ЙЫЛ ТӘРБИӘСЕҺЕ! “Хәйерле иртә!”25.12.2018
Балалар баҡсаһына сабыйҙарын алып килгән ата-әсәне ишек төбөндә көләс йөҙлө тәрбиәсенең “Хәйерле иртә!”, “Рәхим итегеҙ!” тип әйҙүкләп тороуы көн буйына етерлек яҡшы кәйеф өҫтәй, төрлө ҡаршылыҡлы уйҙарҙы таратыуға булышлыҡ итә. Минеңсә, үҙенең хәл-торошо ниндәй генә булыуына ҡарамаҫтан, тәрбиәсе ата-әсәләрҙе лә, ҡыҙ һәм малайҙарҙы ла май ҡояшылай ихлас йылмайып ҡаршы алырға тейеш.

2018 йылда тәрбиәселәр араһында ойошторолған конкурста республика­быҙҙың 51 ҡала һәм районынан оҫталар ҡатнашты. Бәйге өс өлөшкә бүлеп үткәрелде. Тәүгеһе – интернет-ресурс (ситтән тороп ҡатнашыу), сираттағыһы “Балалар менән педагогик сара һәм уны анализлау” тип аталды, ә инде өсөн­сөһөндә “Педагогик табыш”, “Оҫталыҡ дәресе”, “түңәрәк өҫтәл”дә һөйләшеү”ҙә һәр бәйгесегә үҙен танытыу өсөн ҙур мөмкинлектәр бирелде.

Бөтә һынауҙарҙы ла уңышлы үтеп, Стәрлетамаҡ ҡалаһындағы 77-се балалар баҡсаһының өлкән тәрбиәсеһе Мария Заплохова абсолют еңеүсе тип табылды.


Вернуться назад