Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Уҡытыусы… Тирә-яҡты өйрәтеүсе... Киләсәккә әйҙәүсе...
Бөрйән районының Аҫҡар ауылында мәртәбәле сара ойошторолдо. Бәлки, кемдер өсөн ул көн бик мөһим дә тойолмағандыр, әммә Аҫҡар урта мәктәбендә үткән был ваҡиға ошо ыҡсым ғына ауылдың яҡты тарихына инеп ҡалыр, тип уйлайым.

Барыһын бергә йыйған йәмле байрам, йылы тәьҫораттарға бай булды. Бар ғүмерен балаларға белем биреүгә бағышлаған география уҡытыусыһы Рәил Фәруҡ улы Маликов ойошторҙо уны.
Кем ул Рәил Фәруҡ улы тиһегеҙме? Ул — үҙ эшенең оҫтаһы, энтузиаст, кеше күңелен генә түгел, тәбиғәтте лә ихлас аңлаған оло шәхес. Педагогик белем алғандан һуң, 1981 йылда Бөрйән районының Тимер ауылына география уҡытыусыһы булып эшкә килә.
– Тәүге дәрестән үк үҙен талапсан уҡытыусы итеп ҡуйыуы оҡшап бөтмәһә лә, тора-бара балалар өсөн бик үк таныш булмаған география фәненә оло һөйөү уятты. Иң яратҡан уҡытыусыларымдың береһе, – тип хәтерләй Башҡорт дәүләт ҡурсаулығы лаборанты Зөлфиә Мансур ҡыҙы Фәхретдинова-Яманғолова ла.
– Рәил Фәруҡ улы менән йөрөгән һәр экскурсия, поход онотолорлоҡмо ни? Ә йыл һайын мәктәп уҡыусылары менән Ағиҙел йылғаһы буйлап кәмәлә ағып төшөү беҙҙең уҡыусыларҙың, тәбиғәткә, кешеләргә булған мөнәсәбәтебеҙҙе ҡырҡа үҙгәртте, тәрбиәүи яҡтан да, киләсәккә һөнәр һайлау йәһәтенән дә ныҡ ярҙам итте. “Рәхмәт һеҙгә ошоларҙың барыһы өсөн, Уҡытыусыбыҙ!” – тине төрлө йылдарҙа уҡыған уҡыусылары, хәҙер инде тәбиғәт менән яҡын бәйлелектә эшләгән үҙ эшенең оҫталары. Ошондай йылы хистәр менән һуғарылған бик күп сығыштар яңғыраны. Рәил Фәруҡ улының уҡыусылары, коллегалары, асыҡ дәрескә йыйылған география уҡытыусылары һәм оло быуын вәкилдәре — һәр береһе үҙ сығышында уның яҡшы уҡытыусы, йәш быуынға белем һәм тәрбиә биреүсе генә түгел, ә тыуған ергә, тәбиғәткә һөйөү уятыусы оло шәхес икәненә баҫым яһаны. Аҫҡар урта мәктәбе директоры Ильяс Ишмөхәмәт улы Йәрмөхәмәтов үҙенең сығышында:
– Беҙ тыуған еребеҙҙе ныҡлап өйрәнергә тейешбеҙ, ауылыбыҙҙың килеп сығыу тарихына, ер-һыу атамаларына бәйле легенда һәм риүәйәттәрҙе йыйып, йәш быуынға еткереү – төп бурысыбыҙ, сөнки тап ошондай һеҙҙеке кеүек ҡыҙыҡлы алымдар, балаларҙы тәбиғәт менән ҡыҙыҡһындырыу, ер-һыуға һөйөү уятыу аша беҙ үҫеп килгән быуынды тәрбиәләйбеҙ, – тине.
— Элекке уҡытыусылар булмай тиҙәр. Уҡыусыларығыҙ, дуҫтарығыҙ менән хушлашыу тураһында уйламағыҙ ҙа, Рәил Фәруҡ улы. Беҙ бергә эшләнек һәм артабан да эшләйәсәкбеҙ әле! – тине күп йылдар уҡытыусы менән хеҙмәттәшлек иткән Башҡорт дәүләт ҡурсаулығы директоры Вәсилә Янбаева ла.
“Шүлгәнташ” мәмерйәһе турист фирмаһы етәксеһе Урал Хәлиуллин һәм “Мәсем” йәштәр турист ойошмаһы инструкторы Флүрә Мырҙағолова, үҙҙәренең һәр ваҡыт ярҙамға әҙер икәндәрен белдереп, Рәил Фәруҡ улына иҫәнлек-һаулыҡ теләп, бөгөнгөләй көслө рухлы, оптимист булып ҡалыуын һәм яңынан-яңы проекттар өҫтөндә бергәләп эшләйәсәк­тәренә ҙур өмөт бағлауҙарын әйтте.
Ысынлап та, уҡытыусы ғүмер буйы уҡытыу-тәрбиә эше менән шөғөлләнә һәм үҙ өлгөһөндә ысын шәхес үҫтерә! Бөгөнгө ауыр ҙа, шул уҡ ваҡытта матур ҙа заманда арабыҙҙа Рәил Фәруҡ улы кеүек йәш быуынға үрнәк булырҙай оло шәхестәр күберәк булһа, Тыуған еребеҙ, ауылыбыҙ, тәбиғәтебеҙ ышаныслы ҡулдарға ҡаласағына иманым камил. Йәшлек дәрте менән янып, тырышып эшләгеҙ, именлек-һаулыҡта тағы ла оҙон-оҙаҡ йәшәргә яҙһын һеҙгә, Уҡытыусы!

