Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Балалар баҡсаһында – башҡорт төркөмө
Балалар баҡсаһында – башҡорт төркөмөАта-әсәләрҙең һорауы буйынса Шишмә районындағы “Алкин” шифаханаһы ауылының “Тирмәкәй” балалар баҡсаһында “Ҡурай” башҡорт төркөмө эшләй башланы. Уны асыуға балалар ҙа, ата-әсәләр һәм тәрбиәселәр ҙә етди әҙерләнгән. Төркөмдә башҡорт милли мөйөшө – тирмәнең бер күренеше һынландырылған. Диуарҙарҙың биҙәлеше лә, шәжәрәләр эленеп тороуы ла башҡорт мөхитен йәнләндереүгә ярҙам итә.

Тантаналы көндә кескәйҙәр туған телдә шиғырҙар һөйләне, йырланы һәм дәртләнеп бейене. Ата-әсәләр төркөм асыу тәҡдимен күтәреп алған баҡса мөдире Регина Ринат ҡыҙы Ильясоваға рәхмәт һүҙҙәрен еткерҙе. “Ҡурай” төркөмөнә тәжрибәле тәрбиәсе Зәлифә Фәнил ҡыҙы Вәлиева етәкселек итә.
Яңы асылған төркөмгә бү­ләк­тәр менән Бөтә донъя башҡорт­тары ҡоролтайы Башҡарма комитеты рәйесе Әмир Ишемғолов, ветеран-педагог Мәрйәм Бура­ҡаева, Өфөнөң 166-сы балалар баҡсаһы мөдире Гөлсара Килде­ғолова килде. Шулай уҡ тантанала республиканың Мәғариф министрлығынан, Мәғарифты үҫтереү институтынан, Шишмә районы хакимиәтенең Мәғариф идаралығынан һәм район ҡорол­та­йынан вәкилдәр ҡатнашты.
“Алкин” шифаханаһы ауылы – Өфө янындағы “Үҙ йортом” социаль программаһы буйынса төҙөлгән өс ауылдың береһе. Унда йәшәгән халыҡтың яртыһы – башҡорт милләтенән. 2015 йылда файҙаланыуға тапшырылған яңы “Тирмәкәй” балалар баҡса­һында спорт залы, музыка бүлмә­ләре, рәсем төшөрөү студияһы бар. Бөгөн килеп тулыһынса йыһазландырылған баҡсала башҡорт мөхитенә урын табылыуы иһә айырыуса ҡыуаныслы.
Балалар баҡсаһы мөдире Регина Ильясова билдәләүенсә, уларға, үҙҙәренең ауылынан тыш, күрше Уҙытамаҡтан, Яңы Михайловканан, Алкин ҡасабаһынан да балаларын йөрөтәләр. Тимәк, дүрт ауыл халҡының бөгөн балалары өсөн башҡортса белем алыуҙы һайлау мөмкинлеге бар. Әйткәндәй, балаларҙы туған телдә тәрбиәләү өсөн хоҡуҡи йәһәттән бер кәртә лә юҡ.
Бөтә донъя башҡорттары ҡоролтайы Башҡарма комитеты ағзаһы Гөлсара Килдеғолова ата-әсәләрҙән башҡортса тәрбиә биреүҙе һорап яҙылған ғаризалар кәрәк булыуын билдәләне.
– Әле Өфө ҡалаһының һәр ра­йо­нында башҡорт балалар баҡсаһы йә баҡсала башҡорт төркөмдәре бар. Башҡа балалар ойошмалары ла башҡорт төркөм­дәре асырға әҙер. Әммә ата-әсәләргә әүҙем булырға, ойошҡан рәүештә үҙҙәре йөрөгән баҡса мөдиренә ғариза менән мөрә­жәғәт итергә кәрәк. Май айында киләһе уҡыу йылына төркөмдәр туплау башлана. Ошо осорҙа йүнәлтмә юллап мәғариф бүле­генә килгәндә, комиссияға теләгегеҙҙе белдерергә кәрәк. Әгәр йәшәгән урынығыҙҙа мөм­кинлек бар икән, һеҙҙе әҙер төркөмгә ебәрәләр. Әммә башҡорт балалар баҡсаһы йыраҡ икән, ғариза менән эш итергә кәрәк, — тине ул.
Белгес әйтеүенсә, башҡорт төркөмө асыуға бәйле ғаризалар иҫәбе аныҡ ҡына билдәләнмәгән. Шулай ҙа ауыл ерендә мөдирҙәр – 12, ҡалала 25 ғариза талап итеүе ихтимал. Закон буйынса иһә өс бала туған телендә белем алырға теләк белдерһә, уларға туған телде түңәрәктә өйрәнеү формаһы булһа ла тәҡдим ителергә тейеш. Рәсәй һәм Башҡортостан Конституцияһында ла был хаҡта асыҡтан-асыҡ яҙылған: һәр кем туған телендә белем алырға хоҡуҡлы.
“Ҡурай” төркөмөн асыу танта­наһында ҡунаҡтар шулай уҡ был балаларҙың артабан ҡайһы мәктәпкә барасағы һәм унда уларға үҙ телендә белем алырға мөмкинлектәре булыу-булмауы менән ҡыҙыҡһынды. Шишмә райо­ны хакимиәтенең мәғариф идаралығы етәксеһе Сөләймән Ваһапов был мәсьәләне контролгә алырға вәғәҙә бирҙе.
Бөтә донъя башҡорттары ҡоролтайы Башҡарма комитеты йыл башында башҡорт балалар баҡсаһы йәки балалар баҡсаһын­да башҡорт төркөмө асыуға өлгәшкән инициативалы ата-әсәләргә Өфөләге Республика халыҡ медицинаһы һәм апитерапия үҙәгендә дауаланыуға сертификат бүләк итеүе тураһында ла иғлан иткәйне. Был акцияны тәүгеләрҙән күтәреп алған һәм, урындағы мәғариф етәкселәренә мөрәжәғәт итеп, төркөм асыуға өлгәшкән ата-әсәләргә Ҡоролтай рәйесе Әмир Ишемғолов сертификат ҡына түгел, “Ҡурай” тәрбиәләнеүселәре өсөн бихисап уйынсыҡтар ҙа тапшырҙы.
Әйткәндәй, ошо уҡ акция нигеҙендә тиҙҙән Йылайыр райо­ны үҙәгендә лә башҡорт төркөмө асыла. Ә һеҙ, хөрмәтле йәмәғәт, балаларығыҙ баҡсала башҡорт телендә белем алһын өсөн ғариза яҙҙығыҙмы? Барыһы ла – һеҙҙең ихтыярҙа. Әүҙемерәк булайыҡ! Башҡортостанда балалар баҡсаһында башҡорт төркөмө асыу байрам түгел, ғәҙәти ғәмәл булырға тейеш!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Ҡурсаҡ театрында яңы миҙгел асыла

