Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Лилиәнең төп уңыштары алда әле
Лилиәнең төп уңыштары алда әле
Лилиә Дауытова Өфөләге киң профилле һөнәрселек колледжына белем алырға Ишембайҙағы Әхмәтзәки Вәлиди исемендәге 2-се башҡорт республика гимназияһынан килде. Уҡыуға һәләтле, бәләкәйҙән йыр-бейеүгә ғашиҡ өлгөр ҡыҙ колледждың ижтимағи тормошона тиҙ үтеп инде. Бер мәл «Дан минуты» бәйгеһендә көсөн һынап ҡарамаҡсы була. Бәйгегә ныҡлы әҙерләнә. Әлбиттә, ныҡ тулҡынлана, ләкин ышаныс менән килә, һәм тырышлыҡ үҙенекен итә – гран-приға лайыҡ була.


Саранан һуң Лилиәне вокал бүлеге етәксеһе Венера Фәтхиева үҙенең төркөмөнә саҡыра. Ул ҡыҙҙы сәхнәлә үҙеңде нисек тоторға, тамашасыларҙан ҡурҡмаҫҡа өйрәтә, киләһе еңеүҙәргә ҡанатландыра. Шунан бирле Лилиә – колледжда ғына түгел, ҡала, республика, төбәк-ара кимәлдәге бөтә бәйгеләрҙә иң әүҙем ҡатнашҡан студенттарҙың береһе. Өфөлә ойошторолған «Тыуған ил батырҙары» исемендәге патриотик йырҙар конкурсында – I, ретро-шлягер конкурсында II урынды алған, немец йырҙарын башҡарыу буйынса ярышта гран-приға эйә булған.
Һәр һынау тырышлыҡ, яуаплылыҡ, йыйнаҡлыҡ, теүәллек талап итә. Лилиә был йәһәттән дә башҡа студенттарҙан айырылып тора. Ваҡыттың ҡәҙерен белеп, һәр минутты дөрөҫ файҙаланып, үҙ өҫтөңдә ныҡышмал, өҙлөкһөҙ эшләү, һис шикһеҙ, уңыш килтерә.
– Ҡәҙерле еңеүҙәремдең береһе былтыр ноябрҙә эстрада йырҙарының «Аҡ һыуһар» исемле VII төбәк-ара конкурсында булды, – ти Лилиә. – Ул ике турҙа үтте. Башҡортостандан ғына 300-ләп бәйгесе ҡатнашты, Силәбе, Пермь, Ырымбурҙан да килделәр. Икенсе турҙан һуң Гала-концерт ойошторолдо.
Баһамандар араһында Башҡортостандың халыҡ артисы Вахит Хызыров, Рәсәйҙең атҡаҙанған артистары Иҙрис Ғәзиев, Геннадий Родионов кеүек сәхнә әһелдәре ултырғанда тулҡынланмау мөмкин түгел, әлбиттә. Еңеүгә өмөтләнмәй ҙә Лилиә, әммә 16–18 йәшлек конкурсанттар араһында I урынға лайыҡ була.
Был уңыштары өсөн һылыуҡай иң тәүҙә ата-әсәһенә рәхмәтле. Улар Лилиәгә һәр ваҡыт терәк-таяныс. «Ә йырлау һәләте миңә ҡартатайымдан бирелгәндер, моғайын. Уның башҡорт халыҡ йырҙарын моңло итеп башҡарғанын иҫем китеп тыңлай инем. Бәләкәйҙән уларҙы ишетеп, шул моңға ҡойоноп үҫтем”, – ти Лилиә.
Шулай уҡ йыр буйынса етәксеһе Венера Фәтхиеваға рәхмәтле ул.
– Беҙ уның менән бер тулҡында йөҙәбеҙ кеүек. Ҡайһы берҙә минең еңеүем өсөн ул нығыраҡ шатланалыр һымаҡ, – ти ҡыҙ. – Әлбиттә, ҙур-ҙур рәхмәтемде колледжыбыҙ директоры Рәфҡәт Үмәрғәлингә лә еткергем килә. Ул – үтә иғтибарлы кеше, бер студент та күҙ уңынан ысҡынмай. Беҙҙең менән һәр ваҡыт ҡыҙыҡһынып, хәлебеҙҙе һорашып, уңыштарыбыҙға шатланып, ярҙам итеп, яңынан-яңы үрҙәргә әйҙәй.
Әле Лилиә «Башланғыс кластарҙа белем биреү» бүлегендә өсөнсө курста уҡый. Уҡыуынан да ҡәнәғәт. Икенсе курсты гел «5»-кә тамамланы. Хыялы – ҡыҙыл диплом алыу.
Киләсәктә кем булырын әлегә әйтә алмай ул. Ләкин бигерәк тә балаларҙы яратыуын, ата-әсә наҙынан мәхрүмдәрҙе йәлләүен, үҙаллы тормошҡа аяҡ баҫҡас, уларға нисек тә ярҙам итергә тырышасағын ышаныс менән әйтә ала студентыбыҙ.
Яңыраҡ Лилиәбеҙ, сит телдәр бүлегенең бишенсе курс студенты Вадим Төхвәтуллин менән Санкт-Петербургта үткән IХ Бөтә Рәсәй студенттар форумында ҡатнашып, дүрт номинация буйынса ла иң юғары балдар йыйып, I урынды яулап ҡайтты.
«Колледжымды бик яратам, бында күп нәмәгә өйрәнәм, үҫәм, камиллашам. Барыһына ла өлгөрөргә тырышам. Көн дә иртән уҡыуға шатланып йүгерәм. Унда мине белем тауының яңынан-яңы үрҙәре көтә», – ти Лилиә.

