Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Нәсибаш уңғандары
“Эльнара” яуаплылығы сикләнгән йәмғиәтен 2008 йылда бер туған ағалы-энеле Әхмәт менән Булат Ғәлиевтәр ойошторған.
Бер ҡайҙан матди ярҙам алмайынса, старт капиталын үҙҙәре туплап, тәүҙә 27 баш ат һәм 68 баш һыйыр малы һатып алып, ең һыҙғанып мал үрсетеү эшенә тотона улар. Колхоз-совхоздар тарҡалғандан бирле буш торған емерек, ташландыҡ хәлдәге Нәсибаш фермаһын 1 миллион һумдан ашыу аҡса һалып ипкә килтереп, йүнәтеп, таҙартып, малдарҙы тәүҙә шунда аҫрайҙар. Әммә бер йылдан һуң Өфөнән килгән конкурс идарасыһы, райондағы элекке ауыл хужалығы биналарын уңлы-һуллы һата. Нәсибаш фермаһын да, район хакимиәтенә ҡаршы килеп, Әхмәт менән Булатты конкурста ла ҡатнаштырмай, кемдәргәлер 30 мең һумға һатып ебәрә.
Малдар шулай ҡыйыҡһыҙ, ҡола яланда ҡала. Шуға ҡарамаҫтан, бөгөн аттар һаны — 100-гә, ә һыйыр малы 150 башҡа еткән.
Шул хәтлем малды аҫрау өсөн ере лә кәрәк бит әле. 2008 йылда эшҡыуарҙар, 500 гектар ер алып, шулай уҡ миллионлап аҡса түгеп, ер эшкәртә, күп йыллыҡ үлән сәсә, иген үҫтерә. Әммә улар шулай күпме тырышып эшкәртеп алған ерҙәренең 300 гектарын һуңынан пайҙарға бүлеп, ауыл халҡына тараталар, ә 2008 йылда ул ерҙәр пай өлөшөнә инмәгән була. Был — Ғәлиевтәр юлында осраған икенсе етди ҡаршылыҡ.
Әхмәт ҡалған 200 гектар ерен ҡуртымға алып, 60 гектарында арыш сәскән. Ҡоролоҡ булыуға ҡарамаҫтан, гектарынан 22-шәр центнер уңыш йыйып алған. Ҡалған майҙанды күп йыллыҡ үлән биләй. Былтыр ике туған 200 гектарҙа 600 тонна бесән әҙерләгән.
Көҙөн эшҡыуар 100 гектар ерен туңға һөрөп ҡуйҙы. Мал аҙығын да, бесәнде лә ағай-эне бергәләшеп, ҡулалмаш эшләй. Техника ла бар: трактор, йөк машинаһы, быйыл 10 процентын ғына үҙҙәре түләп, яңы “Беларусь” алып ебәргәндәр. Ашламаһын, яғыулығын арзаныраҡҡа алғандар.
— Киләсәктә тағы ла һәйбәтерәк булыр тип өмөтләнәбеҙ, — ти Әхмәт Ғәлиев. — Хәҙер бит эшҡыуарҙарға шарттар тыуҙырыла, район етәксеһе Ғәли Ғәләүетдин улы ла, ауыл хужалығы идаралығы етәксеһе Булат Рауил улы ла хәлде һорап ҡына тора. Уларға үпкә юҡ.
Хәйер, Әхмәт үҙе лә тәжрибәле: шофер, агроном, малсы, эшҡыуар. Шуға ла эше яйлы.
Әле ағалы-энеле Ғәлиевтәр, малдарҙы бүлешеп алып, эшҡыуарлыҡ менән һәр береһе айырым шөғөлләнергә ҡарар иткән. Булат, шәхси ихатаһында ферма ҡороп, һыйырҙар аҫрай, ә аттар — Әхмәттә. Уның йортонда ҡолонлай торған 30 баш бейә ҡалдырылған (эргәләрендә 22 ҡолон юрғаҡлап йөрөй ҙә инде), ҡалғандары яланда — тибендә. Ҡырҙа Әхмәт ике ҙур быуа быуған — аттары ла шунда уратып йөрөп тибенләй, һуғарырға ла уңайлы. Киләсәктә эшҡыуар быуала балыҡ үрсетергә ниәтләй, умартасылыҡҡа тотонорға ла иҫәбе бар.
Ике туған, магазиндар асып, сауҙа эшен дә көйгә һалған. Нәсибаштағы “Марфа” магазинына — Булат, ә Малаяҙҙағы “Эльнара”ға Әхмәт хужа. Итте Малаяҙ баҙарына еңел машиналарына тейәп алып барып һаталар, ҡалғанын магазиндарына ҡуялар.
Әхмәттең ғаиләһе йәшелсәселек менән мауығып шөғөлләнә, йәй буйы баҡсаларында кәбеҫтә, ҡыяр, ҡыҙыл сөгөлдөр үҫтереп, шәхси магазиндарында һаталар. Улы Фидан, ҡыҙҙары Марина һәм Эльнара (хужалыҡҡа уның исеме бирелгән) үҫтерә уларҙы. Барыһы ла эшләй, бер кем тик тормай. Бәрәңгене лә ашлап, йәй буйы һыу һибеп тәрбиәләй, йыл һайын Нәсибашта иң ҙур уңышты улар ала.
Ҡатыны Мәҙинә, иҫәп-хисапҡа шәп бухгалтер булыуынан тыш, күпләп ҡош-ҡорт үрсетергә ярата: ихатала 40-лаған күркә ҡупырайып йөрөй, 25-ләгән ҡаҙ һимертеп һуйғандар, тауыҡтар ҡура тулы.
Әхмәт, улы Фиданды Өфөлә ҡалдырырға теләп, унда йорт та һалып ҡуйған. Тик егетте ҡалаға бәйләп тә алып барып булмай, ауылда йәшәргә теләй ул. Тыуған еренә йәбешеп, ең һыҙғанып эшләп, ата-әсәһенә ярҙам итеп, ер эшкәртеп, мал ҡарап, йорт тәрбиәләп, “Эльнара” хужалығы мәшәҡәттәренә башкөллө сумып, көн тимәй, төн тимәй, егелеп ошонда тир түгә. Юғары белемле иҡтисад белгесе, армияла хеҙмәт иткән егет Өфөгә ниңә барһын? Нәсибашта уның батшалығы, бында ул — ер хужаһы, көтөү-көтөү ҡуйҙары, тормош йәме, йәшәү күрке ошонда.
Бына шундай һоҡланғыс эшҡыуар ғаиләләр, илһөйәр һәм ерһөйәр ир-егеттәр йәшәй Салауат районының Нәсибаш ауылында.
Зәйтүнә ХАНОВА.
Салауат районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 209

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 399

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 507

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 219

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 201

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 508

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 699

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 741

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 487

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 520