Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
ТабанТабан балыҡ ифрат тиҫкәре, тотороҡһоҙ: ул кисә генә һәйбәт эләккән урындан бөгөн буш ҡул менән ҡайтыуың ихтимал. Көн дауамында төрлө емгә ҡаба — әҙерләнеп барырға кәрәк.
Беҙҙә табан балыҡтың ике төрө билдәле: һары ғәҙәти һәм көмөш табан. Ҡытайҙар алтын төҫөндәге өсөнсөһөн дә булдырған, ул тик аквариумдарҙа йәшәй.
Табан балыҡ Башҡортостанда киң таралған. Уның оҙонлоғо — 60 сантиметрға, ауырлығы 8 килограмға етә. Иң ҙурҙары төбәгебеҙҙең көньяҡ-көнсығышындағы күлдәрҙә айырыуса күп.
Йәшәү өсөн төбө ағас ботаҡтары, ләм менән ҡапланған ҡамышлы урынды һайлай табан балығы. Йылғаларҙың да тымығыраҡ урынын үҙ итә. Төҫө һыуға бәйле үҙгәреп тороусан. Һауа етешмәүгә әллә ни бирешмәй: ҡыш йоҡлағанда ләмгә күмелеп ята, йәйге эҫелә лә үҙен яҡшы тоя.
Табан балыҡ ашауға ифрат талымһыҙ. Һыу төбөндәге ылымыҡ менән туҡланғанлыҡтан, ашҡаҙаны һәр ваҡыт ҡара-йәшел төҫтә була. Шулай уҡ төрлө бөжәк, ҡарышлауыҡ, селәүсен менән һыйлана.
Был балыҡты ҡайҙан эҙләргә һуң? Ҡыш һалҡын булғанлыҡтан, беҙҙә яҙғыһын ҡалын боҙ аҫтынан тоторға мөмкин. Ләкин унан күбеһенсә көмөш төҫөндәге табандар эләгер. Шуға күрә боҙҙоң киткәнен көтөп, һыу бер аҙ йылынғас ҡына ҡармаҡ һалырға кәрәк. Ҡышҡы йоҡонан асығып уянған балыҡтар был мәлдә көс йыйыр өсөн ем эҙләргә сыға. Уларҙың иң шәп эләккән ваҡыты май, июнь, июль айҙарына тура килә. Был осорҙа табанды һәр быуа-күлдә тоторға мөмкин. Улар кис көтөү-көтөү булып һыуҙың өҫтөндә лә йөҙөп йөрөүсән. Эреләре генә төптән сығырға ашыҡмай.
Табан балығын күберәк ҡалҡыуыслы ҡармаҡҡа тоталар. Емһалғысҡа төрлө аҙыҡ тултырып, ярҙан алыҫҡа ташлау ысулы ла үҙен аҡлай. Шулай ҙа иң уңайлыһы — биш-алты метр оҙонлоҡтағы ҡармаҡ сыбығын ҡулланыу. Томбойоҡло урындарҙа ҡалҡыуыс менән батырғыстың ҙурырағын алырға кәрәк. Ҡармаҡ ебе һыу төҫөндә булырға тейеш. Ел-дауыл мәлендә табандар ышыҡ урындарға йыйылыусан. Эҫе көндәрҙә иһә ҡармаҡты төпкәрәк ташлау табыш килтерер.
Көҙгә сиртеү бер аҙ һүрелә, балыҡтар бүрттерелгән бойҙайға, икмәк йомшағына ла ҡаба, шул уҡ ваҡытта алдына һалынған емгә иғтибар ҙа итмәй башлауы ихтимал.
Әйткәндәй, һыу ярайһы уҡ йылынғас, табандар яр буйындағы ҡамышлыҡҡа, үләндәр араһына ынтыла. Тимәк, ыуылдырыҡ сәсеү мәле етте тигән һүҙ. Улар сама менән 300 мең йәш балыҡҡа ғүмер бирә. Был осорҙа һыу 15 — 18 градус йылылыҡта торорға тейеш.
Табан — ифрат ныҡ, сыҙамлы балыҡ. Кәрзингә дымлы үлән менән ҡаплап һалып ҡуйһаң, көнө буйы үлмәй ята. Шуға күрә лә ул Башҡортостандың балыҡсылыҡ хужалыҡтарында күп үрсетелә. Һурпа әҙерләүгә бармай, ҡыҙҙырып ашайҙар — ныҡ тәмле була.
Табанды "балыҡтарҙың эталоны" тип атаһаҡ та хата булмаҫ, сөнки күптәр балыҡ һүрәтен уға оҡшатып төшөрә.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






“Мәскәүҙәрсә”

“Мәскәүҙәрсә” 12.03.2019 // Эй ултыра балыҡсы...