Динә Шәймырҙина,
Өфөләге киң профилле һөнәрселек
колледжының башҡорт теле һәм әҙәбиәте уҡытыусыһы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Шәжәрәле ерҙә тәртип түрҙә

Шәжәрәле ерҙә тәртип түрҙә 30.03.2019 // Белем һәм тәрбиә

2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...

Тотош уҡырға 2 447

Шунда уҡ икенсе курсҡа ҡабул ителһәләр...

Шунда уҡ икенсе курсҡа ҡабул ителһәләр... 27.03.2019 // Белем һәм тәрбиә

Республика етәксеһе Радий Хәбиров медицина училищеһын тамамлағандарҙы шунда уҡ ошо йүнәлештәге...

Тотош уҡырға 1 301

Монголиянан ҡунаҡ килде

Монголиянан ҡунаҡ килде 27.03.2019 // Белем һәм тәрбиә

БДУ-ның Сибай институты студенттары Монголияның Фән һәм технология дәүләт университеты профессоры...

Тотош уҡырға 1 753

Биш көнлөк уҡыу башлана

Биш көнлөк уҡыу башлана 27.03.2019 // Белем һәм тәрбиә

1 апрелдән Өфөнөң башланғыс класс уҡыусылары биш көнлөк уҡыуға күсә....

Тотош уҡырға 1 165

Данлы юлға тап төшөрмәй

Данлы юлға тап төшөрмәй 27.03.2019 // Белем һәм тәрбиә

Сибай гимназия-интернаты — төбәктә генә түгел, республикала ла киң билдәле уҡыу йорттарының береһе....

Тотош уҡырға 1 597

Балағыҙҙы кем итеп күрәһегеҙ?

Балағыҙҙы кем итеп күрәһегеҙ? 26.03.2019 // Белем һәм тәрбиә

“Ромир” холдингы ата-әсәләр араһында ҡыҙыҡлы һорау алыу ойошторған. Рәсәйҙәр балалары өсөн ниндәй...

Тотош уҡырға 1 207

Йәй етте ләме ни?

Йәй етте ләме ни? 26.03.2019 // Белем һәм тәрбиә

Ҡырмыҫҡалы районы хакимиәте йыл да балаларҙың йәйге ялын файҙалы үткәреү, сәләмәтлектәрен нығытыу...

Тотош уҡырға 1 205

"Үлмәҫбай" ҙа яңғыраны

"Үлмәҫбай" ҙа яңғыраны 25.03.2019 // Белем һәм тәрбиә

“Башҡортостан халыҡтары телдәре һәм мәҙәниәте – республиканың милли ҡаҙанышы” форумында балалар ҙа...

Тотош уҡырға 1 240

Барыһы ла үҙебеҙгә бәйле

Барыһы ла үҙебеҙгә бәйле 25.03.2019 // Белем һәм тәрбиә

Туған телдең, мәҙәниәттең яҙмышы һәр заманда ла кешенең, халыҡтың үҙенә бәйле. Был рухи...

Тотош уҡырға 1 096

Милли ҡаҙаныштарыбыҙ һағында

Милли ҡаҙаныштарыбыҙ һағында 25.03.2019 // Белем һәм тәрбиә

Өфөлә Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса...

Тотош уҡырға 1 112

Етәкселәр уҡыусыларға рәхмәт белдерҙе

Етәкселәр уҡыусыларға рәхмәт белдерҙе 23.03.2019 // Белем һәм тәрбиә

Бөгөн Өфөлә химия буйынса Бөтә Рәсәй олимпиадаһының һуңғы, өсөнсө, этабы тамамланды. Дөйөм алғанда,...

Тотош уҡырға 1 086

"Әкиәт"тән – мажаралы әкиәттәр

"Әкиәт"тән – мажаралы әкиәттәр 23.03.2019 // Белем һәм тәрбиә

Сибайҙың “Әкиәт” балалар баҡсаһы хеҙмәткәрҙәре үҙ тәрбиәләнеүселәре, ата-әсәләр менән берлектә...

Тотош уҡырға 1 436