Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Һыҙҙырт, ҡурай, шатлыҡ моңдарын
Һыҙҙырт, ҡурай, шатлыҡ моңдарын Танылған башҡорт ҡурайсыһы Роберт Юлдашев үҙенең “Ҡурайсы” төркөмө менән “Тылсым Көҙ-2016” (“Оберег Осень-2016”) фестивалендә сығыш яһаны. Мәскәүҙә уҙғарылған был сарала этник музыка өлкәһендәге “Russian Word Music Awards-2016” премияһы тапшырылды.
Майҙан алып авгусҡа тиклем Рәсәйҙәге төрлө этник музыка коллективтарынан фестивалдә ҡатнашыуға 150-нән ашыу ғариза килде. Баһалама комиссияһы ҡарарына ярашлы, “Иң яҡшы этник проект”, “Иң яҡшы аутентик проект”, “Иң яҡшы эксперименталь проект”, “Тамашасы һөйөүе” номинацияларында лауреаттар билдәләнде.
“Ҡурайсы” төркөмө тамашасы һөйөүен яуланы. Төркөмгә диплом һәм премияның символы — эрбет ағасынан яһалған күгәрсен тапшырылды. Әйткәндәй, яҡташтарыбыҙ “Бәйләнештә” социаль селтәрендә биш меңдән ашыу тауыш йыйғайны. Тауыш биреү донъяның ете иленән туғыҙ жюри ағзаһы ҡатнашлығында үтте. Улар — этник музыка өлкәһендә танылыу яулаған эксперттар Йоханес Тойер (Германия), Джо Бойд (АҠШ), Юлиана Волож (Эстония), Андрей Катаев (Рәсәй) һәм башҡалар.
— “Ҡурайсы”ның сығышын тамашасылар көслө алҡыштарға күмде, — тине музыкант һәм продюсер Булат Әминев. — Ғөмүмән, был — Рәсәй өсөн иҫтәлекле ваҡиға, этник музыка өлкәһендәге тәүге премия.
Гала-концертта шулай уҡ фестивалдең махсус ҡунаҡтары Инна Желанная (Мәскәү), Authentic Light Orchestra (Швейцария-Рәсәй), Нерехта ҡалаһының борғосолар хоры (Кострома өлкәһе) сығыш яһаны. “Артистик” галереяһының (Ҡырым) Рәсәйҙәге тәүге күсмә этник стрит-арт күргәҙмәһе ҡунаҡтар һәм фестивалдә ҡатнашыусылар өсөн махсус бүләк булды.
“Ҡурайсы” этно-төркөмө — донъяла башҡорт музыкаһын башҡарып, киң танылыу яулаған коллективтарҙың береһе. Ансамблдең репертуарына халыҡ йырҙары, традицион көйҙәр, классик композиторҙарҙың әҫәрҙәре инә. Быйыл төркөм үҙенең ун йыллыҡ юбилейын билдәләй. Музыканттар Кремль һарайы, Миландағы “Ла Скала” театры, Берлиндағы “Рус йорто” концерт залы һәм башҡа сәхнәләрҙә сығыш яһап өлгөрҙө, Владимир Спиваков, Гарик Сукачев, Пелагея менән хеҙмәттәшлек итте, донъяның ун биш иле буйлап гастролгә сыҡты. Мәскәүҙә коллектив шулай уҡ “ҠазанСәйБар” ресторанында яҡташтар менән музыкаль осрашыуҙа ҡатнашты.

Йоханес ТОЙЕР, жюри ағзаһы, “Донъя музыкаһының Европа рейтингы”н төҙөүсе, Германиянан музыкаль продюсер:
— Асыҡ йәмғиәттә, ихлас мәҙәни мөнәсәбәттә йәшәү бик мөһим. Донъя музыкаһы — ошо аралашыу элементтарының береһе. Был йүнәлеште һайлаған музыканттарға булышлыҡ итеүҙән һәр саҡ ҙур ҡәнәғәтлек алам. Төрлө сэмплдарҙы ишетеп һоҡландым, күптәре “Иван Купала” төркөмөн хәтерләтте. Алыҫ Көнсығыштан, Себерҙән, Тыванан, Рәсәйҙең башҡа төбәктәренән күберәк музыканттар килһен ине. Радиола продюсер һәм алып барыусы булып эшләйем. Этник музыка өлкәһендәге Рәсәй премияһына лайыҡ булғандарҙы эфирға сығарып, “Russian Word Music Awards” уларҙы һайланы, тип әйтәсәкмен.

