Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Туған телдә һөйләшкән – еңеүсе
Яңыраҡ Башҡорт дәүләт опера һәм балет театры сәхнәһендә Мәҙәниәт министрлығы, Халыҡтар дуҫлығы йорто, район һәм ҡала хакимиәттәре ойошторған шундай күркәм сара булды. Әммә уның хаҡында ойоштороусылар һәм сарала ҡатнашыусылар ғына белде, ахырыһы. Ә бит был акция башланған мәленән алып Башҡортостаныбыҙҙың һәр төбәген үҙенә йәлеп итте, һәр кем туған телендә милли хис-тойғоһон белдерергә ашыҡты.

Күп милләтле, күп конфессиялы Башҡортостандың бар асылын сағылдырған был байрамға ҡайһы ғына төбәктәрҙән килмәгәйнеләр ҙә ниндәй генә телдә сығыш яһаманылар?!

Башҡортостан Дәүләт Йыйылышы – Ҡоролтай рәйесе урынбаҫары Эльвира Айытҡолова ике байрамдың бергә тура килеүен, Рәсәй Конституцияһының әһәмиәтен билдәләне, байрам менән тәбрикләне.

Мәҙәниәт министры урынбаҫары Рәнис Алтынбаев сарала ҡатнашыусыларҙың һәр береһенә рәхмәт әйтте, сөнки бөгөн уҡыусының туған теленә битараф булмауы – шулай уҡ ҙур баһаға лайыҡ кү­ренеш. Моң эйәһе Әлим Ҡәйүмов, З. Ис­мәғилев исемендәге Өфө дәүләт сәнғәт институты студенты Земфир Рәшитовтың ҡурай моңдары, Айнур Баяновтың йыры, халыҡ-ара конкурстар лауреаты Лилиә Мөхәмәҙиева, “Ойимкыз”, “Сикварулли” ансамбле солистарының “Чечен лезгин­каһы” байрамға йәм өҫтәне.

Йомғаҡлау тантанаһында, сара баш­лан­ғандан алып һәр ай һөҙөмтәләренә туҡта­лып, еңеүселәрҙе билдәләнеләр. Бо­рай районынан 10-сы класс уҡыусыһы Юлиана Хәлиуллина, Әмир Әхмәҙуллин, Нефтекаманан уҡытыусы Оксана Килде­йә­ро­ва, Яңауыл районынан Әминә Әхә­то­ва, Бишбүләк районынан Алена Степа­но­ва, Баймаҡ районынан Айгөл Баттало­ва, туған телде данлап, шиғырҙарын уҡыны.

Тәтешле районынан Ирина Сәмиғо­ло­ва, уның улы Эмиль удмурт телендә үҙ халҡына дан йырланы. Милли ке­йемдәрҙең сағыулығы әллә ҡайҙан күҙгә ташланып тора. Алда әйткәнемсә, был үҙенсәлекле сарала ҡатнашыусыларҙың сығышын халыҡ-ара форумдарҙа ла күрһәтергә була. Бына ниндәй ул күп милләтле, үҙ еренә башҡа милләт вәкил­дәрен дә һыйындырған Башҡортостан!

Халыҡтар дуҫлығы йорто директоры Азат Ибраһимов үҙ сығышында: “Ер йөҙөнән ике аҙна һайын бер тел юҡҡа сыға. Был фажиғәнән һәр кем үҙе генә телен һаҡлап ҡала ала!” – тине.

Иң кесе ҡатнашыусы Сибай ҡалаһынан Данияр Иҙрисов ине. Ул Башҡортос­тандың халыҡ шағиры Рәми Ғариповтың “Туған тел” шиғырын уҡыны. Тағы ла бер тапҡыр иҫкә алып китәйек бөгөнгөбөҙҙөң гимнына әйләнгән шиғырҙы:
Мин халҡымдың сәскә күңеленән
Бал ҡортондай ынйы йыямын,
Йыямын да – йәнле ынйыларҙан
Хуш еҫле бер кәрәҙ ҡоямын.

Шуға ла мин беләм тел ҡәҙерен:
Бер телдән дә телем кәм түгел –
Көслө лә ул, бай ҙа, яғымлы ла,
Кәм күрер уны тик кәм күңел.

Халҡым теле миңә – хаҡлыҡ теле,
Унан башҡа минең илем юҡ;
Илен hөймәҫ кенә телен hөймәҫ,
Иле юҡтың ғына теле юҡ!

Әсәм теле миңә – сәсән теле,
Унан башҡа минең халҡым юҡ,
Йөрәгендә халҡы булмағандың
Кеше булырға ла хаҡы юҡ!
Хәтәр итеп уҡый был заман балалары ошо шиғырҙы. Улар уға үҙҙәренең тойғоларын да һала белә!

Бишбүләк районынан Айрат Батраев менән беҙ Айыт ауылында танышҡайныҡ. Ул Башҡортостандың халыҡ яҙыусыһы Зәйнәб Биишеваның “Башҡорт теле” шиғырын бик оҫта итеп яттан һөйләгәйне. Бына бит уға был юлы ла уңыш йылмайған: Айрат – республика акцияһы еңеүсеһе!
Башҡортостан немецтары Благовар районында төпләнгән. Светлана Кунц Гейненың шиғырын ошо телдә яңғыратты.