Ҡәҙерле дуҫтар! Һеҙгә балыҡты “мәскәүҙәрсә” әҙерләргә өйрәтәбеҙ....

Тотош уҡырға 201

Абсолют чемпион

Абсолют чемпион 12.03.2019 // Эй ултыра балыҡсы...

Красноярск ғалимдары кеше һаулығы өсөн иң файҙалы балыҡтың исемен атаны....

Тотош уҡырға 297

Щербаковтарҙан кәңәштәр

Щербаковтарҙан кәңәштәр 12.03.2019 // Эй ултыра балыҡсы...

1. Алабуғаны ниндәй балансирға тоторға? Был балыҡты тәүге боҙ аҫтынан ҙурлығы өс-дүрт сантиметр...

Тотош уҡырға 242

Тәжрибә һандығына

Тәжрибә һандығына 12.03.2019 // Эй ултыра балыҡсы...

Шөғөлгә тәү башлап тотонғандар балыҡты ҡайҙа, нисек тоторға белмәй аҙапланыусан. Түбәндәге кәңәштәр...

Тотош уҡырға 532

“Үтәгәндәр атлай башлағас та Ағиҙелгә йүгерә”

“Үтәгәндәр атлай башлағас та Ағиҙелгә йүгерә” 12.03.2019 // Эй ултыра балыҡсы...

…2003 йылдың ҡышы. Ҡар туҡтауһыҙ яуыуға ҡарамаҫтан, Ҡариҙел буйына балыҡҡа юлландым. Мәкеләр уйып,...

Тотош уҡырға 556

Ялтырауыҡ ҡармаҡ. Нимә ул?

Ялтырауыҡ ҡармаҡ. Нимә ул? 12.03.2019 // Эй ултыра балыҡсы...

Мормышка Рәсәйҙә уйлап сығарылған. Ғәжәп: һалҡын һауа торошо беҙҙең илебеҙгә генә хас түгел дә....

Тотош уҡырға 492

Татыулыҡтың сере ниҙә?
Таналыҡтан – 15 килолыҡ суртан!

Таналыҡтан – 15 килолыҡ суртан! 20.01.2019 // Йәмғиәт / Эй ултыра балыҡсы...

Хәйбулла районының Мәмбәт ауылында йәшәгән Нәзим Байғусҡаровты ауылдаштары оҫта балыҡсы һәм һунарсы...

Тотош уҡырға 627

Табышың туйып арыһа...

Табышың туйып арыһа... 19.12.2018 // Эй ултыра балыҡсы...

Республикабыҙҙа йыл һайын һәүәҫкәр балыҡсылар конкурсы үткәрелә....

Тотош уҡырға 449

Хәтер һандығына

Хәтер һандығына 19.12.2018 // Эй ултыра балыҡсы...

Йылға-күлдәр боҙ менән ҡапланғас та һәүәҫкәр балыҡсылар табыш артынан ашыға. Кемдер күп тота, әммә...

Тотош уҡырға 477

Үҙебеҙ – гидрометеоүҙәк

Үҙебеҙ – гидрометеоүҙәк 19.12.2018 // Эй ултыра балыҡсы...

Ҡайһы ғына балыҡсыны иртәгәге һауа торошо ҡыҙыҡһындырмай икән?!...

Тотош уҡырға 318

Һыла тотабыҙ

Һыла тотабыҙ 19.12.2018 // Эй ултыра балыҡсы...

Ыжғыр бурандар ҙа, көслө ҡар ҙа, ажғыр ел дә һыла тотоуға кәртә була алмай. Уны һәр саҡ рәхәтләнеп...

Тотош уҡырға 447