Ҡурсаҡ театрында яңы миҙгел асыла 24.08.2018 // Аҡмулла / Әҙәбиәт

Ҡурсаҡ театры тамашасыларға бер юлы өс премьера әҙерләне: “Етем төлкө”, “Буратино” камера...

Тотош уҡырға 483

Икеһе лә балалар өсөн

Икеһе лә балалар өсөн 24.08.2018 // Социаль мәсьәлә / Аҡмулла

Бөрйән районында “Башҡортостандың 100 йыллығына – 100 объект программаһы”на ярашлы ике...

Тотош уҡырға 662

Төмәнәктә туйҙар матур үтә

Төмәнәктә туйҙар матур үтә 24.08.2018 // Аҡмулла

Ҡайһы берәүҙәр “ауыл бөтә” тип ҡайғырғанда, Туймазы районындағы Төмәнәк ауылы халҡы дәртләнеп донъя...

Тотош уҡырға 395

Байрамдарҙың бармы ҙурыһы?!.

Байрамдарҙың бармы ҙурыһы?!. 24.08.2018 // Белем һәм тәрбиә / Аҡмулла

Хәҙер календарға күҙ һалыу менән аптырашҡа ҡалаһың, һәр көн – ниндәй ҙә булһа байрам. Ҡайһы бер...

Тотош уҡырға 396

Ике аҡҡош

Ике аҡҡош 16.08.2018 // Аҡмулла

Ике йәш йөрәк сәхнәлә табыша. Әхмәт Зәйнуллин менән Мәрхәбә Вәлишинаның уҡытыусы булып эшләй...

Тотош уҡырға 410

Урағайҙа, йөҙ йыл элек

Урағайҙа, йөҙ йыл элек 16.08.2018 // Аҡмулла

Рәсәй. Август. Ваҡиғалар....

Тотош уҡырға 383

Әҙерлек әүҙем бара

Әҙерлек әүҙем бара 10.08.2018 // Аҡмулла

Балалар яңы уҡыу йылын таҙа, төҙөк, күркәм мәктәптәрҙә ҡаршы алһын өсөн учалылар ҙур тырышлыҡ...

Тотош уҡырға 435

“Тантана ла, бер аҙ һағыш та бар...”

“Тантана ла, бер аҙ һағыш та бар...” 10.08.2018 // Аҡмулла

Шиғриәт – бер аҙ абстракт төшөнсә. Шағирҙың ижады, уның йәшәү кредоһы хаҡында телдән һөйләп аңлатыу...

Тотош уҡырға 433

Ижад ит һин бала күңелдәрен, Шиғыр итеп яҙ һин яҙмышыңды

Ижад ит һин бала күңелдәрен, Шиғыр итеп яҙ һин яҙмышыңды 10.08.2018 // Аҡмулла

Уның хаҡында ижади фекерләгән, балаларын олимпиадаларға әҙерләгән уҡытыусы булараҡ яҙырғамы, әллә...

Тотош уҡырға 599

“Шундай матур мәктәптә уҡырға кәрәк яҡшы!”

“Шундай матур мәктәптә уҡырға кәрәк яҡшы!” 10.08.2018 // Аҡмулла

Өфөнөң Октябрь районына ҡараған Нуғай ҡасабаһында яңы төҙөлгән мәктәп әллә ҡайҙан балҡып, үҙенә...

Тотош уҡырға 430

Хеҙмәт кенәгәһендә – бер генә яҙыу

Хеҙмәт кенәгәһендә – бер генә яҙыу 10.08.2018 // Белем һәм тәрбиә / Аҡмулла

Уҡытыусы һөнәре элек-электән маҡтауға лайыҡ. Уның абруйы, бәҫе һәр ваҡыт юғары. Шуға күрә уҡытыусы...

Тотош уҡырға 688

“Бишле”гә уҡыһаң – бушлай сәйәхәт

“Бишле”гә уҡыһаң – бушлай сәйәхәт 10.08.2018 // Аҡмулла

“iВолга-2018” Бөтә Рәсәй йәштәр форумына БДУ-ның Стәрлетамаҡ филиалы студенты Роман Баязитов...

Тотош уҡырға 391