Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Мәктәп ҡаланан “ҡартыраҡ”...

Әммә тормош бында уй-хыялдарға байыраҡ.

Октябрьский ҡалаһындағы 4-се мәктәптең тарихы үткән быуаттың егерменсе йылдарына барып тоташа. Ялҡынлы Октябрь революцияһынан һуң Иҫке Зәйеттә башланғыс мәктәп асыла. 1946 йылда ҡала статусына эйә булған Октябрьский яҡын-тирәләге дүрт ауылды үҙенә “йотоп”, киңәйгәндән-киңәйә генә.

“Аҡһаҡаллы” гимназия хәҙерге мәлдә — заман талаптарына тулыһынса яуап биргән, электрон белем биреүҙе индереү буйынса программаны тормошҡа ашы­рыуға ҙур көс һалған мәғариф учреж­дениеһы.

— Гимназияла капиталь ремонт үт­кәреп, ағас тәҙрәләрҙе яҡшыһына алыш­тырҙыҡ, — ти гимназия директоры Рәсимә Усманова. — Бөтә кабинеттар ҙа йыһаз­ландырылған, бик матур спорт залыбыҙ бар. Ә Хәрби Дан музейы — беҙҙең ҙур ғорурлығыбыҙ.

300 бала белем алған абруйлы гимназияның иркен, яҡты коридорҙары буйлап үтәбеҙ. Тәнәфес башланыу менән ул балаларҙың шат, күтәренке тауышына күмелде, шуҡтар һәм шаяндарға аралашыу өсөн бынан да ҡулайлыраҡ мәл юҡтыр. Гимназистарға буш ваҡыттарын ҡайҙа, нисек үткәрергә тип аптырап йөрөйһө юҡ. Кластан һәм дәрестән тыш башҡорт телендә уҙғарылған фәһемле, тәрбиәүи саралар, театр студияһы, “Гөлнәзирә” башҡорт фольклор төркөмө, йәш журналистар түңәрәге, йыл һайын тамашасыларҙы йыйған “Ҡу­рай” байрамдары, “Изгелек” дәрестәре — барыһы ла йәш быуынды гармониялы шәхес итеп тәрбиәләүгә ҙур өлөш индерә. Заманса йыһазландырылған кабинеттарҙа белем алыу өлкән быуындың төшөнә лә инмәгән, күҙ алдына ла килтерә алмаған оло бәхет икәнен кескәйҙәр аңламайҙыр ҙа, әммә уларҙы олимпиадаларға, конкурстарға бөтә йәнен бирерҙәй булып әҙерләгән, һәр яҡлап ярҙам иткән уҡытыусыларының фиҙакәр хеҙмәтен улар баһаламай булмаҫ. Араларында Рәсәй һәм Башҡортостандың мәғариф отличниктары, атҡаҙанған уҡытыусы тигән маҡтаулы исемдәргә лайыҡ булған тәжрибәле, талантлы остаздары ла етерлек.

— Уҡыусыларыбыҙҙың уңышы — беҙҙең өсөн иң ҙур баһа, — ти Рәсимә Миңлебай ҡыҙы. — Сығарылыш уҡыусы­ларының ҙур өлөшө тәүге йылда уҡ илебеҙҙең төрлө юғары уҡыу йорттарына уҡырға инә. Һәр береһенә аҡ юл теләп, ҙур өмөттәр бағлап, ғорурланып һәм бер аҙ моңһоуланып, ун йыл буйы ҡаҙандай ҡайнаған белем усағынан оҙатабыҙ.

Хәрби Дан музейын бар­лыҡҡа кил­тереүгә ифрат ҙур хеҙмәт һал­ған З. Торгашова, “Йылдың йәш уҡытыусыһы” ҡала конкурсында еңеүсе, физика уҡытыусыһы А. Антонова, төрлө ижади бәйгеләрҙә гимназия, ҡала данын яҡлаған И. Исәргәкова һәм башҡа талантлы һө­нәр эйәләренең эш тәьҫирлеген балалар­ҙың олимпиа­даларҙа күр­һәт­кән һөҙөмтәһенә ҡарап та баһаларға мөмкин. Мәҫәлән, Ирина Исәргәкованың уҡыусылары, башҡорт теле һәм әҙәбиәте, Башҡортостан тарихы һәм мәҙәниәте буйынса үткәрелгән олим­пиадаларҙа, ғилми-ғәмәли конферен­цияларҙа, “Мостай уҡыуҙары”нда, “Урал батыр”, “Тере шиш­мәләр”, “Йәш йондоҙҙар” бәйгелә­рендә әүҙем ҡатнашып, приздарға лайыҡ булған, гимназия йылъяҙмаһына матур өр-яңы биттәр өҫтәгән.

