Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Теҙген оҫта ҡулдарҙа
Теҙген оҫта ҡулдарҙа
Илсеғолдар малсылыҡта ла, үҫемлекселектә лә һыр бирмәй.

Ауыл хужалығы предприятиеларының күпселегендә финанс-иҡтисади хәл малсылыҡҡа бәйле. Малың ишле, уға аҙыҡ та етерлек булһа, техникаң геүләп эшләһә, уңышлы һәм табышлы көн итә алаһың. Райондың “Илсеғол” ауыл хужалығы кооперативы бөгөн тап шундайҙар иҫәбендә, ауыл эшсәндәре малсылыҡта ла, үҫемлекселек өлкәһендә лә юғары һөҙөмтәләргә өлгәшеп, йәмғиәт данын йыраҡтарға тарата.

Хужалыҡтың алдынғылар рәтенә сығыуына идара теҙгенен оҫта ойоштороу­сы, тәжрибәле һәм уңған етәксе Роман Васильевич Жнейкиндың үҙ ҡулына алыуы булышлыҡ иткәндер, моғайын. Бөлгөнлөккә дусар булған “Большевик” колхозы базаһында ойошторолған кооперативта элек-электән малсылыҡҡа етди иғтибар бүленә, тоҡомсолоҡ заводы булараҡ, ул республиканың күп кенә хужалыҡтарын сифатлы мал менән тәьмин итә. Йыл һайын кооператив 100-гә яҡын баш мал һатып, үҙ ҡаҙнаһын байыта. Етәкселек ауыр йылдарҙа ла мал һанын кәметеүгә юл ҡуймай, киреһенсә, арттырыуға өлгәшә.

Бөгөн “симменталь” тоҡомло 1220 баш мал заманса механизацияланған һөтсөлөк фермаларында аҫрала. Бында ҡул көсө ҡулланмайҙар тиерлек. Йәй яҡшы ремонт үткәргәндәр, мал иркен йөрөһөн өсөн ялан кәртәләр эшләнгән, яңы тыуған быҙауҙарға айырым йылы ҡуралар булдырылған. Малсыларға уңайлы шарттар тыуҙырылып, белгестәргә эш бүлмәһе ҡаралған. Етәкселек тарафынан һәр кемгә иғтибар һәм ихтирам булғас, һәлкәүҙәр юҡ, эш һорап килеүселәр күп.

Ҡышҡылыҡҡа ауыл эшсәндәре етерлек күләмдә мал аҙығы етештергән, бесән-һаламға ҡытлыҡ тойолмай, алты силос соҡоро аҙыҡ менән тулы. Шартлы бер баш малға 40 центнер мал аҙығы берәмеге тура килә.

– Мал ҡышлатыу уңышлы ғына бара. Ойоштороу эше яҡшы ҡуйылғас, әҙерлек кимәле юғары булғас, ҡыйынлыҡтар кисермәйбеҙ, – ти хужалыҡтың баш зоотехнигы Флүр Йосопов. – Әле малдар теремек һәм көр. Эшселәрҙең күңеле күтәренке, сөнки хеҙмәт хаҡы ваҡытында түләнә, эш һөҙөмтәһенә ҡарап, премия ла бүленә. Шәхси ихатаһында мал аҫраусыларға бушлай аҙыҡ та бирелә.

Әйткәндәй, йәмғиәттә өс ауыл халҡы мәшғүл. Хеҙмәт хаҡын бында тотҡарламаҫҡа тырышалар, шуға ла эштән китеүселәр юҡ. Ә эшсе ҡулдар һәр ерҙә лә кәрәк бит.

Бөгөн 100-гә яҡын кеше хужалыҡ йөгөн тарта. Ололар менән бер рәттән бында егет һәм ҡыҙҙар ҙа тырышып эшләй. Башҡортостан дәүләт аграр университетын тамамлап эшкә ҡайтҡан белгестәр ҙә бар. Алмаш үҫә.

“Илсеғол”да зоотехник һәм ветеринарҙар көслө, яһалма ҡасырыу уңышлы ҡулланыла. Яһалма ҡасырыу белгесе Гүзәлиә Яхина үҙ эшенә яуаплы ҡарай, үлем осрағы ла кәмегән. Йыл да көтөүгә яңы таналар индерелә. Күптән түгел Ауырғазы яҡтарынан 50 баш йәш тана һатып алып ҡайтҡандар. Әле 360 баш һауын һыйыры бар. Көнөнә 1,5 тонна һөт һауып алалар. Миәкә май заводы ла йәмғиәттең һөтөнә өҫтөнлөк бирә. Малдарҙың ауыҙынан аҙыҡ өҙөлмәгәс, ул төрләндереп тә бирелгәс, көндәлек тулайым һауым арта.