Баймаҡ районының Темәс мәктәбе уҡыусылары октябрь еңеүселәре тип табылған. 1-се класс уҡыусыларын – Ирхан Рәхимовты, Раушания Үлйәбаеваны, Розалия Ибраһимованы, Нурания Таштимерованы –тәбрикләгәндә сикһеҙ тулҡынланыу кисерҙем. Балалар М. Хәйҙең “Ватан” шиғырын шул тиклем матур итеп һөйләне. Анау хәтлем аралар үтеп, “Башҡорт теленә дан йырлайым!” тип килеп еткәндәр бит улар! Афарин, бәләкәстәр! Хәйбулла районының Аҡъяр ауылынан килгән Нәркәс Йәнбирҙина, Лиана Ҡыҙрасова хаҡында ла ошо уҡ һүҙҙәрҙе әйтеп булыр ине. Туған телдәрендә шиғыр уҡыу теләге йыйған балаларҙы мәркәзгә.

Сарала ҡатнашыусыларҙы “Нарспи” сыуаш фольклор-этнографик ансамбле, “Балҡы, минең ерем!” йыры менән Карина Хәсәнова ла ҡотланы.
Бер ҡараһаң, бөгөнгө кешеләрҙең кү­беһе милли асылды һаҡлап ҡалыуҙы аңлай ҙа кеүек. Шул уҡ ваҡытта ни сәбәп­тәндер күптәр балаларын тамырҙарынан өҙөп, еңел юл һайлай. Еңел юл тигәнебеҙ киләсәкте ҡамғаҡтай йәһәннәм утына осорғанын тойһа ла, әҙәм балалары кешелек асылын онотоп ебәрә, күрәһең. Урал батыр беҙгә васыят әйткән: “Олоно оло итегеҙ, Кәңәш алып йөрөгөҙ, Кесене кесе итегеҙ, кәңәш биреп йөрөгөҙ!” Ә ата-бабалар беҙгә тап ерҙе, илде, телде һаҡларға мираҫ иткән. Туған телде белеү ул һәр саҡ модала булырға тейешле лә бит!..




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Көсөңдө һынап ҡара

Көсөңдө һынап ҡара 25.03.2019 // Бәйгеләр һәм конкурстар

Социаль селтәрҙәрҙә “Салауат әйтеше” республика конкурсы башланды....

Тотош уҡырға 272

Гөлшат Ғәбитова – еңеүсе!

Гөлшат Ғәбитова – еңеүсе! 22.03.2019 // Бәйгеләр һәм конкурстар

“Башҡортостандың йыл уҡытыусыһы – 2019”, шул иҫәптән, “Башҡортостандың башҡорт теле һәм әҙәбиәте...

Тотош уҡырға 396

Бер япраҡ саҡлы ғына...

Бер япраҡ саҡлы ғына... 22.03.2019 // Бәйгеләр һәм конкурстар

Тверь ҡалаһындағы Андрей Дементьев исемендәге поэзия йортонда Бөтә донъя шиғриәт көнөнә арналған...

Тотош уҡырға 186

Бокс менән шөғөлләнгән һылыуҡай

Бокс менән шөғөлләнгән һылыуҡай 20.03.2019 // Бәйгеләр һәм конкурстар

Бөгөн Мәскәүҙә илдең төп матурлыҡ конкурсы “Мисс Рәсәй-2019” башлана....

Тотош уҡырға 227

“Минең тыуған ҡырҙарым, балдай татлы һыуҙарым!”

“Минең тыуған ҡырҙарым, балдай татлы һыуҙарым!” 18.03.2019 // Бәйгеләр һәм конкурстар

Башҡортостандың 100 йыллығы айҡанлы ошондай исем аҫтында “Шоңҡар” журналында эшләгән...

Тотош уҡырға 314

Һылыуҙарҙан-һылыу кем булыр?

Һылыуҙарҙан-һылыу кем булыр? 14.03.2019 // Бәйгеләр һәм конкурстар

25 мартта М. Ғафури исемендәге Башҡорт дәүләт академия драма театрында “Һылыуҡай – 2019” республика...

Тотош уҡырға 275

Күп “лайыҡ” йыйһаң, смартфон алырһың

Күп “лайыҡ” йыйһаң, смартфон алырһың 07.03.2019 // Бәйгеләр һәм конкурстар

8 Март байрамы алдынан Балаларҙың ышаныс телефоны сайтында (8-800-2000-122) “Мин әсәйем тураһында...

Тотош уҡырға 248

Шаярһалар ҙа... уйлан!

Шаярһалар ҙа... уйлан! 26.02.2019 // Бәйгеләр һәм конкурстар

Мәләүездең ҡала мәҙәниәт һарайында мәктәп уҡыусылары араһында “Шаяндар һәм тапҡырҙар клубы” (КВН)...

Тотош уҡырға 278

Бер һылыуға – бер батыр

Бер һылыуға – бер батыр 20.02.2019 // Бәйгеләр һәм конкурстар

Көйөргәҙе районынының Айсыуаҡ ауыл мәҙәниәт йортонда “Һылыуҡай-2019” һәм “Көйөргәҙе батыры-2019”...

Тотош уҡырға 240

Белореттар шулай ял итә

Белореттар шулай ял итә 11.02.2019 // Бәйгеләр һәм конкурстар

Белорет районының Ҡоҙғон-Әхмәр ауылында инде традицияға әйләнгән ҡышҡы ат сабыштары уҙҙы....

Тотош уҡырға 332

Колымалағы яҙ ныҡ тәьҫир иткән

Колымалағы яҙ ныҡ тәьҫир иткән 24.01.2019 // Бәйгеләр һәм конкурстар

“Росреестр” тарафынан ойошторолған “Минең ерем, минең Рәсәй” фотоһүрәттәр конкурсына йомғаҡ яһалды....

Тотош уҡырға 528

Кемдең роботы көслөрәк?

Кемдең роботы көслөрәк? 24.01.2019 // Бәйгеләр һәм конкурстар

Башҡортостанда 2 февралдә “РобоПром-2019” асыҡ робот техникаһы фестивале башлана....

Тотош уҡырға 450