Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
АңламағанЮмореска
Сираттағы ялымды быйыл да ауылда үткәрергә булдым. Йәй айының иң күңелле, ҡыҙыу мәле — бесән ваҡытына тура килдем. Үҙемдең бесәнлегем бер ҡасан да булмаһа ла, башҡа иптәштәргә, тиң-тоштарға ярҙамлашырға әүәҫмен. Шулай бер мәл өмә ойоштороп, кемгәлер бесән сабабыҙ. Эш араһында минең һәр төрлө мәҙәктәремде тыңлап, эстәре ҡатҡансы көлөп алырға ла яраталар. Егеттәр ялға туҡтаған саҡта:
— Ағай, йә берәй армейский анекдотыңды һалдырып ебәр әле, — тине кемеһелер.
Мин ни, анекдот тиһәң, кеҫәлә һәрмәнеп әллә ни оҙаҡ эҙләнгәндәрҙән түгел. Егеттәрҙең барыһы ла үҙемә иғтибарын йүнәлткәнен көтөп алғас, сираттағы лаҡапты һөйләй ҙә башланым:
— Армейскийҙарын һуңыраҡҡа ҡалдырайыҡ, егеттәр, хәҙер бесән мәле булғас ни, шул тирәнәнерәк башлап һөйләйем. Бер татар ҡыҙы башҡорт ғаиләһенә килен булып төшкәс, күп тә тормай, бесән мәле еткән. Әлбиттә, йәш килен өйҙә ятмаҫ инде, башҡалар менән бесәнгә барған. Бер талай бесән сабып, элегерәк сабылып кипкәндәрен йыйып күбәләгәс, былар ярайһы ғына арып, сәй эсергә ултырған. Бер аҙ ял иткәс, татар килен һүҙ башлай. “Сездә, башкортларда, печән эшләүләр, ай-һай, авыр икән дә ул. Печәнгә барарга кирәк, чабарга кирәк, жыярга кирәк, аннары тағы ла кайтарга кирәк. Ә бездә, татарларда, бик тә жиңел: барасың да, чабасың да, жыясың да, кайтасың да китәсең...”
Был көләмәсте егеттәр элегерәк ишеткәнме-юҡмы, әммә барыһы ла тәгәрәп ятып көлә. Тик арала Айсур исемле егет кенә ни өсөндөр миңә ғәжәпләнә биреберәк ҡараны, көлөргә уйы ла булманы. Көлөп тынысланғас, егеттәр салғы, яныуыстарын алып йәнә эшкә кереште.
Киләһе перекурҙа йәнә кемеһелер көләмәс һөйләүемде үтенде. Тик шул саҡ Айсур исемле теге егет:
— Ағай, һин тәүҙә баяғы анекдотыңдың мәғәнәһенә төшөндөрөп кит әле. Шуны тәки аңламаным: нисек инде татарҙарға бесән эшләүе еңелерәк булһын, ти. Уларға ла бит нәҡ беҙҙең һымаҡ бесәнгә барырға кәрәк, сабырға кәрәк, йыйырға кәрәк...
Шул саҡ егеттәр Айсурҙың был һүҙҙәренә баяғы көләмәскә ҡарағанда ла нығыраҡ итеп, тыйыла алмай көлә башланы...
Айсур берсә миңә, берсә башҡаларға аптырабыраҡ ҡараны ла башҡаса өндәшмәне.
Ошоноң менән был мәҙәк тамамланыр ҙа ине, бәлки, әммә ҡапылда юморҙы аңлап еткерә алмаған был егет тағы бер көләмәсте иҫемә төшөрҙө һәм мин уны һөйләмәйенсә булдыра алманым:
— Бер батша үҙенең вәзирҙәре менән һәр саҡ мәҙәк хәлдәр тураһында һөйләшеп, кәйеф-сафа ҡорорға яратҡан. Бер көн уларҙың береһе ошо хәлде һөйләй: “Бөгөн баҙарҙа бер ахмаҡты осраттым. Кәпәсемдең аҫтына биш йомортҡа йәшерҙем дә тегегә: “Йә, әйт әле, минең кәпәсем аҫтында нимә йәшерелгән? Әгәр нисәү икәнен әйтә алһаң, шундағы биш йомортҡаның барыһын да үҙеңә бирәм”, — тинем. Теге бер аҙ уйлап торғандан һуң: “Мин бит һиңә күрәҙәсе түгел, кәпәсең аҫтында нимә ятҡанын белергә, етмәһә, нисәү икәнен...” — тине.” Вәзирҙең был лаҡабын тыңлағандар һындары ҡатҡансы көлгән, ти. Барыһы ла көлөп тынысланғас, батша теге вәзирҙән һорай икән: “Ә шулай ҙа теге ахмаҡтың башын ҡатырырҙай ни нәмә ине ул кәпәсең аҫтында?..”
Егеттәр рәхәтләнеп көлә, ә мин Айсурға иғтибар итәм. Ул был юлы ла көлмәй, ә саҡ ҡына йылмайғандай итә. Шунан бер аҙҙан:
— Нимә булған? — тип һорап ҡуйҙы.
— Нисек инде, “нимә булған?” — тим мин тегегә.
— Теге вәзирҙең кәпәсе аҫтында нимә булған?
Хәлил ҺӨЙӨНДӨКОВ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Ҡурсаҡ театрында яңы миҙгел асыла

