Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Халыҡ күпере Фәрит Иҫәнғоловтың “Хәмит күпере” әҫәрендә төп герой үҙенең изгелеге арҡаһында кешеләрҙең күңелендә урын ала. Ул күпер төҙөй, шуның аша йөрөгәндәр объектты төҙөүсе исеме менән атай. Был ваҡиғанан һуң әллә күпме ваҡыт үтһә лә, халыҡ Хәмиттең изге эшен онотмай. Күптән түгел Көҙән ауылында ла күпер барлыҡҡа килде. Минеңсә, был объект киләсәктә “Халыҡ күпере” исемен йөрөтәсәк, сөнки ул – урындағы кешеләрҙең дөйөм эшмәкәрлеге һөҙөмтәһе. Күпер урындағы башланғыстарға булышлыҡ итеү программаһына ярашлы төҙөлгән.
Был программа, мәғлүм булыуынса, кемдәндер көтөп, өмөтләнеп ултырмайынса, үҙең башлап эшләү бурысын ҡуя. Әлеге осраҡтағы һымаҡ күпер төҙөү булһынмы, юл йүнәтеүме, урындағы социаль объектты ремонтлаумы – проект шарттарын үтәһәң, барыһын да башҡарып сығырға мөмкин. Иң мөһиме – теләгең генә булһын. Республика халҡы был мөмкинлекте бар тарафтан да уңышлы файҙалана. Шул иҫәптән көҙәндәр ҙә.
Ғөмүмән, бөйөк Әхмәтзәки Вәлидиҙең тамырҙаштары – берҙәм һәм дәртле халыҡ. Ауыл тирәһен нығытыу булһынмы, ағас ултыртыумы йә башҡа өмәме – “һә” тигәнсә йыйылып, эште башҡарып та ҡуялар.
– Халыҡ әүҙем, шуға ниндәй генә эшкә тотонһаҡ та, ырамлы бара, еренә еткерелеп баш­ҡарыла, – тип маҡтай яҡташ­тарын Көҙән ауылы биләмәһе башлығы Айрат Алтынбаев.
Ағас ултыртыу тигәндән, был тирәне хәҙер ҡарағай, шыршы үҫентеләре ныҡлы уратып алған. Өмә яһап, саҡрымдарға һуҙылған һыҙаттар ултыртҡан халыҡ. Әлбиттә, был йәһәттән урындағы урман хужалығының да өлөшө баһалап бөткөһөҙ.
Күпер мәсьәләһенә әйләнеп ҡайтҡанда, унан хәҙер халыҡ йәйәү­ләп тә, техника менән дә кинәнеп үтә. Ул ауылдың Тау һәм БАССР-ҙың халыҡ артисы, сығышы менән Көҙәндән булған актриса Таңһылыу Рәшитова исемендәге урамдарҙы тоташтырып тора. Быға тиклем кеше­ләр, бигерәк тә ауыр йөклө техника менән ауылдың икенсе осонан урап йөрөргә мәжбүр булған.
Програм­маға ярашлы, сығым­дың 20 проценты – муниципалитет бюджетынан, биш проценты халыҡтан йыйылған булырға тейеш. Республика ҡаҙнаһы аҡса­һына өмөт итеү өсөн башта урында нигеҙ нығытыу фарыз, тимәк. Был тәңгәлдә көҙәндәрҙең бер­ҙәмлеге һәм әүҙемлеге күренә лә инде: проектта ҡатнашыу хаҡында һүҙ сығыу менән башта ауылдың ҡайһы ерендә төҙөү-төҙәтеү эштәре башҡарырға кә­рәк­леген хәл итәләр, шунан оҙаҡ­ламай тейешле сумма йыйыла. Халыҡтан 40 мең һум тупланһа, урындағы “Нур” магазины хужалары Лотфуллиндар, Ғатауллин һәм Зарифов крәҫтиән (фермер) хужалыҡтары өҫтәмә ярҙам күр­һәтә. Проекттың дөйөм хаҡы 800 мең һумдан ашыу тәшкил итә.
Башланған эш – бөткән эш. Тейешле документтар, аҡса йыйылып тапшырылғас, һөҙөмтә оҙаҡ көттөрмәй. Күперҙең шул тиклем йәһәт төҙөлөүенә ауыл халҡы ышанмай ҙа тора. Хәҙер кинәнеп, һыуға-бысраҡҡа батмай йә иһә икенсе остан урамай ғына туфлиҙа йөрөргә, трактор арбаһына тултырып бесән тейәп ташырға мөмкин.
Фәрит Иҫәнғоловтың уҡыу­сылар өсөн тәғәйенләнһә лә, ололарға ла һабаҡ алырлыҡ “Тау үренә” тигән хикәйәһе лә бар. Шул әҫәрҙә ике дуҫ малай юғарыға тик үҙеңдең тырыш­лығың ярҙамында ғына үрмә­ләргә, ныҡышлығың нигеҙендә уҡыуҙа ла, башҡа өлкәлә лә уңыштарға өлгәшергә мөмкин булғанлығын аңлай. Тормошта ла шулай түгелме ни?! Әгәр әүҙемерәк булып, тирә-йүнеңде матурларға, уңайлы һәм бөхтә итергә теләһәң, бының өсөн дәүләт тарафынан ярҙам бар, республикала ғына ла нисәмә программа эшләп килә. Тик ауырлыҡтарҙан ҡурҡмаҫҡа, тырышлыҡ һәм ныҡышмалылыҡ ҡына кәрәк. Халыҡ күперҙәре янына халыҡ ҡоҙоҡтары, халыҡ клубтары һәм башҡа халыҡ башланғыстары өҫтәлә торһон.

БЕЛЕШМӘ: Ауыл биләмәһе үҙәге Көҙәндә бер меңгә яҡын кеше йәшәй, 350 йорт-ҡура иҫәпләнә. Ауыл үҙәкләштерелгән һыу үткәргес, газ менән тәьмин ителгән. Мәктәп, мәктәпкәсә төркөм, интернат эшләй. Клуб, магазиндар, музей, почта, фельдшер-акушерлыҡ пункты һымаҡ социаль объекттар бар. Крәҫтиән (фермер) хужалыҡ­тары, шәхси эшҡыуарҙар һәм эре ауыл хужалығы предпри­я­тиеһы ауыл халҡын хеҙмәт урыны менән тәьмин итә.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 207

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 399

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 505

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 219

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 199

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 506

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 698

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 740

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 485

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 519