Хужалыҡ, һөт етештереүҙән тыш, ит һатыу менән дә шөғөлләнә. Иркен ялан кәртәләрҙә бөгөн 300-ләп баш мал һимертеүгә ҡуйылған. Сифатлы продукция район, республика баҙарҙарында ҙур ихтыяж менән файҙаланыла.

“Илсеғол”да үҙ эшенең оҫталары йыйылған, һәр кем намыҫлы хеҙмәт өлгөһө күрһәтә. Һауынсылар Рәмзилә Мөхәмәт­йәнова, Ирина Турайәнова, Люциә Шәрипова, Гөлнур Арыҫланова, көтөүселәр Илфат Мөхәмәтйәнов, Фаил Йыһангиров, Фидан Хәлимовтарҙың хеҙмәте маҡтауға лайыҡ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Ауыл ҡатынының тормошон ауырлаштыралар

Ауыл ҡатынының тормошон ауырлаштыралар 27.03.2019 // Ауыл хужалығы

Ауыл ерендә эшләгән ҡатын-ҡыҙҙы бигүк күңелле булмаған үҙгәрештәр көтә. Рәсәйҙең Хеҙмәт һәм социаль...

Тотош уҡырға 1 448

Илдар ирландтарҙы нимәгә өйрәтер?

Илдар ирландтарҙы нимәгә өйрәтер? 26.03.2019 // Ауыл хужалығы

Мәләүез районынан Илдар Ишәкәев Ирландияға юлға сыҡты....

Тотош уҡырға 962

Ҡыш бауыры  оҙон түгел

Ҡыш бауыры оҙон түгел 26.03.2019 // Ауыл хужалығы

Арбаңды — ҡыш, санаңды йәй әҙерлә....

Тотош уҡырға 1 291

Ауылды улар йәшәтә

Ауылды улар йәшәтә 26.03.2019 // Ауыл хужалығы

Грант аҡсаһына — һөтсөлөк фермаһы....

Тотош уҡырға 1 436

Хәҙер Ахунға барырға мөмкин

Хәҙер Ахунға барырға мөмкин 23.03.2019 // Ауыл хужалығы

Учалы районында быға тиклем махсус мал һуйыу урындары икәү генә ине – ҡалала һәм Озерный...

Тотош уҡырға 982

Һөт сертификация үтәсәк

Һөт сертификация үтәсәк 22.03.2019 // Ауыл хужалығы

Рәсәй Ауыл хужалығы министрлығынан хәбәр итеүҙәренсә, быйыл майҙа әҙер һөт продукцияһын “Меркурий”...

Тотош уҡырға 986

Ауыл хужалығы предприятиеларын көтәләр

Ауыл хужалығы предприятиеларын көтәләр 19.03.2019 // Ауыл хужалығы

Шишмә районында ауыл хужалығы йүнәлешендәге индустрия паркы барлыҡҡа киләсәк....

Тотош уҡырға 954

“Ленин”дарға эйәрергә була

“Ленин”дарға эйәрергә була 19.03.2019 // Ауыл хужалығы

Стәрлебаш районының Ленин исемендәге ауыл хужалығында мал ҡышлатыу уңышлы ойошторолған....

Тотош уҡырға 1 030

Сифатлы орлоҡһоҙ алға китеш юҡ

Сифатлы орлоҡһоҙ алға китеш юҡ 19.03.2019 // Ауыл хужалығы

Был һүҙҙәрҙең дөрөҫлөгөн ерҙе яратҡан һәр кем яҡшы аңлай. Әлбиттә, һауа шарттарының нисек килеүе,...

Тотош уҡырға 946

“Ҡалмыҡ” тоҡомлолар даланы үҙ иткән

“Ҡалмыҡ” тоҡомлолар даланы үҙ иткән 19.03.2019 // Ауыл хужалығы

Хәйбулла районы Өфө ауылынан Марат Булатов – районда малсылыҡ тармағында уңышлы эшләгән...

Тотош уҡырға 1 016

Ауыл ерендә эшләгәндәр өҫтәмә алды

Ауыл ерендә эшләгәндәр өҫтәмә алды 18.03.2019 // Ауыл хужалығы

1 ғинуарҙан ауыл ерендә малсылыҡта, үҫемлекселектә, балыҡсылыҡта 30 йыл эшләгән пенсионерҙарға...

Тотош уҡырға 1 199

Ҡолоштан мал алмай тор...

Ҡолоштан мал алмай тор... 18.03.2019 // Ауыл хужалығы

Учалы районының Ураҙ ауыл биләмәһенә ҡараған Ҡолош ауылында ғәҙәттән тыш хәл теркәлгән....

Тотош уҡырға 990