Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡыҙыл һыуын һыулап, Ҡырҡты тауын буйлап
Ҡыҙыл һыуын һыулап, Ҡырҡты тауын буйлап Әбйәлилде күргән һәр кем уның матурлығына хайран ҡалалыр. Әммә был төбәктең иң сағыу биҙәге — дәртле һәм ихлас халҡы. Талантлы кешеләр йәшәй Әбйәлилдә: уларҙың рухы тауҙарҙан бейек, ә күңел киңлегенең иге-сиге юҡ. Шулай булмаһа, республикала барған “Әҙәби нағыш” марафонын шул тиклем юғарылыҡта үткәрерҙәр инеме ни?!


Ҡыҙыл һыуын һыулап, Ҡырҡты тауын буйлапОшо ерҙә тыуып үҫкән талантлы шағирәләрҙең береһе, Шәйехзада Бабич исемендәге дәүләт йәштәр премияһы лауреаты, “Башҡортостан ҡыҙы” журналының баш мөхәррире Гөлназ Ҡотоева етәкләгән делега­цияға әҙәбиәтебеҙҙең сағыу йондоҙ­ҙары – Салауат Юлаев исемендәге дәүләт премияһы лауреаты, күренекле яҙыусы һәм драматург Таңсулпан Ғарипова, яратҡан шағирәбеҙ Таң­һы­лыу Ҡарамышева, “Аҡбуҙат” журна­лының баш мөхәррире, Башҡортостан Яҙыусылар союзының шиғриәт сек­ция­һы етәксеһе Тамара Искәндәриә, драматург һәм композитор Зөһрә Фәйзуллина — ингәйне. Шағирәләргә юлдаш булып Башҡортостандың Ҡатын-ҡыҙҙар союзы рәйесе Рәшиҙә Солтанованың да килеүе сараға йәм һәм мәртәбә өҫтәне.
Әбйәлил районында Башҡортостан Яҙыусылар союзының биш ағзаһы йәшәй. Улар – Әсхәл Әхмәт-Хужа, Айһылыу Йәғәфәрова, Гөлшат Әхмәт­ҡужина, Иҙрис Ноғоманов һәм Зөл­фирә Ҡарағужина. Шулай уҡ бында оҙаҡ йылдар “Йәйғор” әҙәби берек­мәһе эшләп килә, һуңғы йылдарҙа Учалы, Белорет, Әбйәлил райондарында һәм Силәбе өлкәһенең Магнитогорск ҡалаһында йәшәүсе ҡәләм тирбәтеүселәрҙе бергә туплаған “Ҡу­ңыр буға” ойошмаһы ла барлыҡҡа килгән. Күренеүенсә, төбәктә ижад утында дөрләп янғандар бихисап. Төрлө әҙәби конкурстар лауреаттары, бер нисә китап авторҙары Фәнүзә Биктимерова, Мәҙинә Йәғәфәрова, Зөһрә Кашапова, Айһылыу Хәсәнова, Хәҙис Ниғмәтуллин кеүектәрҙең исеме әҙәбиәт һөйөүселәргә яҡшы таныш.
“Әҙәби нағыш” марафонында ҡат­нашыусыларҙы район сигендә икмәк-тоҙ, яҡты йөҙ менән ҡаршыланылар. Байым ауылындағы “Күбәләк биҙәктә­ре” фольклор ансамбле ағзаларының таҡмаҡтары, кейеҙ менән бейеүҙәре юлда бер аҙ талсығып килгән арҙаҡлы ҡатын-ҡыҙҙарыбыҙға дәрт өҫтәне, күңелдәрен күтәрҙе. Артабан ҡунаҡтар район хакимиәте башлығының социаль мәсьәләләр буйынса урынбаҫары Рәйлә Солтанова, мәҙәниәт бүлеге етәксеһе Гөлшат Лавренова, район­дың