Ҡурсаҡ театрында яңы миҙгел асыла 24.08.2018 // Аҡмулла / Әҙәбиәт

Ҡурсаҡ театры тамашасыларға бер юлы өс премьера әҙерләне: “Етем төлкө”, “Буратино” камера...

Тотош уҡырға 1 580

Икеһе лә балалар өсөн

Икеһе лә балалар өсөн 24.08.2018 // Социаль мәсьәлә / Аҡмулла

Бөрйән районында “Башҡортостандың 100 йыллығына – 100 объект программаһы”на ярашлы ике...

Тотош уҡырға 1 557

Төмәнәктә туйҙар матур үтә

Төмәнәктә туйҙар матур үтә 24.08.2018 // Аҡмулла

Ҡайһы берәүҙәр “ауыл бөтә” тип ҡайғырғанда, Туймазы районындағы Төмәнәк ауылы халҡы дәртләнеп донъя...

Тотош уҡырға 1 364

Байрамдарҙың бармы ҙурыһы?!.

Байрамдарҙың бармы ҙурыһы?!. 24.08.2018 // Белем һәм тәрбиә / Аҡмулла

Хәҙер календарға күҙ һалыу менән аптырашҡа ҡалаһың, һәр көн – ниндәй ҙә булһа байрам. Ҡайһы бер...

Тотош уҡырға 1 533

Ике аҡҡош

Ике аҡҡош 16.08.2018 // Аҡмулла

Ике йәш йөрәк сәхнәлә табыша. Әхмәт Зәйнуллин менән Мәрхәбә Вәлишинаның уҡытыусы булып эшләй...

Тотош уҡырға 1 551

Урағайҙа, йөҙ йыл элек

Урағайҙа, йөҙ йыл элек 16.08.2018 // Аҡмулла

Рәсәй. Август. Ваҡиғалар....

Тотош уҡырға 1 341

Әҙерлек әүҙем бара

Әҙерлек әүҙем бара 10.08.2018 // Аҡмулла

Балалар яңы уҡыу йылын таҙа, төҙөк, күркәм мәктәптәрҙә ҡаршы алһын өсөн учалылар ҙур тырышлыҡ...

Тотош уҡырға 1 330

“Тантана ла, бер аҙ һағыш та бар...”

“Тантана ла, бер аҙ һағыш та бар...” 10.08.2018 // Аҡмулла

Шиғриәт – бер аҙ абстракт төшөнсә. Шағирҙың ижады, уның йәшәү кредоһы хаҡында телдән һөйләп аңлатыу...

Тотош уҡырға 1 524

Ижад ит һин бала күңелдәрен, Шиғыр итеп яҙ һин яҙмышыңды

Ижад ит һин бала күңелдәрен, Шиғыр итеп яҙ һин яҙмышыңды 10.08.2018 // Аҡмулла

Уның хаҡында ижади фекерләгән, балаларын олимпиадаларға әҙерләгән уҡытыусы булараҡ яҙырғамы, әллә...

Тотош уҡырға 1 924

“Шундай матур мәктәптә уҡырға кәрәк яҡшы!”

“Шундай матур мәктәптә уҡырға кәрәк яҡшы!” 10.08.2018 // Аҡмулла

Өфөнөң Октябрь районына ҡараған Нуғай ҡасабаһында яңы төҙөлгән мәктәп әллә ҡайҙан балҡып, үҙенә...

Тотош уҡырға 1 360

Хеҙмәт кенәгәһендә – бер генә яҙыу

Хеҙмәт кенәгәһендә – бер генә яҙыу 10.08.2018 // Белем һәм тәрбиә / Аҡмулла

Уҡытыусы һөнәре элек-электән маҡтауға лайыҡ. Уның абруйы, бәҫе һәр ваҡыт юғары. Шуға күрә уҡытыусы...

Тотош уҡырға 1 681

“Бишле”гә уҡыһаң – бушлай сәйәхәт

“Бишле”гә уҡыһаң – бушлай сәйәхәт 10.08.2018 // Аҡмулла

“iВолга-2018” Бөтә Рәсәй йәштәр форумына БДУ-ның Стәрлетамаҡ филиалы студенты Роман Баязитов...

Тотош уҡырға 1 307