Бөрйән районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Шәжәрәле ерҙә тәртип түрҙә

Шәжәрәле ерҙә тәртип түрҙә 30.03.2019 // Белем һәм тәрбиә

2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...

Тотош уҡырға 2 447

Шунда уҡ икенсе курсҡа ҡабул ителһәләр...

Шунда уҡ икенсе курсҡа ҡабул ителһәләр... 27.03.2019 // Белем һәм тәрбиә

Республика етәксеһе Радий Хәбиров медицина училищеһын тамамлағандарҙы шунда уҡ ошо йүнәлештәге...

Тотош уҡырға 1 301

Монголиянан ҡунаҡ килде

Монголиянан ҡунаҡ килде 27.03.2019 // Белем һәм тәрбиә

БДУ-ның Сибай институты студенттары Монголияның Фән һәм технология дәүләт университеты профессоры...

Тотош уҡырға 1 753

Биш көнлөк уҡыу башлана

Биш көнлөк уҡыу башлана 27.03.2019 // Белем һәм тәрбиә

1 апрелдән Өфөнөң башланғыс класс уҡыусылары биш көнлөк уҡыуға күсә....

Тотош уҡырға 1 165

Данлы юлға тап төшөрмәй

Данлы юлға тап төшөрмәй 27.03.2019 // Белем һәм тәрбиә

Сибай гимназия-интернаты — төбәктә генә түгел, республикала ла киң билдәле уҡыу йорттарының береһе....

Тотош уҡырға 1 597

Балағыҙҙы кем итеп күрәһегеҙ?

Балағыҙҙы кем итеп күрәһегеҙ? 26.03.2019 // Белем һәм тәрбиә

“Ромир” холдингы ата-әсәләр араһында ҡыҙыҡлы һорау алыу ойошторған. Рәсәйҙәр балалары өсөн ниндәй...

Тотош уҡырға 1 207

Йәй етте ләме ни?

Йәй етте ләме ни? 26.03.2019 // Белем һәм тәрбиә

Ҡырмыҫҡалы районы хакимиәте йыл да балаларҙың йәйге ялын файҙалы үткәреү, сәләмәтлектәрен нығытыу...

Тотош уҡырға 1 205

"Үлмәҫбай" ҙа яңғыраны

"Үлмәҫбай" ҙа яңғыраны 25.03.2019 // Белем һәм тәрбиә

“Башҡортостан халыҡтары телдәре һәм мәҙәниәте – республиканың милли ҡаҙанышы” форумында балалар ҙа...

Тотош уҡырға 1 240

Барыһы ла үҙебеҙгә бәйле

Барыһы ла үҙебеҙгә бәйле 25.03.2019 // Белем һәм тәрбиә

Туған телдең, мәҙәниәттең яҙмышы һәр заманда ла кешенең, халыҡтың үҙенә бәйле. Был рухи...

Тотош уҡырға 1 096

Милли ҡаҙаныштарыбыҙ һағында

Милли ҡаҙаныштарыбыҙ һағында 25.03.2019 // Белем һәм тәрбиә

Өфөлә Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса...

Тотош уҡырға 1 112

Етәкселәр уҡыусыларға рәхмәт белдерҙе

Етәкселәр уҡыусыларға рәхмәт белдерҙе 23.03.2019 // Белем һәм тәрбиә

Бөгөн Өфөлә химия буйынса Бөтә Рәсәй олимпиадаһының һуңғы, өсөнсө, этабы тамамланды. Дөйөм алғанда,...

Тотош уҡырға 1 086

"Әкиәт"тән – мажаралы әкиәттәр

"Әкиәт"тән – мажаралы әкиәттәр 23.03.2019 // Белем һәм тәрбиә

Сибайҙың “Әкиәт” балалар баҡсаһы хеҙмәткәрҙәре үҙ тәрбиәләнеүселәре, ата-әсәләр менән берлектә...

Тотош уҡырға 1 436