Урындағы башланғыстарға булышлыҡ итеү программаһына ярашлы, былтыр көҙ бер миллион 900 мең һумдан ашыуға төшкән спорт майҙаны асылыуына гимназия директоры һөйөнөп бөтә алмай. “Республика ҡаҙнаһынан бер миллион һум субсидия алыуға өлгәштек, 660 мең һумын — бағыусылар, 150 меңен муниципалитет бирһә, 155 меңен ата-әсәләр, уҡытыусылар үҙҙәре йыйҙы. “Ил төкөрһә, күл була” тигәндәй, күмәкләп дәррәү тотонһаң, иң ауыр эште лә аҙағына еткереп була, — ти Рәсимә Миңлебай ҡыҙы. — Әле балалар унда конькиҙа шыуа, йәйен ул футбол, волейбол ярыштары ҡыҙған күңелле майҙанға әүереләсәк”.

Тәүәккәл етәксегә тынғы бирмәгән күптәнге уй-хыялы хаҡында ла хәбәрҙар булдыҡ.
— Гимназияла киностудия асырға ҙур теләгебеҙ бар. Проектын эшләп, грантҡа материалдар ҙа ебәрҙек. Нисек кенә булмаһын, хыялыбыҙҙан баш тартырға уйыбыҙ юҡ, — директорҙың ихтыяр көсөнә, ҡайһы саҡта аҡылдан да юғарыраҡ торған ҡыйыулығына нисек икеләнмәк кәрәк — эшлекле ҡатын-ҡыҙҙың тәбиғәте шундай.


Автор: Динә АРЫҪЛАНОВА
Фото: Айрат Нурмөхәмәтов фотоһы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Шәжәрәле ерҙә тәртип түрҙә

Шәжәрәле ерҙә тәртип түрҙә 30.03.2019 // Белем һәм тәрбиә

2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...

Тотош уҡырға 2 446

Шунда уҡ икенсе курсҡа ҡабул ителһәләр...

Шунда уҡ икенсе курсҡа ҡабул ителһәләр... 27.03.2019 // Белем һәм тәрбиә

Республика етәксеһе Радий Хәбиров медицина училищеһын тамамлағандарҙы шунда уҡ ошо йүнәлештәге...

Тотош уҡырға 1 301

Монголиянан ҡунаҡ килде

Монголиянан ҡунаҡ килде 27.03.2019 // Белем һәм тәрбиә

БДУ-ның Сибай институты студенттары Монголияның Фән һәм технология дәүләт университеты профессоры...

Тотош уҡырға 1 753

Биш көнлөк уҡыу башлана

Биш көнлөк уҡыу башлана 27.03.2019 // Белем һәм тәрбиә

1 апрелдән Өфөнөң башланғыс класс уҡыусылары биш көнлөк уҡыуға күсә....

Тотош уҡырға 1 165

Данлы юлға тап төшөрмәй

Данлы юлға тап төшөрмәй 27.03.2019 // Белем һәм тәрбиә

Сибай гимназия-интернаты — төбәктә генә түгел, республикала ла киң билдәле уҡыу йорттарының береһе....

Тотош уҡырға 1 596

Балағыҙҙы кем итеп күрәһегеҙ?

Балағыҙҙы кем итеп күрәһегеҙ? 26.03.2019 // Белем һәм тәрбиә

“Ромир” холдингы ата-әсәләр араһында ҡыҙыҡлы һорау алыу ойошторған. Рәсәйҙәр балалары өсөн ниндәй...

Тотош уҡырға 1 207

Йәй етте ләме ни?

Йәй етте ләме ни? 26.03.2019 // Белем һәм тәрбиә

Ҡырмыҫҡалы районы хакимиәте йыл да балаларҙың йәйге ялын файҙалы үткәреү, сәләмәтлектәрен нығытыу...

Тотош уҡырға 1 204

"Үлмәҫбай" ҙа яңғыраны

"Үлмәҫбай" ҙа яңғыраны 25.03.2019 // Белем һәм тәрбиә

“Башҡортостан халыҡтары телдәре һәм мәҙәниәте – республиканың милли ҡаҙанышы” форумында балалар ҙа...

Тотош уҡырға 1 239

Барыһы ла үҙебеҙгә бәйле

Барыһы ла үҙебеҙгә бәйле 25.03.2019 // Белем һәм тәрбиә

Туған телдең, мәҙәниәттең яҙмышы һәр заманда ла кешенең, халыҡтың үҙенә бәйле. Был рухи...

Тотош уҡырға 1 095

Милли ҡаҙаныштарыбыҙ һағында

Милли ҡаҙаныштарыбыҙ һағында 25.03.2019 // Белем һәм тәрбиә

Өфөлә Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса...

Тотош уҡырға 1 112

Етәкселәр уҡыусыларға рәхмәт белдерҙе

Етәкселәр уҡыусыларға рәхмәт белдерҙе 23.03.2019 // Белем һәм тәрбиә

Бөгөн Өфөлә химия буйынса Бөтә Рәсәй олимпиадаһының һуңғы, өсөнсө, этабы тамамланды. Дөйөм алғанда,...

Тотош уҡырға 1 085

"Әкиәт"тән – мажаралы әкиәттәр

"Әкиәт"тән – мажаралы әкиәттәр 23.03.2019 // Белем һәм тәрбиә

Сибайҙың “Әкиәт” балалар баҡсаһы хеҙмәткәрҙәре үҙ тәрбиәләнеүселәре, ата-әсәләр менән берлектә...

Тотош уҡырға 1 436