ҡатын-ҡыҙҙар ойошмаһы рәйесе Линиза Сәғәҙиева һәм Ташбулат ауыл Советы хакимиәте башлығы Салауат Нафиҡов оҙатыуында Күсем ауылына юлланды. Унда яҙыусы­ларҙы кырандаслы арбаларға ултыртып алдылар ҙа Күсем урамы буйлап йөрөттөләр. Ауыл мәҙәниәт йорто етәксеһе Зөл­фи­рә Ҡарағужина әҙерләгән матур әҙәби композицияны ҡарағандан һуң, ҡунаҡ­тар Советтар Союзы Геройы Таһир Кусимовтың йорт-музейында булды. Әйткәндәй, халҡыбыҙҙың ҡаһарман улының исемен мәңгеләш­тереү, йәш быуынды илһөйәрлек рухында тәрбиәләү, күркәм ижади йолаларҙы арттырыу маҡсатында Таһир Кусимов исемендәге призға төбәк-ара конкурс иғлан итеү инициативаһы менән район хакимиәте етәкселегенә тап күсемдәр мөрәжәғәт иткән.
Йәмле Яҡтыкүлдең, мәғрур Ҡырҡты тауының хозурлығын күреп һоҡланды әҙибәләр. Улар тау саңғыһы үҙәге урын­лашҡан түбәгә күтәрелеп, бар ти­рә-яҡтың матурлығын тамаша ҡылды.
Район хакимиәте башлығы Рим Сың­ғыҙов, Өфө ҡунаҡтарын үҙ бүл­мәһендә ҡабул итеп, төбәктең бөгөнгө тормошо менән таныштырҙы, Әҙәбиәт йылын әбйәлилдәрҙең дәррәү күтәреп алыуы хаҡында һөйләне.
Артабан яҙыусылар Асҡарҙың үҙәк китапханаһына юл алды. Район үҙәк­ләштерелгән китапханалар системаһы директоры Илүзә Шәйәхмәтова етәк­селегендәге хеҙмәткәрҙәр районда ты­уып үҫкән яҡташ яҙыусыларҙың ижа­дын һәм ошонда йәшәп ижад итеү­се ҡәләмдәштәренең китаптарынан бай күргәҙмә әҙерләгән, Әбйәлилдең әҙәби картаһын төҙөгән. Әлмөхәмәт тулы булмаған урта мәктәбенең йәш сәсәндәре сығышы һүҙ көсөнөң баһа­һын, районда сәсәнлек мәктәбенең уңышлы эшләүен күрһәтте.
“Әҙәби нағыш”тың төп талаптарына ярашлы ҡулъяҙмалар тикшереү – ҡә­ләм тирбәтеүселәр өсөн сараның иң тулҡынландырғыс мәлелер. Йәш ижад­сыларға баш ҡаланан килгән яҙыу­сыларҙан һүҙ ишетеү, уларҙың фекерҙәрен тыңлау, кәңәштәрен алыу йыш тәтемәй. Был юлы дүрт ижад­сының – Земфира Әбүшаһманова, Нәркәс Ҡәйепҡолова, Лилиә Солтанова һәм Динара Ғәлләмованың — ҡулъяҙмаларына баһа бирелде.
Әбйәлилдәр күберәген йәштәрҙең, дөрөҫөрәге, уҡыусыларҙың ижадын тәҡдим иткән. Уларға өмөт юҡ түгел. Лилиә Солтанованың шиғырҙарында, мәҫәлән, үҙенә генә хас табыштар бар. Ҡыҙыҡай оҫта һүрәтләү һәләтенә эйә, ритм, рифма хаҡында ла бик яҡшы бе­лә, сағыштырыуҙарҙы оҫта ҡуллана. Әйт­кәндәй, Лилиә – “Йәншишмә” гә­зитенең һәм “Аманат” журналының йәш хәбәрсеһе лә. Динара Ғәл­лә­мованың шиғырҙары әсәй, бесәй, көҙ, яҙ, Ҡыш бабай, Ҡарһылыу тураһында. Ә бына ХI класты тамамлаған Нәркәс Ҡәйепҡолова ололарса фекер йөрө­төүе, фәлсәфәүи уйланыуҙары менән хайран итте.
