Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡәрҙәштәрҙе йыйҙы “Туғанлыҡ”
Ҡәрҙәштәрҙе йыйҙы “Туғанлыҡ”Өфөлә VI “Туғанлыҡ” халыҡ-ара төрки телле театрҙар фестивале асылды. Ул Башҡортостандың баш ҡалаһында 14 сентябргә тиклем дауам итә.
Театр форумына Хакасиянан, Ҡырғыҙстандан, Дағстан­дан, Азер­байжандан, Ҡабарҙа-Бал­ҡарҙан, Сыуашстандан, Ҡаҙағс­тандан, Татарстандан һәм Баш­ҡор­тостандан ижади коллективтар йыйылды. М. Ғафури исемендәге Башҡорт дәү­ләт академия драма театры ал­дындағы майҙанда фестивалде асыу тантанаһы һәм ҡатнашыу­сы­лар парады үтте. Ҡунаҡтар Сала­уат Юлаев һәй­кәленә сәскә һалды.
Спектаклдәрҙе “Туғанлыҡ-2017” фестивале жюрийы номинациялар буйынса баһалая­саҡ. Конкурс тамашаларын театр тәнҡитселәре коллегияһы тикшерәсәк.
Фестиваль нигеҙендә Бәҙәр Йосопова исемендәге Актерҙар йортонда Мәскәүҙең театр тәнҡит­селәре ассоциацияһынан Игорь Овчинников “Театрҙа Интернет технологиялары” тигән темаға лекция уҡыясаҡ, Рәсәй Театр эшмә­кәрҙәре союзының милли театрҙар кабинеты рәйесе Борис Манджиев ҡат­нашлығында “түңәрәк өҫтәл” һәм Б. Щукин исемендәге театр институты ректоры, Рәсәйҙең ха­лыҡ артисы Евгений Князев менән ижади осрашыу ойошторола. Фестивалгә Голдсмит университеты профессоры, театр белгесе Мария Шевцованың килеүе көтөлә.
Был көндәрҙә шулай уҡ М. Ға­фури исемендәге Башҡорт дәүләт академия драма театрында конкурсанттар ҡатнаш­лығында этноконцерт һәм Ҡырмыҫҡалы районында Театр йыйыны уҙғарыла. “Туғанлыҡ” фес­тивале М. Ғафури исе­мендәге драма театры сәх­нәһендә ябыласаҡ.


Салауат ИТБАЕВ, БАССР-ҙың атҡаҙанған артисы, Башҡортос­тан Республикаһының атҡа­ҙан­ған сәнғәт эшмәкәре:

– Театр – ул тере организм, уны тиккә генә алда барған локомотив менән сағыштырмайҙар. Ә төрки телле театрҙарҙың “Туған­лыҡ” халыҡ-ара фестивале сәнғәтебеҙҙе байытыу, мәҙәниәтебеҙҙе үҫтереү йәһәте­нән ифрат ҙур әһә­миәткә эйә. Ғөмү­мән, бындай сараларҙы йышыраҡ уҙғарырға кәрәк.
Заман елдәй елгән осор­ҙа ғүмер итәбеҙ. Замана менән бергә эш алымдары ла үҙгәрә. Театрҙарҙың береһе һайлаған юлына тоғро, икенселәр эҙләнеү юлында, бүтәндәр иһә бө­төнләй башҡа юҫыҡта эш итә. Әммә һәммәһе лә — халыҡтың күңеленә тере ҡуҙ килтереүселәр, олоһоноң да, кесеһенең дә рухи донъяһын байытыусылар.
Фестиваль үҙенә күрә татыулыҡҡа ла өндәй. Байрамда төрки халыҡтар үҙ-ара аралаша, тәжрибә ур­таҡ­лаша. Сараның милләт-ара дуҫлыҡты нығытыуҙа әһәмиәте бик ҙур.


Автор: А. ХӘЛИЛОВ.


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Азатлыҡ һөйгән милләттәшебеҙ
Туған телеңде белеү донъяға ҡарашты киңәйтә

Туған телеңде белеү донъяға ҡарашты киңәйтә 29.03.2019 // Башҡорт донъяһы

Башҡорт телен һаҡлау һәм үҫтереү буйынса фонд төҙөлдө, Башҡортостан Башлығының гранты булдырылды....

Тотош уҡырға 1 261

Шүлгәнде лә күрҙек беҙ

Шүлгәнде лә күрҙек беҙ 23.03.2019 // Башҡорт донъяһы

“Башҡортостан” дәүләт концерт залы фойеһында республиканың ҡаҙаныштарын сағылдырған махсус...

Тотош уҡырға 1 099

Ырып-ырып башҡорт тарихы яҙылған ул Ырымбурҙың нигеҙ ташына
Тормошоғоҙ  йыр булһын...

Тормошоғоҙ йыр булһын... 01.03.2019 // Башҡорт донъяһы

Бөгөн – башҡорт ғаиләһе көнө. Даланлы һәм уңған ҡатын-ҡыҙҙарыбыҙҙың береһе, “Баш­ҡортостандың...

Тотош уҡырға 1 480

Бөтөү хәүефе янай тиһәләр ҙә...
Беҙ ғаиләлә башҡортса аралашабыҙ. Ә һеҙ?

Беҙ ғаиләлә башҡортса аралашабыҙ. Ә һеҙ? 20.02.2019 // Башҡорт донъяһы

Әйҙәгеҙ, үҙ милләтебеҙ менән ғорурланайыҡ....

Тотош уҡырға 11 552

Автономияның яҙмышы Башҡорт корпусынан айырылғыһыҙ

Автономияның яҙмышы Башҡорт корпусынан айырылғыһыҙ 19.02.2019 // Башҡорт донъяһы

Милли музей урынлашҡан йортҡа ике дәүләт эшмәкәре иҫтәлегенә таҡтаташ ҡуйыу фарыз....

Тотош уҡырға 11 389

Бер ҡайҙа ла уҡыу бәхете теймәһә лә...

Бер ҡайҙа ла уҡыу бәхете теймәһә лә... 15.02.2019 // Башҡорт донъяһы

Бынан бер быуат элек Башҡортостан дәүләтселеген булдырыуҙа һәм уны артабан нығытыуҙа тәүҙә –...

Тотош уҡырға 1 418

Эй, Аҡтаныш, яҡты һинең асман,  Ал ҡан менән тарих яҙылған!..
Күлдәр иле Ҡоншаҡта ҡот бар

Күлдәр иле Ҡоншаҡта ҡот бар 25.01.2019 // Башҡорт донъяһы

Милләттәштәребеҙҙең асылға тоғролоғона һоҡландыҡ....

Тотош уҡырға 2 133

“Башҡортостан, тиһәм, ҡанатланам, Башҡортостан, тиһәм, йән әрней...”

“Башҡортостан, тиһәм, ҡанатланам, Башҡортостан, тиһәм, йән әрней...” 23.01.2019 // Башҡорт донъяһы

Күренекле замандашыбыҙ Гөлсинә Батыршинаның республикалағы эшмәкәрлеген ситтән тороп күҙәттем: ул...

Тотош уҡырға 2 118