Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Уңышҡа нигеҙ һалынды
Уңышҡа нигеҙ һалындыТөбәктең “Күгәрсен агрофирмаһы” яуаплылығы сикләнгән йәмғиәте баҫыуҙарында бөгөн трактор тауыштары ишетелмәй, ауыл эшсәндәре яҙғы баҫыу эштәрен теүәлләп, ошо арала мал аҙығы әҙерләүгә төшөргә йыйына. Тик һауа шарттарының торошо ғына уларҙы бер аҙ уйға һала. Шулай ҙа ир-егеттәр төшөнкөлөккә бирелмәй, аяҙ көндәрҙең килеүенә өмөт итә. Шөкөр, ялан-ҡырҙарҙа бесән күпереп үҫкән, ужым культуралары ла яҡшы ҡышлаған, тимәк, ҡышҡылыҡҡа мал аҙығы тейешле күләмдә әҙерләнәсәк.
— Ауыл кешеһенә ял юҡ инде, уларҙың сабырлығына, уңғанлығына һәр саҡ һоҡланам. Минеңсә, бөтмөр һәм тырыш халыҡ булғанда ғына ниндәйҙер уңыш-ҡаҙаныштарға өлгәшергә мөмкин, — ти хужалыҡ директоры Айрат Рауил улы Болғаиров.
Йәмғиәт, нигеҙҙә, үҫемлекселек һәм малсылыҡ менән ныҡлап шөғөлләнә. 3500 гектар ере булып, унда бойҙай, техник культуралар, күп йыллыҡ үләндәр үҫтерәләр. Бында буш ятҡан һәм ҡарауһыҙ баҫыуҙар юҡ, ауыл эшсәндәре бәрәкәтле ерҙең ҡәҙерен белеп, уны тәрбиәләп, ваҡытында минераль ашлама менән туйындыра. Шуға ла туҡлан­дырылған ерҙән йыл һайын мул уңыш алыуға ирешә улар. Йәмғиәт пай ерҙәрен дә уңышлы эшкәртеп, пайсыларға ашлыҡ, бесән-һалам менән иҫәпләшә. Яҙғы баҫыу эштәре осоронда ла яғыу­лыҡ-майлау материалдарына, сифатлы орлоҡҡа ҡытлыҡ һиҙелмәгән, сөнки уны алдан хәстәрләгәндәр. Етәкселек белдереүенсә, мал аҙығы хатта был­тырҙан артып ҡалған, тотонол­маған силос соҡорҙары ла бар икән.
Агрофирманың техника паркы ла бай, бында Рәсәйҙә етештерелгән трактор-машиналарға өҫтөнлөк бирәләр. Уны яңыртып торалар, иҫкеләрен иһә ремонтлап, эшкә егәләр. Шуныһы мөһим: бында механизаторҙар көҙгө уңышты йыйып алғандан һуң техниканы ихатаға индереп, “яҙ ремонтларбыҙ әле” тип ҡул ҡаушырып ултырмай. Барлыҡ техниканы, ремонт талап иткәнен йүнәтеп, алмаш частар хәстәрләп, яҙғы сәсеүгә алдан уҡ әҙерләп ҡуялар икән. Был, минеңсә, техникаға хужаларса ҡараш булыуын аңлата.
— Яҙ быйыл һуңлап килде. Ниндәйҙер ҡыйынлыҡтар ҙа булды, әлбиттә. Тәбиғәт беҙҙең алға һынауҙарын да ҡуйҙы. Әммә бар эштәр ваҡытында һәм тотҡарлыҡһыҙ башҡарылды. Иң мөһиме – киләһе уңышҡа ныҡлы нигеҙ һалынды, — ти хужалыҡ етәксеһе Айрат Рауил улы.
Малсылыҡ тармағында ла эшмәкәрлек уңышлы ойошторолған. Бөгөн йәмғиәт ҡураларында 350 баш симменталь тоҡомло һыйыр малы тотола, шуның 120-һен һауалар. Ҡыш таналар күпләп быҙаулаған, тимәк, көтөү тағы ла ишәйгән. Әйткәндәй, йәмғиәттә яһалма ҡасырыу эше лә яҡшы ҡуйылған, махсус белемле белгес һәр көн малдарҙың торошон тикшереп, кәрәкле дарыуҙар бирә. Малдар йәмле тәбиғәт ҡосағында йөрөй, малсылар билдәләүенсә, һөт һауыу күпкә артҡан. Әле бер мең тоннанан ашыу аҡты Мәләүез һөт комбинатына оҙаталар. Түләүҙәр ике яҡ өсөн дә уңайлы килешеү нигеҙендә ваҡытында башҡарыла, ә һөт һатыуҙан килгән табыш фәҡәт хужалыҡ кәрәк-ярағына, хеҙмәткәрҙәргә эш хаҡы түләүгә тотонола. Бынан тыш ваҡ ремонт эштәренә лә китә. Һөтсөлөк фермалары заманса йыһазландырылған, әле унда ремонт эштәре бара, биналарҙы ҡышҡы осорға әҙерләйҙәр. Хужалыҡ дәүләт, республика-район етәкселеге тарафынан да һәр яҡлап ярҙамға эйә, төрлө республика маҡсатлы программаларында ҡатнашырға ла өлгөрә, кредит менән дә ҡулланалар икән.
Предприятиела һигеҙ ауылдан 50 кеше мәшғүл, белемле кадрҙарға, йәштәргә ҡытлыҡ юҡ. Эш хаҡы тотҡарлыҡһыҙ түләнә, шулай уҡ социаль яҡтан да эшселәр яҡлау таба бында. Шәхси ихатаһында мал аҫраусылар ашлыҡ, бесән-һалам менән тәьмин ителә. Хужалыҡ халыҡҡа техника менән ярҙам итә, йорт һалыусыларға ла етәкселек тарафынан яҡлау бар. Хеҙмәткәрҙәр ике тапҡыр йылы аш менән тәьмин ителгән. Етәкселек үҫемлекселектә, малсылыҡта тырышып эшләгән хеҙмәткәрҙәр Петр Чепенко, Минлеғәле Рысаев, Илгиз Шәрипов менән Николай Бунинды, Ольга һәм Лена Черноваларҙы, Вера Пянзина, Гөлнара Герасимова, Сергей Спиваков менән Фәрит Ғәбйәлиловты маҡтап телгә алып, “уларҙың уңғанлығы һөҙөмтәһендә йәмғиәт төбәктә алдынғылар иҫәбендә”, тип белдерҙе.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 209

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 399

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 507

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 219

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 201

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 508

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 699

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 741

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 487

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 520