Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Киләһе уңышҡа ныҡлы нигеҙ
Киләһе уңышҡа ныҡлы нигеҙБыйыл райондың ауыл хужалығы эшсәндәренә бөтәһе 17 меңгә яҡын гектар майҙанда яҙғы баҫыу эштәрен атҡарыу бурысы тора. Әле һәр урында ҡыҙыу кампанияға әҙерлек бара, оҫтаханаларҙа техника торошо тикшерелеп, техник күҙәтеү үткәрелә. Сәсеүҙә 50-гә яҡын агрегат ҡатнашып, белгестәр баҫыу эштәрен 10-14 көн эсендә тамамларға иҫәп тотабыҙ, ти, сөнки яғыулыҡ-майлау материалдарын, сифатлы орлоҡто, минераль ашламаларҙы көҙҙән үк хәстәрләп ҡуйғандар.
– Шөкөр, бөгөндән баҫыуға сығырға әҙербеҙ, киләһе уңышҡа ныҡлы нигеҙ һалыу өсөн бөтә мөмкинлектәр ҙә бар, – ти район хакимиәте башлығының ауыл хужалығы буйынса урынбаҫары Нәфис Гәрәев.
Төбәктең Раздолье ауылында урынлашҡан “Зуевка” яуаплылығы сикләнгән йәмғиәте алдынғыларҙан һанала. Бында малсылыҡ һәм үҫемлекселек менән ныҡлап шөғөлләнәләр. Элекке “Ҡариҙел” совхозының һөтсөлөк фермаларына матур итеп ремонт үткәреп, заманса йыһазландырғандар. Сит илдә һәм үҙебеҙҙә етештерелгән ҡеүәтле техникаға эйә булғандар. Бынан тыш етәкселек гараж, ырҙын табағын ремонтлап, уларға ҡабаттан йән өргән.
Бөгөн йәмғиәттең 725 баш лимузин һәм голштин тоҡомло һыйыр малы бар, уларҙы нигеҙҙә ит өсөн аҫрайҙар. Малдар канада технологияһы буйынса төҙөлгән ялан кәртәлә, тәүлек әйләнәһенә асыҡ һауала тотола. Сифатлы иткә ихтыяж ҙур, шуға ла предприятие менән килешеүҙәр төҙөргә тип республиканан ғына түгел, башҡа өлкәләрҙән дә киләләр икән. Көтөү йыл һайын яңы таналар менән тулылана. “Ашатыу яҡшы һәм туҡлыҡлы булғас, малдар көр, уртаса тәүлек артым бер килограмдан ашып китә. Төрлө биоҡушымталар, ҡатнаш аҙыҡ та бирелә”, – ти хужалыҡ идарасыһы Александр Лепихин.
Барлығы 25 кеше эш менән мәшғүл, ә ҡыҙыу миҙгелдә иһә уларҙың һаны бермә-бер арта. Етәкселек билдәләүенсә, эшселәргә, юғары һәм урта махсус белемле белгестәргә ҡытлыҡ һиҙелмәй. Киләсәктә бында мал һанын ике мең башҡа еткерергә иҫәп тоталар, ә бының өсөн бөтә уңайлы шарттар бар, шуға ла хеҙмәткәрҙәр хужалыҡҡа тағы ла талап ителәсәк әле. Бөгөн эшселәргә хеҙмәт хаҡы ваҡытында түләнә, бынан тыш өс тапҡыр йылы аш та ҡаралған. Шәхси ихатаһында мал тотоусыларға ла һәр яҡлап ярҙам ҡулы һуҙыла, бесән-һаламы бушлай бирелә. Алдынғы механизаторҙар Михаил Запевалов, Геннадий Андрюков, Алексей Лопатин, мал һимертеүҙә малсылар Юрий Добрынин, Петр Плотников хужалыҡтың төп таянысы булып һанала.
Зуевка һәм Раздолье ауылдарында ике мал һуйыу цехы урынлашҡан. Әйткәндәй, был цехтың асылыуын тирә-яҡ ауылдар халҡы ҙур түҙемһеҙлек менән көтөп алған. Әле эшмәкәрлек тулы ҡеүәтендә алып барыла.
Шулай уҡ Зуевкала ит эшкәртеү һәм төрлө ит ризыҡтары етештереү цехы уңышлы эшләй. Продукция, нигеҙҙә, хужалыҡ хеҙмәткәрҙәренә һатыла, бынан тыш эшселәрҙе ашатыу өсөн дә тотонола.
Йәмғиәттең дүрт мең гектар ере лә бар, иген культуралары быйыл өс мең гектар майҙанды биләйәсәк. Бынан тыш техник культураларға ла майҙандар бүленгән. Етәкселек киләһе уңышҡа нигеҙ һалғанда тотҡарлыҡтар булмаһын өсөн, алдан 50 тонна яғыулыҡ-майлау материалдарын, 309 тонна минераль ашлама һәм 300 тонна сифатлы һәм элиталы орлоҡ хәстәрләгән.
Бөгөн йәмғиәт баҫыуҙарын Рәсәйҙә етештерелгән ҡеүәтле техника иңләй. Паркты яңыртыуға аҡса йәлләмәйҙәр, мәҫәлән, 2016 йылда ғына 100 миллион һумлыҡ яңы ауыл хужалығы техникаһы һәм ҡоролмалар һатып алғандар. Уны йыл һайын тиерлек яңыртып торғас, баҫыу эштәрен ваҡытында башҡарып сығалар. Көҙгө уңышты юғалтыуһыҙ һаҡлау өсөн заманса келәттәр, иген һаҡлағыс төҙөп ултыртҡандар.
Хужалыҡ ауыл хакимиәте менән тығыҙ бәйләнештә эшләй, һәр саҡ бағыусы була. Раздолье ауылында фельдшер-акушерлыҡ пунктын заманса ремонтлағандар. Бөгөн ауыл халҡы йылы, уңайлы шарттарҙа һаулығын нығыта. Әле ауыл клубын да ремонтлай башлағандар. “Бер-беребеҙҙе аңлап, ярҙам ҡулы һуҙып торғас, эшмәкәрлегебеҙ яҡшы ойошторолған”, – ти етәкселек.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 204

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 394

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 503

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 218

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 198

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 505

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 697

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 740

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 485

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 518