Илдар ШАКИРОВ, “Йатаған” этно-төркөмө етәксеһе:
— Һуңғы ваҡытта Башҡортостанда милли һәм этник музыкаға ҡыҙыҡһыныу арта, яңынан-яңы башҡарыусылар, коллективтар барлыҡҡа килә, музыканттарҙы экспериментҡа этәргән ниндәйҙер конкурентлыҡ мөхите тыуа. “Евразия йөрәге”, “Симфоник төн” кеүек күләмле фестивалдәр уҙғарыла. Улар халыҡҡа классик һәм этник музыканы “тере” килеш тыңлау мөмкинлеген бирә. Был ҡыуаныслы, әлбиттә, сөнки электрон музыка йәнле башҡарыуҙы ҡыҫырыҡлап сығарған осорҙа йәшәйбеҙ. Бөгөн йәштәр фәлсәфәүи, ысын халыҡ музыкаһын ауыр ҡабул итә. Шуға күрә заманса музыкаль йүнәлештәрҙе һәм халыҡ фольклорын берләштергән этник, фолк-музыканың киңерәк таралыуы бик һәйбәт күренеш.


Автор: А. ХӘЛИЛОВ.


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Азатлыҡ һөйгән милләттәшебеҙ
Туған телеңде белеү донъяға ҡарашты киңәйтә

Туған телеңде белеү донъяға ҡарашты киңәйтә 29.03.2019 // Башҡорт донъяһы

Башҡорт телен һаҡлау һәм үҫтереү буйынса фонд төҙөлдө, Башҡортостан Башлығының гранты булдырылды....

Тотош уҡырға 1 261

Шүлгәнде лә күрҙек беҙ

Шүлгәнде лә күрҙек беҙ 23.03.2019 // Башҡорт донъяһы

“Башҡортостан” дәүләт концерт залы фойеһында республиканың ҡаҙаныштарын сағылдырған махсус...

Тотош уҡырға 1 099

Ырып-ырып башҡорт тарихы яҙылған ул Ырымбурҙың нигеҙ ташына
Тормошоғоҙ  йыр булһын...

Тормошоғоҙ йыр булһын... 01.03.2019 // Башҡорт донъяһы

Бөгөн – башҡорт ғаиләһе көнө. Даланлы һәм уңған ҡатын-ҡыҙҙарыбыҙҙың береһе, “Баш­ҡортостандың...

Тотош уҡырға 1 480

Бөтөү хәүефе янай тиһәләр ҙә...
Беҙ ғаиләлә башҡортса аралашабыҙ. Ә һеҙ?

Беҙ ғаиләлә башҡортса аралашабыҙ. Ә һеҙ? 20.02.2019 // Башҡорт донъяһы

Әйҙәгеҙ, үҙ милләтебеҙ менән ғорурланайыҡ....

Тотош уҡырға 11 552

Автономияның яҙмышы Башҡорт корпусынан айырылғыһыҙ

Автономияның яҙмышы Башҡорт корпусынан айырылғыһыҙ 19.02.2019 // Башҡорт донъяһы

Милли музей урынлашҡан йортҡа ике дәүләт эшмәкәре иҫтәлегенә таҡтаташ ҡуйыу фарыз....

Тотош уҡырға 11 389

Бер ҡайҙа ла уҡыу бәхете теймәһә лә...

Бер ҡайҙа ла уҡыу бәхете теймәһә лә... 15.02.2019 // Башҡорт донъяһы

Бынан бер быуат элек Башҡортостан дәүләтселеген булдырыуҙа һәм уны артабан нығытыуҙа тәүҙә –...

Тотош уҡырға 1 418

Эй, Аҡтаныш, яҡты һинең асман,  Ал ҡан менән тарих яҙылған!..
Күлдәр иле Ҡоншаҡта ҡот бар

Күлдәр иле Ҡоншаҡта ҡот бар 25.01.2019 // Башҡорт донъяһы

Милләттәштәребеҙҙең асылға тоғролоғона һоҡландыҡ....

Тотош уҡырға 2 133

“Башҡортостан, тиһәм, ҡанатланам, Башҡортостан, тиһәм, йән әрней...”

“Башҡортостан, тиһәм, ҡанатланам, Башҡортостан, тиһәм, йән әрней...” 23.01.2019 // Башҡорт донъяһы

Күренекле замандашыбыҙ Гөлсинә Батыршинаның республикалағы эшмәкәрлеген ситтән тороп күҙәттем: ул...

Тотош уҡырға 2 118