиеларына ла ҡолас йәйеп эшләрлек мөмкинлектәр бар. Мөслимә Әлбәева, мәҫәлән, заманында Ҡазан кооператив техникумын тамамлаған. Стәрлебаш районында тыуып үҫһә лә, йүнәлтмә буйынса Ҡыйғы яҡтарына ебәрелә. Егерме йыл дауамында райпола эшләй. Үҙгәртеп ҡороу осоронда көсөн һынап ҡарамаҡсы була – үҙаллы эшләй башлай. Тәүҙә алып-һатыу тарма­ғын үҙләштерә – бәләкәй генә киоскыһында аҙыҡ-түлек һата. Тора-бара бизнесын киңәйтеп ебәрә, ҙур ғына магазин аса. Әммә бизнес бер урында ғына тапанған­дарҙы яратмай. Мөслимә Әбдрәхим ҡыҙы ла 2011 йылда “Ҡыйғыр” ҡунаҡханаһы базаһында эшләп килгән кафены һатып ала. Ә бер йылдан ҡунаҡхананың үҙен дә арендалай.
– Йүнселлеккә йөрьәт итеү ауыр булманымы? – тип һорайбыҙ Мөслимә ханымдан.
– Эштең ауыры, еңеле юҡ. Иң мөһиме – яуаплылыҡ. Бөгөн район үҙәгендә барлығы 15 кафе бар. Тәү ҡарашҡа 15 конкурент тигән һүҙ. Ә бит төптән уйлап ҡараһаң, уларҙың һәр ҡайһыһы сифаттың, тәртиптең нигеҙен тәшкил итә. Бер-береңдән күреү, өйрәнеү, ниндәйҙер кимәлдә хатта күпкә яҡшыраҡ эшләү һинең ризыҡ­тарыңды ла тәмлерәк һәм сифатлыраҡ итә, — ти ул. Кемдең ашы тәмле? Мөслимәнеке!
— Тимәк, конкуренттар һеҙҙе сәмләндерә генә?
— Сәмләндерә, дәртләндерә һәм яңы үрҙәргә әйҙәй.
Бөгөн “Иҙел” яуаплылығы сикләнгән йәмғиәтенең ике магазины, бер кафеһы бар. Туғыҙ кеше эш менән тәьмин ителгән. Ашнаҡсылар, официанттар барыһы ла тәжрибәле, махсус белемле. Бында бөтә нәмә сифат менән билдәләнә тигәйнек инде. Әлбәеваның кафеһында ризыҡтар экологик йәһәттән таҙа, сифатлы. Йәшелсәне лә үҙҙәре үҫтерәләр.
Эшенән дә, ғаиләһенән дә уңған Мөслимә Әбдрәхим ҡыҙы. Тормош иптәше Фәнил Рауил улы менән ике балаға ғүмер биргәндәр. Бөгөн ейәнсәрҙәренә яғымлы өләсәй һәм олатай ҙа улар.
Хушлашҡанда геройымдан эшҡыуарлыҡҡа ҡағылышлы проблемалар менән дә ҡыҙыҡһынмай булдыра алманым.
— Сит ил эшҡыуарҙары менән аралашам. Уларҙың эш алымдары һоҡландыра. Мәҫәлән, Ҡытайға инвестиция индерәм тиһәң, улар һине үҙҙәре самолет менән килеп ала. Ә беҙҙә эш башлау өсөн документтарҙы ғына айҙар дауамында теркәйҙәр. Хатта сит ил кешеһенә виза өс ай буйы әҙерләнә. Үҙебеҙҙең йүнселдәр ҙә эш башлағанда ҙур административ кәртә аша үтергә мәжбүр. Бына ошо ҡатмар­лыҡ­тарҙы алып таш­лағанда, эшҡы­уар­лыҡ еңелерәк тын алып ҡалыр ине, — тине ул.





Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 207

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 399

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 505

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 219

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 199

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 506

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 698

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 740

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 485

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 519