Шуныһы һөйөнөслө: ҡулъяҙ­ма­лар­ҙы тикшереүҙә районда йәшәп ижад итеүселәр, шул иҫәптән Яҙыусылар со­юзы ағзалары ла бик әүҙем ҡат­наш­ты. “Ҡуңыр буға” әҙәби ойошмаһы етәк­сеһе Мәүлит Ямалетдинов уҡыусы ҡыҙ­ҙарҙың һәр береһенең ижадына баһа бирҙе, үҙҙәрендәге берекмәнең эше, маҡсаттары менән таныштырып үтте.
– Йәш булыуҙарына ҡарамаҫтан, әлеге ҡыҙҙар әүҙем яҙыша, уларҙың шиғырҙарын республика матбуғатына тәҡдим итергә кәрәк, – тине ул үҙ сығышында.
Олпат шағир Әсхәл Әхмәт-Хужа ла йәштәргә кәңәштәрен бирҙе, республикала үткән “Әҙәби нағыш” марафоны яңы таланттар табыуға, яңы исемдәр асыуға үҙ өлөшөн индерер, тине.
Ҡунаҡтар Салауат Юлаев һәйкә­ленә сәскә һалғандан һуң район мә­ҙәниәт йортона юл алды. Ҡыҙыу эш мәле булыуға ҡарамаҫтан, яҙыу­сы­ларҙы тулы зал ҡаршы алды. Район хакимиәте башлығы Рим Сыңғыҙов, сараны асып, ҡунаҡтарға, ҡат­на­шыу­сыларға рәхмәт белдерҙе. Йылъяҙма-китапты Әбйәлил районына тапшырыу өсөн Белорет районы мәҙәниәт ида­ралығы директоры урынбаҫары Татьяна Габова, үҙәкләштерелгән китап­ханалар селтәре директоры Рәшит Мөхәмәҙиев, Межгорье ҡалаһы китапханаһы мөдире Тамара Горькова, шағирҙар Александр Тутиков, Мансур Һиҙиәтов килгәйне.
Йыр-моң менән үрелеп барған ки­сәнең иң тулҡынландырғыс мәле “Йәй­ғор” әҙәби берекмәһе ағза­ларының ра­йондағы уҡыусылар араһында уҙғарылған “Минең беренсе китабым” конкурсында еңеүселәрҙең “Йыр­ҙа­рыбыҙ һиңә, Әбйәлил!” тигән йы­йын­тығын йәш ижадсыларға тантаналы рәүештә тапшырыуы булғандыр. Апай-ағайҙарының ышанысы йәш ҡа­наттарҙың нығыуына булышлыҡ итмәй ҡалмаҫ, моғайын. Шулай уҡ кисәлә әбйәлилдәргә Мәүлит Ямалетдинов “Ҡуңыр буға” әҙәби ойошмаһы ағза­ларының ижад емештәрен туплаған йыйынтыҡты бүләк итте, үҙенсәлекле шағир Хәҙис Ниғмәтуллин да “мейестән әле генә сыҡҡан” китабын ҡулына алып ҡыуанды.
Шағирә Гөлназ Ҡотоева яҡташ­та­рына әҙәби марафонды юғары кимәл­дә үткәргәндәре өсөн оло рәхмәт белдерһә, яҙыусы Таңсулпан Ға­ри­пова башҡорт халыҡ йыры “Түрәкәй”ҙе йырлап ишеттерҙе. Әсхәл Әхмәт-Хужа, Айһылыу Йә­ғә­фәрова, Гөлшат Әх­мәтҡужина, Иҙрис Ноғо­мановтарҙың сығышы ла көслө алҡыштарға кү­мелде.








Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Радик Юлъякшин да килә

Радик Юлъякшин да килә 05.02.2019 // Анонстар

6 февралдә Башҡортостандың халыҡ артисы Әхәт Мортазиндың Хәтер кисәһе үтә....

Тотош уҡырға 998

Ғабдрахман Ҡадировтың мотоциклын күрергә килегеҙ

Ғабдрахман Ҡадировтың мотоциклын күрергә килегеҙ 09.01.2019 // Анонстар

29 ғинуарҙа Башҡорт дәүләт филармонияһында “Башҡортостандың 100 исеме” проекты сиктәрендә “Тәүге...

Тотош уҡырға 1 117

Рок тере. Мәннән дә тере

Рок тере. Мәннән дә тере 14.12.2018 // Анонстар

Башҡорт рок-музыка яратыусылары йәнә Өфөлә “Урал батыр” республика фестивалендә йыйыласаҡ. Икенсе...

Тотош уҡырға 1 060

Телевидениела – “Тракторсы мөхәббәте”

Телевидениела – “Тракторсы мөхәббәте” 26.10.2018 // Анонстар

Башҡортостан юлдаш телеканалы “Тракторсы мөхәббәте” тигән ҡаҙаҡ киносериалын күрһәтә....

Тотош уҡырға 1 174

Аҙанлы таң – көнгә ҡеүәт

Аҙанлы таң – көнгә ҡеүәт 22.08.2018 // Йәмғиәт / Анонстар

Байрамса кейенгән, йөҙҙәрендә нур балҡыған, ҡараштарынан изгелек бөркөлгән ҡәрҙәштәребеҙ иртә менән...

Тотош уҡырға 1 163

Иҫке Күлдә – яңы үҙәк

Иҫке Күлдә – яңы үҙәк 21.08.2018 // Социаль мәсьәлә / Анонстар

Нуриман районының Иҫке Күл ауылында “Башҡортостандың 100 йыллығына – 100 объект” программаһына...

Тотош уҡырға 1 237

Нуриман районының Иҫкекүл ауылында яңы социаль-мәҙәни үҙәк асылды

Нуриман районының Иҫкекүл ауылында яңы социаль-мәҙәни үҙәк асылды 17.08.2018 // Йәмғиәт / Анонстар

Нуриман районының Иҫкекүл ауылында социаль-мәҙәни үҙәк асылды. Тантанала республика Башлығы...

Тотош уҡырға 1 304

Башҡорт сәйен эсеп ҡарағыҙ!

Башҡорт сәйен эсеп ҡарағыҙ! 16.08.2018 // Иҡтисад / Анонстар

Боланут (иван-чай) хаҡында күптәрҙең ишеткәне бар. Интернет селтәрендә лә был шифалы эсемлектең...

Тотош уҡырға 1 301

Ергә эйелергә йыбанмаһаң...

Ергә эйелергә йыбанмаһаң... 15.08.2018 // Эшҡыуар / Анонстар

Илле дүрт сутый баҡса. Аҙмы был, күпме? Йөҙәр гектар баҫыуҙарҙа эш иткәндәргә бындай ҙурлыҡтағы...

Тотош уҡырға 1 346

Төбәк бәҫе – мәғарифтың көсөндә

Төбәк бәҫе – мәғарифтың көсөндә 14.08.2018 // Социаль мәсьәлә / Анонстар

Баш ҡалабыҙ Өфөлә сираттағы Мәғариф буйынса республика кәңәшмәһе үтте. Уның эшендә 600-ҙән ашыу...

Тотош уҡырға 1 216

Эштең ауырлығын һиҙмәйҙәр

Эштең ауырлығын һиҙмәйҙәр 10.08.2018 // Иҡтисад / Анонстар

Байрам алдынан төҙөлөш тармағы хеҙмәткәрҙәре Башҡортостан Республикаһы Башлығы Рөстәм Хәмитовтың...

Тотош уҡырға 1 257

Күрһәтерлек өлгө бар

Күрһәтерлек өлгө бар 08.08.2018 // Иҡтисад / Анонстар

Республика Башлығы Рөстәм Хәмитов Бүздәк районына эш сәфәре барышында ураҡ барышы менән танышты,...

Тотош уҡырға 1 184